MAPA INTERACTIVO | O Sergas habilita 23 puntos para a realización de test da COVID sen cita. Consulta aquí os lugares e horarios.
Fálase
-
O Goberno de España confirma que recupera con carácter "temporal" a "obrigatoriedade" de uso da máscara ao aire libre á marxe da distancia de seguridade. Incorpora a excepción de "espazos naturais" cando haxa distancia de seguridade e mantén a da práctica do deporte. Así o anunciou a ministra de Sanidade, Carolina Darias, tras a reunión do Consello de Ministros. Darias reitera ademais a aposta por "acelerar" a vacinación pediátricas e a administración de terceiras doses á poboación maior de 40 anos durante o primeiro trimestre de 2022. (Na imaxe, -© Pool Moncloa / Fernando Calvo- un intre da conferencia de presidencias autonómicas celebrada o mércores)
O Goberno de España propón reintroducir a obriga de uso xeral da máscara en exteriores aínda que exista distancia de seguridade, segundo transcendeu da xuntanza da conferencia de presidencias autonómicas que se celebra esta tarde. Ao termo da xuntanza, Pedro Sánchez matizou a medida ata presentala de xeito practicamente idéntico á regulación actual. Dende o pasado xuño, a máscara seguía sendo obrigatoria en interiore e ao aire libre, cando non fose posible gardar distancia. A Xunta foi un dos gobernos autonómicos que reclamou a medida.
+ INFORMACIÓN | Estado e Xunta esquivan novas restricións pola COVID para o Nadal tras amagar con endurecer o uso da máscara
Sanidade estende a campaña de vacinación contra a gripe "até mediados de xaneiro ou até esgotar as doses dispoñibles" e abre a posibilidade de recibir esta vacina "nos grandes recintos habilitados para vacinarse da COVID-19". Segundo datos do Sergas, o 72,3% da poboación galega de 65 ou máis anos xa se vacinou contra a gripe. Na imaxe, unha muller é vacinada da gripe no inverno de 2020.
Terra, o tema co que Tanxugueiras opta a participar en Eurovisión, superou o medio millón de escoitas no primeiro día de publicación. Boa parte delas concentráronse en YouTube, con máis de 320.000 reproducións nesa xornada, destacan dende o grupo. Podes escoitala aquí
- ENTREVISTA | Tanxugueiras: "Queremos demostrar que a nosa música tradicional pode ter a mesma proxección que calquera outra"
Un tremor de terra con epicentro en Laxe acada unha magnitude de 3,5, segundo o IGN, que sitúa o terremoto arredor das 19:23 do serán do martes, día 21. O 112 recibiu "varias chamadas de veciños que notaran o terremoto no propio municipio como tamén en Muxía, Ponteceso e Santa Comba". (Imaxe: IGN)
María do Cebreiro gaña o Premio Ramón Piñeiro de Ensaio 2021 coa obra Maternidades virtuosas, que publicará a Editorial Galaxia durante o vindeiro ano. O galardón, organizado entre a Secretaría Xeral de Política Lingüística da Xunta e a propia editora, co patrocinio de Caixa Rural Galega, tivo no xurado a María Alonso Alonso, Javier Barcia González, Raquel C. Pico, Lois Oreiro e Carlos Lema. O ensaio premiado destaca "por facer unha achega accesible a todos os públicos sen perder o rigor intelectual sobre como os cambios sociais, o capitalismo, o contexto tecnolóxico e os cambios no coñecemento están intervindo a experiencia da maternidade".
O PP aproba en solitario no Parlamento os Orzamentos da Xunta para 2022, de algo máis de 11.600 millóns de euros, cifra similar á deste ano. Este martes debate e vota tamén a lei de acompañamento das contas públicas, que inclúe medidas como unha rebaixa de impostos ás rendas altas, compensacións ás construtoras polo encarecemento de materiais e outras moitas mudanzas en todo tipo de leis previas. [Imaxe: Parlamento de Galicia]
O Sergas comeza a enviar citas para a terceira dose da vacina contra a COVID á poboación de entre 40 e 49 anos. Así o confirma a Consellería de Sanidade. Este é o grupo máis numeroso da poboación galega.
Así soa Terra, o tema co que Tanxugueiras optan a estar en Eurovisión. Presentárono na medianoite deste 20 de decembro e xa acumula decenas de miles de reproducións. Interpretarano no Benidorm Fest, o festival co que RTVE escollerá o vindeiro xaneiro a súa representación. Pódelo escoitar aquí
