David Lombao

O Tribunal Superior rexeita a suspensión cautelar da entrada en vigor do novo tributo, que o Concello compostelán aplica dende este 1 de outubro. "Non se evidencia que sexa de superior rango o interese" da patronal hoteleira que o "interese público inherente aos investimentos e gastos" que serán financiados co recadado, argumenta o auto. A taxa turística coruñesa, en vigor dende o 29 de setembro, tamén afronta recursos do sector

Tras non "considerar oportuno" informar ao respecto a pasada primavera, a Xunta non remite á Cámara datos solicitados polo BNG sobre  usuarias e tipo de atención prestada nos primeiros seis meses dos "centros de crise 24 horas". A Consellería argumenta a súa negativa sinalando que "considera oportuno" elaborar un "informe anual" sobre estes centros para ofrecer daquela unha "visión máis axeitada e completa"

O que fora rexedor sarriao polo PSdeG, no cargo con Camiña Sarria dende 2019, asina co PP quince promesas de investimentos da Xunta e anuncia ao tempo que o seu partido "dá por finalizado o ciclo político" e non volverá presentarse. O pacto ten obvia lectura provincial, onde Sarria se encadra no transcendental partido xudicial de Lugo, e é sinalado como "a maior bazofia política" polos socialistas, que  o atribúen a "problemas persoais do alcalde" e "ambicións" da líder provincial do PP, Elena Candia

As case 23.000 inscricións no Rexistro de Demandantes de Vivenda protexida supoñen un novo récord nun contexto no que a promoción de case 3.000 pisos públicos tras década e media de parálise case absoluta anima a demanda. Máis de 9.400 peticións, 7.000 delas en Vigo, concéntranse na provincia de Pontevedra.

O presidente da Xunta rubrica a 'Declaración de la Región de Murcia' coa promesa de "elaborar e implantar un plan integral para o sector forestal" canda o resto de autonomías con gobernos do PP. O documento, que en materia migratoria concreta o xiro do partido cara a posición ata agora explicitadas por Vox, sinala a caza entre as actividades no monte "aliadas para combater o cambio climático e a prevención de incendios"

É verdadeiramente excepcional que o PPdeG non se mova motu proprio, senón pola presión política desoutra media Galicia que apenas deu tocado goberno en máis de catro décadas de autonomía. Por iso é significativo o acontecido a respecto de Gaza nos últimos días

O presidente do Parlamento rexeita ler a formulación do PSdeG que condena o "xenocidio" do pobo palestino e Rueda di que finalmente aceptou ese texto para "evitar politizar" o asunto. Besteiro lamenta que o PP "non está convencido, nin dixo a palabra xenocidio" e Pontón amosa a súa "perplexidade" polo "papel bochornoso" dos populares: "A historia xulgaraos"

Os populares substitúen a petición do PSdeG para amosar solidariedade coas vítimas do "xenocidio", apoiada polo BNG, por outra de "solidariedade e respecto" con quen padecen a "inxustificada acción militar" de Israel e mais coas "vítimas do terrorismo de Hamás"

A comisión solicitada polo BNG recibe o apoio de PSdeG e DO, pero decae polo "non" da maioría absoluta dos populares, que descualifican a petición como "linchamento" ou "xeito noxento de entender a política". "Vemos que ao PP lle importa un bledo que arda este país", lamenta Ana Pontón, que reprocha a "frivolidade" do partido que sustenta ao Goberno tras unha "catástrofe" que non foi produto "da mala sorte", senón de "décadas de abandono do rural e dunha política forestal fracasada"

"Os dereitos non poden cambiar en función da procedencia ou da cultura" dos menores acollidos, advirte a presidenta do Colexio de Educadoras Sociais de Galicia. A conselleira admite que o seu plan "rompe co sistema integrador e inclusivo de protección" de menores pero culpa o Goberno de España por "impoñer" que Galicia 317 menores migrantes malia "non contar con capacidade"

O Goberno de España deu esta semana en alongar a prolongadísima partida político-xurídica sobre a extensión da concesión da Autoestrada do Atlántico coa Comisión Europea, que a ve ilegal. Xunta e PP súmanse ás voces a prol do rescate da AP-9 cun matiz relevante: borrar da escena a José María Aznar, baixo cuxo mandato a fin da concesión pasou de 2023 a 2048, e atribuír a prórroga a Pedro Sánchez

Tras a resposta do Estado ao ditame da Comisión Europea que ve ilegal a prórroga de Aznar, a líder do BNG remite ao titular de Transportes unha copia do informe encomendado pola formación á UDC segundo o cal o rescate da autoestrada custaría uns 900 millóns e o Estado aforraría outro tanto. A Xunta, mentres, asegura que "acudirá á vía xudicial" para ver o expediente aberto pola UE se o Goberno de España non lle amosa unha copia