David Lombao

Máis de 350 profesionais secundan unha carta na que a Irmandade Xurídica Galega piden á Xunta e ao Estado aproveitaren a "oportunidade histórica" para "facer efectiva a cooficialidade" nos xulgados permitindo que o novo aplicativo, Atenea, comece a funcionar sendo "completamente bilingüe" e non se limite á actual versión, só en castelán

No primeiro trimestre de 2025 os xulgados galegos activaron en 300 ocasións o mecanismo para desafiuzar persoas da vivenda na que residen, unha vintena máis que nos tres meses previos e unha vintena menos que no comezo do ano pasado. Os xulgados recibiron 22 novas demandas por ocupacións ilegais. Son 0,8 por cada 100.000 habitantes, catro décimas por baixo da tamén cativa media estatal

O pasado 2024 foi, con  2.644 hectáreas, o terceiro ano con menor superficie ardida en incendios forestais nos montes galegos dende que hai datos comparables. O Pladiga subliña que a factores como "abandono do poboamento rural" ou unha propiedade da terra maioritariamente privada e disgregada se suma "a herdanza do resultado dunha política de (re)forestación non dotada en ocasións dunha conveniencia propia"

Educación publica as instrucións do curso 25-26, que incrementan o control das actividades complementarias aludindo ao artigo da lei de 1985 que se basea no precepto da Constitución sobre as cuestións relixiosas e morais no ensino. Impón incluír "todas" as actividades como charlas ou visitas na programación anual dos centros, que só "de xeito moi excepcional" poderán engadir outras coa condición de "dar conta ao consello escolar e á inspección educativa"

A UCO tira de conversas intervidas a Koldo García que premeu a prol de adxudicacións á construtora OPR e a cambio obtivo "contraprestacións" como un emprego para a súa esposa. Sinala entre as "posibles consecuencias" da súa detención que a obra na liña Monforte-Lugo na que lle atribúe manobras non fose para esa empresa, senón para a súa asociada

O presidente do Goberno de España e secretario xeral do PSOE anuncia unha auditoría externa das contas do partido e unha reestruturación da súa dirección tras a dimisión de Cerdán, cuxa marcha asegura que el mesmo lle esixiu: "Non debemos confiar nel"

"Encubriu durante meses un presunto agresor sexual" e despediuno "entre aplausos" e "sen unha soa palabra de apoio á denunciante", "iso chámase violencia institucional", denuncia Pontón. "O seu silencio fai pensar que ten información problemática e non a conta", advirte Besteiro, que esixe aclarar por que "se soubo a identidade da denunciante" aos "poucos minutos" de marchar Villares. O presidente retruca a portavoz nacional do BNG reprochándolle que non critique o PSOE por presuntos casos de corrupción que o afectan no Estado e ao secretario xeral do PSdeG, polas imputacións xudiciais que o atinxiron a década pasada, todas elas arquivadas

O BNG reclamaba que o presidente aclarase ao Parlamento "por que ocultou durante catro meses" a denuncia, por que "se iniciou unha campaña de criminalización" contra a denunciante e as razóns do que denominan como "o abrazo da vergoña" na despedida do ex-conselleiro. "O que está en xogo non é só unha denuncia gravísima, senón a resposta institucional fronte a ela", sinala Besteiro (PSdeG), que ve na actitude do Goberno do PP "un aval á impunidade"

O Parlamento vota por primeira vez na súa historia a dirección xeral da agora chamada CSAG. Os votos do PP non foron dabondo para nomear xa á súa candidata pero si o serán dentro dun mes grazas á cláusula inserida pola Xunta que permite esquivar a condición da maioría reforzada. O BNG ve no tratamento do caso Villares o mellor "exemplo" do labor dende 2017 da vindeira directora xeral como xefa de informativos. O PSdeG subliña o seu "palmarés insuperable en manipulación informativa"

Que os feitos denunciados como agresión sexual acontecesen nun espazo privado engade complexidade á investigación e importancia ás probas, que inclúen análises químicas e mostras biolóxicas canda o testemuño da denunciante, centrado na convicción de ter sido sometida a prácticas sexuais contra a súa vontade

O marco 'eleccións xa' que a dirección do PP encomendou aos seus dirixentes territoriais para o encontro con Pedro Sánchez vira en 'linguas oficiais diferentes do castelán, non' por mor das manobras da presidenta de Madrid. O presidente reduce a conferencia a unha "foto" e unha "sucesión de monólogos", pero admite que ve "aceptables" algunhas das iniciativas propostas por Pedro Sánchez en materia de vivenda

"O que está dicindo é que cando unha muller denuncia, o presidente en vez de poñerse do seu lado, ponse do do presunto agresor", coida a líder do BNG, que reclama alterar a orde do día do vindeiro pleno para inserir unha comparecencia do presidente sobre o caso Villares. Lara Méndez (PSdeG) ve no Goberno galego un exemplo de "machismo institucional" por "non tomar medidas cando coñeceron a denuncia" e, agora, ao "vitimizar novamente" á denunciante