- Datos Coronavirus
- Acontece
A fin de ano da COVID: máis test, casos e presión na Atención Primaria ca nunca coa vacina a frear ingresos e mortes
O alto número de casos activos, que supera os 36.000, acrecenta a carga sobre a Atención Primaria para consultas, seguimento e trámites como baixas laborais. Este 28 de decembro rematou con senllas cifras récord de PCR realizadas (case 15.000) e casos novos detectados (case 5.000) en Galicia. As actuais cifras de hospitalizacións son semellantes ao pico de ingresos do pasado verán, cando a incidencia a 14 días roldaba a metade da actual
- Datos Coronavirus
- Política
A Xunta dá por rematada a "fase de contención" da COVID, recorta o rastrexo e xa dá por válidos os test feitos na casa
Nun contexto de forte saturación da Atención Primaria, o Sergas suprime o servizo de test da COVID sen cita unha semana despois de habilitalo, equipara os positivos mediante "autotest" aos detectados polas probas en recintos sanitarios e suprime o seguimento telefónico diario tanto para casos confirmados e os seus contactos. A incidencia a 14 días xa supera os 1.000 casos novos por cada cen mil habitantes, pero as hospitalizacións están en niveis do pasado verán, cunhas 300 persoas ingresadas
A empresa contratada pola Xunta para rastrexar a COVID busca a incorporación "urxente" de cen persoas pola "alta incidencia"
Abai Group, que gañou o concurso para o rastrexo de contactos por presentar a oferta máis barata, ofrece cen vacantes para cubrir quendas de fin de semana por uns 400 euros brutos mensuais e un contrato dun mes con "posible" ampliación
- Datos Coronavirus
- Acontece
A Xunta pide aval xudicial para vetar encontros de non conviventes tras o peche dos pubs, aos que limita horarios
Bares e restaurantes terán que pechar ás 12 da noite agás venres e sábado, que poderán facelo á 1, e o Goberno galego volve prohibir o consumo nas barras. Pubs e discotecas terán o peche ás 3, hora á que se aplicaría o que a Xunta denomina "toque de non queda". O Sergas rexistra máis de 3.000 casos novos da COVID en vinte e catro horas mentres as cifras de ingresos seguen contidas pero medra a presión sobre a Atención Primaria e o rastrexo
A Xunta admite forte presión nos centros de saúde e prevé validar positivos COVID con test feitos na casa
Sanidade contempla dar por bos os positivos con test de antíxeno adquiridos e feitos polo propio paciente e, sen necesidade de PCR de confirmación, validar o caso e iniciar trámites como a baixa laboral. Comesaña afirma que tamén prevén "descargar noutros profesionais" que non sexa o persoal médico de familia a xestión das baixas laborais mediante un sistema "automatizado" e "centralizado"
Dúas residencias de maiores que a Xunta manterá con xestión privada tiveron sancións por falta de persoal e obstruír inspeccións
Ao ser cuestionada polas infraccións de empresas concesionarias de residencias públicas da terceira idade nos últimos catro anos, Política Social sinalou que a Concepción Arenal da Coruña e mais a de Bande tiveron sancións firmes. Ambas están xestionadas por empresas do grupo DomusVi
- Datos Coronavirus
- Acontece
Noiteboa foi o día con máis PCR procesadas no Sergas dende o comezo da pandemia
Este 24 de decembro o Sergas procesou case 14.000 probas PCR e a súa positividade media a sete días rolda o 15%. Contando todos os tipos de test, na última semana foron realizados en Galicia máis de 140.000
A Xunta encargou a falida busca de investidores para Vestas á consultora coa que xustificou a fusión das caixas
A multinacional eólica, que quere pechar a súa fábrica de Viveiro, fixo público que se reunira con fondos de investimento propostos pola consultora KPMG, "contratada pola Xunta" e que os encontros acabaron sen avances pola "ausencia de interese" na compra. O Goberno galego asegura que "atopou" tres investidores "interesados na propiedade da planta" e que "renuncian ante os atrancos impostos" por Vestas
- Datos Coronavirus
- Acontece
Galicia bate récords de probas e casos da COVID no comezo do Nadal mentres a hospitalización frea
O alto ritmo de probas segue facendo aflorar cantidades inéditas de casos confirmados, con máis de dous mil nun día. Polo momento, o ritmo de hospitalizacións segue desacoplado do incremento da incidencia polo papel clave da vacinación. As 268 persoas ingresadas coa COVID ás seis da tarde do xoves eran 9 menos que hai unha semana
A Xunta aproba manter na xestión privada varias residencias públicas que ten encomendadas a DomusVi
O Goberno galego prevé destinar ata 50 millóns de euros en cinco anos para que compañías privadas xestionen catro centros da terceira idade de propiedade pública na Coruña, Vigo, O Carballiño e Bande que suman 430 prazas. Renuncia así, a efectos prácticos, á posibilidade de reintegralos na xestión pública ao remate dos contratos vixentes
A nova norma de uso da máscara ao aire libre só deixa fóra da obriga os "espazos naturais" e o deporte individual
O Goberno de España ratifica no BOE que se adhire ás teses de gobernos autonómicos que, como a Xunta, reclamaran reimplantar a máscara no exterior con independencia da distancia de seguridade. A excepción para "actividades de carácter non deportivos" en "espazos naturais" non especifica que contornas en concreto terán esa consideración
- Datos Coronavirus
- Acontece
O aluvión de test en vésperas do Nadal detecta dez mil casos da COVID nunha semana mentres a hospitalización segue estable
Na última semana o Sergas procesou unhas 62.000 PCR, cifra que tende a aumentar coa apertura de probas voluntarias previa ás festas. Con case o dobre de incidencia acumulada que no pico do outono de 2020, cando aínda non se administrara unha soa vacina, as hospitalizacións simultáneas de persoas coa COVID (273) son menos da metade que daquela