David Lombao

"O PP está nervioso porque a maioría social que hai apenas un mes quería cambio, pero era escéptica, agora está convencida de que ese cambio é posible", afirma a líder do BNG. O manifesto 'É agora', asinado por "persoas do galeguismo e do nacionalismo que non militan no BNG", pide o voto para Pontón

O ex-alcalde de Santiago, número tres de Galicia en Común pola Coruña, coida que "o día 12 podemos atoparnos nunha situación que rache a demoscopia e permita o cambio político". Reincorporado ao seu traballo como médico, Noriega coida que por mor da crise do coronavirus "imos ter unha crise social peor que a de 2008 e aínda non somos capaces de percibir a súa magnitude"

Galicia encadea por primeira vez tres lexislaturas sen sumar novas competencias, o período máis prolongado na historia da autonomía. Tras advertir de que non aceptarían traspasos que "poñan en risco a viabilidade de políticas estatais", o programa dos populares reitera as peticións de competencias que "foron avaladas polo Parlamento", en referencia aos traspasos pactados na Cámara na lexislatura do Goberno de PSdeG e BNG

Sánchez regresa á campaña galega por partida dobre e cunha mensaxe para "todos os galegos e galegas progresistas" que optaron polo PSOE hai un ano: "Se se mobilizan, Gonzalo Caballero será presidente". O candidato do PSdeG redobra a súa mensaxe en clave social con promesas como 5.000 prazas "estables" no Sergas ou un ordenador para cada estudante do ensino público o vindeiro curso

O brote da Mariña provocou que a área sanitaria lucense pasase en apenas unha semana de 17 a 64 "positivos activos" pola covid-19. Unhas 500 persoas que tiveron contacto con persoas afectadas polo brote están en corentena por se desenvolven síntomas

A candidata do BNG proponse reverter "once anos nos que o PP deixou de lado a política pública de vivenda", con só catro novos pisos protexidos o pasado ano e unha vintena en toda a lexislatura. Anuncia en Ferrol "un imposto ás vivendas baleiras de fondos voitre e entidades bancarias que estean desocupadas durante máis de dous anos sen causa xustificada"

Este 1 de xullo, o Ministerio de Sanidade reflicte cinco casos novos diagnosticados en Galicia nas últimas vinte e catro horas. O global de "positivos activos" do que informa o Sergas pode resultar enganosa ante os brotes puntuais: o indicador baixa levemente no global de Galicia mentres segue subindo na área afectada, neste caso a de Lugo

Na súa terceira intervención na carreira electoral galega, segunda en campaña, Casado botou man de metáforas taurinas para preguntarse "a que vén" Pedro Sánchez a Galicia. Tras a visita do líder popular, o seu número dous, García Egea, acudiu tamén á provincia lucense, onde atribuíu a Feijóo a salvación de "miles de vidas" pola realización de test rápidos do coronavirus

O socialista Gonzalo Caballero cre que, no debate da TVG, Feijóo "quedou sobrepasado pola realidade dun país que quere cambio" e Gómez-Reino, de GeC, coida que o encontro "evidenciou non só que hai partido, senón que se iniciou a remonta definitiva das forzas da esquerda". Ana Pontón, candidata do BNG, reclama ao aspirante á reelección que participe en máis debates: "Que non fuxa, sabemos que non lle gustan, pero é un dereito da cidadanía"

A audiencia da Galega puido observar unha versión de Feijóo pouco vista nestas pantallas e mesmo, nalgún intre, puido velo fóra de xogo fronte a Caballero, Pontón e Gómez-Reino, que procuraron construír ante o electorado a imaxe dunha Xunta dirixida pola esquerda nun encontro constrinxido polo seu formato, con escasa marxe para o contraste de propostas

Apenas 12.500 persoas das case 500.000 inscritas no censo de residentes ausentes tramitaron a súa solicitude para votar nos comicios do 12X. A crise do coronavirus, que agora azouta especialmente o continente americano, presentouse como atranco para as solicitudes de voto das persoas inscritas no CERA

As forzas da actual oposición avogaban por varios debates de líderes na CRTVG e ven neste unha oportunidade para dar pulo á campaña ante un público ao que, en boa medida, case nunca teñen oportunidade dirixirse con mínima amplitude