David Lombao

O novo edificio de viaxeiros da terminal ferroviaria compostelá entra en servizo mentres a coordinación de horarios de tren e bus segue pendente. A alcaldesa reivindica o remate da infraestrutura co novo aparcadoiro, de 900 prazas, e nunha "xornada histórica" aposta por "completala" co "impulso ao servizo de tren de proximidade"

O Consello da Cultura Galega e o grupo de investigación Hispona publican para a súa libre consulta máis de 3.500 carteis, panfletos e adhesivos recompilados durante décadas polo coruñés Miguel Gutiérrez. "Pon sobre a mesa e visualiza o inxente traballo daqueles anos. Moi especialmente da xente anónima, nunca recoñecida, que quería un futuro dialogado en paz e democracia", subliñan

"Se fosen futbolistas en vez de mulleres, non solicitarían un comité de crise?", pregúntase a líder do BNG tras dous asasinatos machistas en apenas quince días. "Esa frase vaina perseguir, iso non é frivolizar? É poñerse en ridículo", retruca o presidente. O titular da Xunta censura que o Bloque "siga apoiando" no Estado un "Goberno que trafica con mulleres" e Pontón afea que o popular estivese "encubrindo un conselleiro e amigo cunha denuncia por agresión sexual"

Sanidade asegura contar xa con 95 residentes a piques de rematar a formación en Pediatría ou Medicina de Familia para atender en centros de saúde con menos persoal por mor das vacacións ou que teñen máis demanda a causa do turismo. Defende que a estrea desta fórmula foi un "éxito" no verán de 2024, cando veu admitir que a supervisión deste persoal podía ser só telefónica

José Antonio Campo Andión dirixiu o Instituto Galego de Estatística durante tres décadas; en todos os mandatos de Fraga e dende que o PP volveu á Xunta en 2009. Malia aos seus case 75 anos de idade, a súa marcha non ten a forma de cesamento por petición propia, senón unha destitución aprobada polo Consello da Xunta, en cuxa referencia pública non figurou a decisión. O IGE pasa de depender de Facenda a facelo da Oficina Económica da Presidencia

O xulgado desbota todas as acusacións de ilegalidades económicas e de xestión contra o antigo xefe de protocolo da Deputación de Lugo e pecha de vez o caso no que a xuíza De Lara mantivera investigado durante anos ao líder do PSdeG- Os documentos que deron orixe ao caso foron deixados anonimamente "por baixo da porta do despacho do PP na Deputación" e a súa líder entregounos á Fiscalía, cuxa denuncia deu orixe á operación

Os sucesivos anuncios de novas promocións de vivenda pública ou con algún réxime de protección disparan por riba das 22.000 as inscricións no Rexistro de Demandantes, un incremento dun 30% en apenas un ano en plena escalada de prezos no mercado privado. Vigo e A Coruña aglutinan case a metade das peticións de vivenda protexida e os novos pisos previstos pola Xunta ata 2028 apenas cobren o 18% da demanda total

O alto tribunal sentencia que a Audiencia de Madrid incorreu nun "erro patente na valoración da proba" ao concluír que o concello compostelán non identificou "adecuadamente" as pezas que reclamaba. As esculturas en poder dos Franco son as mesmas, "sen posibilidade de dúbida". As esculturas foron mercadas polo consistorio en 1948, o ditador e a súa esposa quedaron con elas nos anos 50 e o goberno local litiga para recuperalas dende 2017

O 19 de xuño de 2005 PSdeG e BNG deron escorrentado o fatalismo nunha tensa noite electoral na que ao PP de Fraga, así e todo, as contas non lle deron por pouco ao manterse no 45% dos sufraxios. "Foi posible o que parecía imposible, Galicia non estaba chamada a permanecer apoiando maioritariamente ao PP", lembra Touriño, que salienta o "histórico" apoio obtido polo PSdeG daquela. "O resultado do BNG non foi óptimo, pero o sabor acedo quedou borrado por conseguir un obxectivo máis importante para o país, o necesario cambio de Goberno", evoca Quintana

Máis de 350 profesionais secundan unha carta na que a Irmandade Xurídica Galega piden á Xunta e ao Estado aproveitaren a "oportunidade histórica" para "facer efectiva a cooficialidade" nos xulgados permitindo que o novo aplicativo, Atenea, comece a funcionar sendo "completamente bilingüe" e non se limite á actual versión, só en castelán

No primeiro trimestre de 2025 os xulgados galegos activaron en 300 ocasións o mecanismo para desafiuzar persoas da vivenda na que residen, unha vintena máis que nos tres meses previos e unha vintena menos que no comezo do ano pasado. Os xulgados recibiron 22 novas demandas por ocupacións ilegais. Son 0,8 por cada 100.000 habitantes, catro décimas por baixo da tamén cativa media estatal

O pasado 2024 foi, con  2.644 hectáreas, o terceiro ano con menor superficie ardida en incendios forestais nos montes galegos dende que hai datos comparables. O Pladiga subliña que a factores como "abandono do poboamento rural" ou unha propiedade da terra maioritariamente privada e disgregada se suma "a herdanza do resultado dunha política de (re)forestación non dotada en ocasións dunha conveniencia propia"