Fálase

Principia na Audiencia Nacional o xuízo pola operación Kitchen, a presunta trama político-policial do Goberno do PP de Rajoy para roubar ao ex-tesoureiro do partido, Luis Bárcenas, documentación incriminatoria para a formación sobre financiamento ilegal, ademais doutras accións ilegais. O ex-ministro do Interior, Jorge Fernández Díaz, e o secretario de Estado de Seguridade daquel Executivo, Francisco Martínez, son os principais acusados. Na imaxe, Fernández Díaz visitando como ministro instalacións da Unidade de Policía adscrita á Xunta (2013) [CC BY-SA Xunta]

• HEMEROTECA | Axitar o medo ás ocupacións de vivendas, nos obxectivos da trama do Ministerio do Interior de Rajoy que investiga a Xustiza
• HEMEROTECA | 'Operación Cataluña', o 'Watergate' da era Rajoy que os xuíces se resisten a investigar

Falece Dora Carrera, unha das nais fundadoras e referente da asociación Érguete e da loita contra o narcotráfico. "Na maior das tristezas soñaches que se podía vencer os narcotraficantes, que se podían salvar os fillos e fillas afectados e vós gañastes. Levas ese orgullo a onde vaias. Levas a vitoria e nós quedamos co teu exemplo", despídea a entidade nunha emotiva mensaxe. 

España, Portugal Italia, Alemaña e Austria piden á Comisión Europea un imposto aos beneficios das enerxéticas. Os ministros de Economía dos cinco Estados propoñen un gravame coordinado para minorar o impacto da guerra en Irán, segundo conta El País. 

• De Irán ao campo galego: a suba de gasóleo e fertilizantes tensiona o sector agrogandeiro
• Os carburantes soben xa ata un 25% en Galicia dende o inicio da guerra

A derruba dun caza dos EUA por parte de Irán abre un novo capítulo do conflito en Oriente Medio. Washington confirma a perda dun F-15 sobre territorio iraniano e medita unha operación de rescate. Foto: CC_BY Avash Media. 

Este 3 de abril, Venres Santo, Praza.gal non se actualiza por descanso do persoal. Deixámosvos toda a información destes días e o suplemento da fin de Semana (Santa) para lerdes. E o sábado estamos de volta. Se cadra, este tamén é bo momento para seres de Praza.gal, porque hai moitas cousas que só podemos contar contigo e, ademais, ata o 80% da túa achega anual vénche de volta na declaración da renda.

• Faite socio, faite socia de Praza.gal

Unha folga protesta contra a "sobrecarga laboral" en grandes almacéns neste Xoves Santo festivo no que se permite a apertura deses establecementos. Convocada pola CIG, denuncia que non haxa compensacións por traballar en días coma este. [Imaxe: CIG]

• HEMEROTECA | Tras as luces das compras masivas do Nadal: sobrecarga, longos horarios e traballar o domingo
• HEMEROTECA | A exitosa loita das dependentas dá freado a patronal: "Non imos perder o conseguido"

Engala con éxito a misión Artemis II da NASA coa que catro astronautas rodearán a lúa por primeira vez en medio século. A misión durará 10 días e será a que máis afaste un ser humano da terra en toda a historia. [Foto: NASA/Bill Ingalls]

• HEMEROTECA | Unha ducia de imaxes da chegada do ser humano á Lúa 

O Ministerio de Agricultura levanta o confinamento de galiñas agás en 40 concellos galegos. A cría en liberdade das aves de curral será posible en 273 municipios de Galicia pero continuará prohibida en 40 por seren zonas de especial risco ou vixilancia. Podes consultar aquí o mapa coas localidades onde as galiñas teñen que seguir pechadas. 

• Confinadas todas as galiñas ante a expansión da gripe aviaria
• Galiñas confinadas en 40 concellos: así son as medidas contra a gripe aviaria

Fillas de Cassandra publicará ‘Tertúlia’, o seu novo álbum, o 24 de abril. O dúo vigués desvelou este mércores nas súas redes sociais a portada do disco: doce cadeiras que transforman a música en materia- A Fundación Granell de Santiago acollerá os días 7 e 8 de abril a exposición ‘TERTÚLIA: doce cancións, doce cadeiras’, onde o público poderá preescoitar de xeito exclusivo o álbum a través dunha ducia de pezas escultóricas.

• ENTREVISTA | "Redescubrímonos con cada traballo, o que ofrecemos son as nosas ideas"

Hoxe é o Día das Artes Galegas, que este ano se dedica ao fotógrafo José Suárez. O alaricano, que tamén foi cineasta e estivo influenciado polas vangardas artísticas, deixou unha obra variada e vibrante, etnográfica e humanista, con creacións nun gran número de países -Arxentina, Uruguai, Xapón...- que o converteron no "fotógrafo galego máis internacional". Allariz acolle a partir das 19 horas o acto central, no que intervirá o presidente da Real Academia Galega de Belas Artes, Manuel Quintana Martelo, e o académico Xurxo Lobato, encargado de realizar a laudatio.

• O fotógrafo José Suárez será o homenaxeado no Día das Artes Galegas 2026
• Unha ducia de momentos da vida do fotógrafo José Suárez, homenaxeado no Día das Artes Galegas 2026
• ENTREVISTA | Xosé Luis Suárez Canal: "A fotografía foi, para José Suárez, un xeito de explicar e transformar a realidade"