Fálase

O presidente de RTVE confirma á Mesa pola Normalización Lingüística que este ano "haberá un aumento de contidos en galego en TVE e comezarán as emisións en galego" na canle infantil Clan. José Pablo López, como xa avanzara o pasado xaneiro, reafirmou a a Marcos Maceira e Celia Armas en representación da entidade galega que "tamén se incrementará a presenza da nosa lingua nos contidos radiofónicos do ente estatal", sinalan. A Mesa ve estes avances como froito da "mobilización e da iniciativa popular Xabarín", para a que logrou o apoio do Parlamento en 2021. Na imaxe, a xuntanza coa Mesa na sede de RTVE, este mércores. [Imaxe: A Mesa]

• HEMEROTECA | Menos do 5% da programación televisiva infantil emítese en galego 
• HEMEROTECA | "O do Xabarín non é nostalxia, é cabreo. É moita a xente que di: 'de rapaz tiven unha oportunidade que hoxe os meus fillos non teñen'"
• HEMEROTECA | Máis da metade da audiencia dos medios de comunicación reclama máis contido en galego

Inditex bate o seu récord de beneficios por terceiro ano consecutivo, ata 5.866 millóns de euros tras un incremento do 9%. As vendas netas alcanzan os 38.632 millóns, un 7,5% máis. Foto: Inditex. 

O primeiro ministro de Portugal perde a moción de confianza e o país luso encamíñase a unhas novas eleccións. "As coisas são o que são. Nós tentamos tudo", dixo Luís Montenegro. Foto: CC BY EPP. 

Ucraína acepta a proposta dos EUA para declarar un alto ao fogo con Rusia de trinta días a cambio de recuperar a axuda militar. O documento acordado será agora presentado a Moscova. CC BY President of Ukraine

Miguel Fernández, elixido alcalde de Lugo con 13 votos a favor. O socialista accede á alcaldía un ano despois de renunciar para dar paso a Paula Alvarellos, que faleceu dunha crise cardíaca hai dez días. Foto: Concello de Lugo. 

• PERFIL 👉 Miguel Fernández, o edil todoterreo cun reto histórico na alcaldía de Lugo
• Lugo, da conmoción pola morte da alcaldesa a unha elección política transcendental

Transportes insiste en que o rescate da AP-9 "non é viable" polos gastos "inasumibles" que suporía e culpa o goberno de José María Aznar por ampliar a concesión. A secretaria xeral de Transportes Terrestres, Marta Serrano, advirte dos "efectos lesivos moi importantes" que tería a medida. 

• O PP de Feijóo pide agora anular a prórroga de Aznar a Audasa

A nova lei do alcohol permitirá realizar probas de alcoholemia en centros educativos. Prohibe o consumo e venda en áreas escolares, deportivas e de lecer con presenza maioritaria de menores e veta a publicidade e patrocinio a menos de 150 metros de lugares frecuentados por eles. Foto: CC-BY-NC bellmon1.

Aprobada a nova lei dos medios públicos no Parlamento coa maioría absoluta do PP. O pleno trascorre coa protesta de traballadoras e traballadores da CRTVG en folga.

• +INFO 👉🏻 A maioría do PP no Parlamento certifica o "enterro" da CRTVG cunha nova lei de medios recibida en folga
• CRÓNICA | A dirección da CRTVG pasou pola lei, pero non á inversa

O Instituto Galego de Estatística pasa a ter dependencia orgánica directa do presidente da Xunta. O Goberno galego adscribe o IGE á nova Oficina de Coordinación Económica da Presidencia dentro dun plan que, di busca converter este órgano nun "centro de datos que apoie a Administración autonómica na toma de decisións" e inclúe lanzar un contrato para que "empresas tecnolóxicas poidan ofrecer os seus servizos para centralizar, xestionar e explotar os distintos datos dos que dispón a Xunta". Ese plan foi incluído nun informe que tratou este luns o Consello da Xunta, presidido polo conselleiro Diego Calvo en ausencia de Alfonso Rueda, de viaxe oficial no Uruguai. Na imaxe, Rueda nas instalacións de San Caetano [CC BY-SA David Cabezón / Xunta]

• HEMEROTECA | A terceira vida da "oficina económica" da Xunta
• HEMEROTECA | A Xunta conclúe que "non hai ningún idioma discriminado" cunha enquisa a familias encargada para matizar o IGE

A Catedral de Lugo acolle un funeral na memoria da alcaldesa da cidade, Paula Alvarellos, con ampla representación institucional. O acto, impulsado polo Bispado lucense, celebrouse na véspera da toma de posesión do socialista Miguel Fernández como novo alcalde, que será elixido no pleno municipal convocado para as 19:00 deste martes. Fernández encabezou ata o templo unha comitiva conformada por toda a corporación municipal, dentro da que os membros do BNG ficaron no adro da basílica para secundaren a homenaxe á rexedora falecida, pero non cerimonia relixiosa. [Imaxe: Concello de Lugo]

• Lugo, da conmoción pola morte da alcaldesa a unha elección política transcendental
• Miguel Fernández será o novo alcalde de Lugo