David Lombao

O prazo de presentación de peticións remata no conxunto do Estado con algo máis dun millón, o duplo do estimado. "Permite ofrecer seguridade xurídica e dereitos a milleiros de persoas que xa vivían, traballaban e formaban parte da nosa sociedade", salienta o delegado do Goberno de España en Galicia. Case o 60% das persoas solicitantes teñen menos de 34 anos. Venezuela e Colombia son as principais orixes das peticións en Galicia

As acusacións de Feijóo sobre "enxeñaría electoral" pola extensión da nacionalidade a descendentes de persoas exiliadas devolven o foco sobre o mal chamado voto emigrante, no que a introdución da obriga de anexar o DNI co voto fixo minguar unha participación que caeu de vez coa introdución do voto rogado, cuxa cancelación reclamaron dirixentes coma o ex-presidente. O novo sistema implantado en 2022 suprimiu a petición previa e inseriu outros requisitos que manteñen en niveis escasos os votos chegados do estranxeiro

Os de Feijóo "saben moito de manipulación do voto da emigración", ironiza a líder do BNG, quen defende "todas as garantías democráticas" nas votacións dende o estranxeiro para que "as prácticas que vimos do PP non se repitan nunca". "Que me explique con que cara vai ir a Bos Aires pedir o voto que aquí trata como sospeitoso", reta Besteiro a Rueda

Praza obtén ao abeiro da Lei de Transparencia os datos do rexistro de vivendas baleiras propiedade de entidades financeiras que a Xunta evitou entregar ao Parlamento. A Coruña é o concello con máis pisos baleiros propiedade da banca, segundo os datos manexados polo Goberno galego, con máis de 300. A Sareb, o 'banco malo', é a entidade que máis vivendas baleiras ten inscritas neste rexistro

O presidente sostén que a proposta do Estado para rebaixar o número de crianzas por docente en escolas infantís, a comezar por pasar de 8 a 4 nas aulas de bebés, "compromete a gratuidade" en Galicia, estendida mediante subvencións a centros privados

Unha roza dunha empresa que traballaba para Xunta e Concello en día de risco extremo de lume, prohibida por unha orde que nunca chegou onde debía, acabou provocando o segundo maior incendio documentado en Galicia. Medio Rural argumenta que "non resulta viable" autorizar cada uso de maquinaria no monte nesas situacións e dá en cumprir s obriga legal cun permiso xeral condicionado, para labores entre mediodía e as 6 da tarde, a prevencións adicionais como ter 400 litros auga para un posible lume

A Academia concede o galardón 'Na lingua que eu falo' ao proxecto do IES Rafael Dieste da Coruña, "un dos movementos de dinamización lingüística máis relevantes das últimas décadas, cunha capacidade transformadora que está a chegar moito máis alá das aulas"

O 28 de xuño de 1936 celebrouse o referendo do texto estatutario cuxos impulsores advertían de beneficios económicos e políticos para o país, pero tamén advertían da resolución "dun problema de dignidade colectiva". Recuperamos documentos do Comité Central da Autonomía, que sinalaba o Estatuto catalán como proba de que naquela votación "Galicia non se expón a perder, senón a gañar; administrará por si mesma os seus propios intereses e serán os galegos quen establezan as normas xurídicas da súa propia Administración"

A Audiencia de Ourense atende o recurso do rexedor e anula o auto do xulgado que o enviaba a xuízo por prevaricación por non pedir a compatibilidade entre o seu posto público e a actividade privada xestionando unha canle televisiva. "Non toda omisión ou incumprimento dun deber por parte dun funcionario pode catalogarse de prevaricación administrativa omisiva por non ser equivalente a unha resolución arbitraria expresa", di o tribunal

A segunda sesión da mesa de contratación da Consellería de Presidencia encargada de mercar este equipamento para a unidade de Policía adscrita ao Goberno galego confirma que o "representante oficial en España dos principais fabricantes israelís de material policial e militar" cumpre os requisitos para seguir adiante no proceso

Galicia ten cinco destes espazos, abertos por orde do Goberno de España, que os financiou con fondos europeos coa directriz de dispor cando menos dun por provincia. O PSdeG cuestiona a Política Social pola persistencia da ausencia destes centros en dúas das principais cidades se o propio Executivo, tras o primeiro ano abertos, "os cualifica como un recurso imprescindible" polo que pasaron case 400 mulleres

A maioría absoluta avala a lei orgánica pactada polo PSOE BNG e Sumar, quen sosteñen que o traspaso chegará con "plenas garantías" de que o Estado asumirá todos os custos derivados da súa propia xestión- O texto pasa ao Senado, onde os populares aseguran que tentará modificalo. Se o trámite conclúe de volta no Congreso con éxito culminarán vinte anos de reivindicacións e unha década de intentos por aprobar esta lei marcada polos bloqueos