David Lombao

Socialistas e nacionalistas acordan, cos ata agora alcalde e tenente da alcaldía á fronte, manteren "reunións periódicas" para "supervisar os proxectos deixados en marcha e garantir a súa execución conforme ao aprobado nos orzamentos" de 2026. A intención, afirman Fernández e Arroxo, é "velar por que a cidadanía non se vexa prexudicada" por unha "operación política" do PP coa tránsfuga que "introduce incerteza sobre actuacións fundamentais" para a cidade

A sétima maioría absoluta consecutiva das esquerdas no Concello lucense queda alterada de vez pola suma da ex-socialista Reigosa aos populares para desbancar o goberno de PSdeG e BNG e entregar o bastón de mando a Elena Candia

O equipo encabezado polo socialista Miguel Fernández e o nacionalista Rubén Arroxo investiu os últimos días en amosar obras e iniciativas rematadas, a piques de facelo ou que en condicións normais despregarían no ano restante atas as eleccións. Os pasos finais da estación intermodal e de varias obras viarias, a programación cultural ligada ao Arde Lucus ou os patrocinios do Breogán foron presentados polo gabinete de PSdeG e BNG antes da inminente chegada de Candia grazas ao voto da edil tránsfuga

Na véspera do pleno que votará a moción de censura para desbancar o goberno de PSdeG e BNG no Concello lucense, a ex-socialista María Reigosa emite un comunicado no que di confiar "na responsabilidade, na capacidade de diálogo e no proxecto que lidera Elena Candia"

O congreso que reelixiu a Feijóo como líder estatal do seu partido en 2025 situou operacións como a que a formación impulsa en Lugo no máximo nivel de reproche na súa normativa interna, con sancións que implican varios anos de suspensión de militancia ou a expulsión. Besteiro pregunta a Rueda se "vai abrir expediente por estas graves infraccións"; Pontón acúsao "empregar recursos públicos para mercar xente", o que cualifica como "corrupción política" 

Política Social escudárase en que o Goberno de España prevía mudar a normativa polas riadas de València para bloquear o centro de maiores que proxectaba no lugar de Saíñas, preto da praia de Coroso. Anunciou o "desbloqueo" do proxecto trasladándoo a outro lugar cinco días despois da moción de censura que devolveu o PP á alcaldía

O alcalde lucense vive os últimos días no posto por mor da moción de censura do PP canda a concelleira tránsfuga María Reigosa, pero di estar "seguro" de que non serán os derradeiros porque tras as eleccións de 2027 "este goberno vai estar gobernando", xa que á veciñanza "non lle vale o argumento único de que a cidade está paralizada, porque é mentira" e "vai tomar boa nota" de que chegar á alcaldía "mediante tres mortes, cunha tránsfuga e faltando un ano para o remate do mandato cuns orzamentos aprobados por este goberno é absolutamente indigno".

PSdeG e BNG viron a Xefatura do Litoral de Lugo convocada 'á medida' da edil tránsfuga María Reigosa, que ao confirmar a moción de censura con Candia asegurou que non se presentaría malia ser "legal" facelo. Medio Ambiente non revela se a comisión de servizos xa foi adxudicada porque "prima a protección de datos referidos ás persoas participantes" e di que "cando haxa resolución, daráselle publicidade polos mesmos medios que se fixo o anuncio" malia que estas adxudicacións non son divulgadas

A última vez que a un goberno do PP lle correspondeu aprobar uns orzamentos no Concello de Lugo o proxecto contaba con algo máis de 8.300 millóns de pesetas. Tras sete maiorías de esquerdas a cidade experimentou notables transformacións, unhas produto do paso do tempo e outras, de decisións políticas. Ás pesetas, aos cartos, a unha compra política ou económica, aluden moitas das voces críticas coa operación do PP de Elena Candia coa tránsfuga María Reigosa para derrubar o goberno de PSdeG e BNG

Praza.gal obtén ao abeiro da Lei de Transparencia os datos completos dos focos de lume forestal rexistrados en Galicia o ano pasado, uns 1.500 incendios que inclúen os arredor de 1.300 dos que a Xunta non informou mentres sucedían. O que durante o verán foi abordado como un único incendio iniciado en Seadur (Larouco) de case 32.000 hectáreas, o maior documentado en Galicia, figura agora como dous, o da localidade ourensá e outro nunha parroquia lindeira de Quiroga. A suma de ambos chega case ás 33.000

A suma do voto da tránsfuga María Reigosa aos 12 do PP converterán a Elena Candia na primeira militante do PP en erguer o bastón de mando lucense dende 1999 nun mandato para o que as urnas volveron dar en 2023 a absoluta a PSdeG e BNG por estreita marxe e para o PP, o sétimo fracaso consecutivo no intento de gobernar a cidade

A ex-socialista María Reigosa ratifica a súa intención de pasar de non adscrita a tránsfuga para entregar aos populares de Elena Candia un goberno que non logran coas maiorías saídas das urnas dende hai 31 anos