David Lombao

Hai agora vinte anos a Xunta de Fraga lanzou a súa lei de policía, que presentou como "feito histórico" por implicar que "por primeira vez" Galicia tivese "un corpo de policía propio" e "integral" con competencias como as de tráfico. O novo corpo acabou sendo aprobado no mandato de PSdeG e BNG, que reclamaron o traspaso do tráfico en 2008 co apoio do PP. Dende 2021, cando recibiron críticas de sindicatos policiais e da extrema dereita por abrirse ao traspaso, os populares viraron á postura que volveron escenificar esta semana, cando Paula Prado atacou a iniciativa do BNG ligándoa ao terrorismo malia ser practicamente idéntica á defendida por Fraga hai vinte anos

O pacto pechado polo Concello de Santiago co Estado eleva ao 45% o mínimo de pisos protexidos no proxecto, do que desaparece o centro comercial, amplamente rexeitado na contorna. A familia propietaria do Peleteiro vendeu hai dúas décadas a céntrica parcela a Caixa Galicia, que proxectou un complexo naufragado entre litixios tras o picazo da burbulla inmobiliaria. O rescate de Novacaixagalicia acabou co terreo no 'banco malo'

Se a Xunta acepta que o Goberno de España asuma 4.010 millóns da súa débeda, o montante total ficará en niveis do ano 2012. BNG e PSdeG relacionan a posible negativa do presidente coa "submisión" aos ditados de Feijóo e ínstano a rectificar para aproveitar os 4.000 millóns liberados en financiar competencias como sanidade, dependencia ou vivenda

Os dous veciños de orixe senegalesa que axudaron a Samuel Luiz para tentar evitar o seu asasinato fan un chamamento á educación en valores ao seren distinguidos polo Concello: "Non somos heroes". "Daquel inferno que aínda nos doe como cidade xurdiron dúas figuras admirables que contan co agradececemento eterno da Coruña", subliña a alcaldesa

Entre acusacións de "compartir ideario cos que teñen as mans manchadas co sangue dos policías asasinados por ETA", os populares vetan a iniciativa do BNG para solicitar un traspaso que xa reclamara o Goberno de Fraga e está avalado pola norma vixente en Galicia dende 2007

O Ministerio de Facenda propón a condonación de 4.010 millóns do endebedamento galego dentro dun montante superiora aos 83.000 millóns para o conxunto de autonomías. Feijóo anticipa un "non" en bloque de todas as comunidades con goberno do PP, Pontón pide ao presidente que "defenda a camisola de Galiza" e asuma a quitación que, resalta, o BNG tamén pactou co PSOE na investidura de Sánchez. Besteiro lamenta a súa "actitude antigalega" ao suxerir que non aceptará

O 24 de febreiro de 1985 comezaba a emisión en probas da Radio Galega, que un mes despois iniciaría a súa programación regular.  

Queremos Galego volve xuntar milleiros de persoas a prol do idioma: "Fronte á emerxencia lingüística, a sociedade está disposta a actuar e cómpre que o Goberno galego tamén o estea"

Economía mantén que a documentación dos pactos coa compañía portuguesa para a súa instalación en Galicia é "interna dunha sociedade privada con participación pública minoritaria" ao ter a Xunta o 40% de Impulsa Galicia e non dispor da "maioría dos dereitos de voto". Contas insiste en que a ese 40% se suma "o 10%, de xeito indirecto" a través de Sogama, polo que Impulsa Galicia debe estar "sometida a control público"

As históricas fendas internas dos socialistas composteláns quedan máis á vista ca nunca coa expulsión de catro dos seis edís da cidade que o partido gobernou durante décadas. A votación dos pisos turísticos foi o detonante do proceso disciplinario, que agora se centra na negativa dos edís sancionados a remudaren o voceiro municipal. A expulsión, advirten, é definitiva pero aínda non firme, polo que de momento seguen sendo edís do PSdeG

Tras lograren o mellor resultado da súa historia, o Bloque analizou que algo mudara aínda que non o fixese o Goberno e que cabía continuar á procura de fendas na "hexemonía" do PP para volver tentalo. Esa análise mantéñena e acrecéntana no primeiro aniversario dos comicios

Tras asinar o PP en dúas ocasións o compromiso de que o Centro de Atención á Discapacidade de Ourense tivese xestión pública directa, co contrato xa lanzado a Xunta responde ao PSdeG que a "amplísima experiencia" das entidades sociais privadas "demostra que son a mellor maneira de dar resposta ás necesidades dos usuarios deste centro"