Galicia, en campaña entre a inercia e o cambio posible
Por primeira vez dende 2009, todas as principais forzas políticas perciben que o resultado das urnas non está inexorablemente escrito antes da primeira chamada ao voto
O PSdeG confronta o seu plan de 2.500 vivendas protexidas anuais coa promesa de Rueda: "O dobre de cero é cero"
"A última licenza concedida en Lugo para vivenda pública foi outorgada polo Concello en decembro de 2008, con Touriño na Xunta", ilustra Lara Méndez, número dous do PSdeG pola circunscrición lucense. Foi para 172 pisos que acabou inaugurando Feijóo xa como presidente
O PP volve prometer os mesmos 15 traspasos de competencias tras quince anos sen lograr ningún
En 2009 Rueda reprochara ao Executivo de PSdeG e BNG lograren só unha ducia de "traspasiños". Década e media despois, o PP reedita as promesas de traspasos por cuarto programa consecutivo, un documento no que as "demandas" para o Goberno de España triplican as novas competencias que, din, quererían que asumise a Xunta se conseguen seguir gobernando tras o 18F
A crise dos 'pellets' evidencia a ausencia dun dispositivo estable para liberar o litoral galego de plásticos
A Xunta admite que apañou máis de 12.000 quilos de plásticos distintos aos pellets en menos dun mes, pero sinala a concellos e entidades privadas tanto para a recollida ordinaria como para manexar datos ao respecto
Máis ganas de cambio e confianza na alternativa: os datos do CIS impulsan a chamada á mobilización da esquerda
A porcentaxe de poboación que ve "boa" ou "moi boa" a xestión da Xunta é practicamente idéntica á que ten esa mesma consideración do labor do BNG na oposición nun contexto no que case o 60% ten "pouca" ou "ningunha" confianza en Rueda. O Bloque, PSdeG e Sumar coinciden en que, atendendo aos datos do inquérito, a mobilización do electorado progresista será sinónimo de mudanza política.
Rueda e o galego, catro campañas despois: dunha nova "lingua propia" á "imposición"
O actual presidente e candidato do PP manifesta que "temos a obriga de fomentar o galego" e o "orgullo de que haxa dúas linguas propias en Galicia", se ben segundo o Estatuto só a galega ten esa condición. Década e media despois de encabezar a delegación do PP en apoio a 'Galicia Bilingüe', advirte de que "non pode haber imposicións" do galego nin "utilizalo como arma política"
Pontón acentúa o ton presidenciable con "dez compromisos de goberno para a maior transformación en 40 anos"
Cunha medida escenografía, a candidata do BNG augura que o país está "ás portas dun cambio histórico" que "require dun programa de goberno ambicioso" con medidas como o "rescate da Atención Primaria", "libros de texto gratuítos", o organismo científico Innogal ou o traspaso de competencias pendentes, así como unha empresa pública de enerxía, tren de proximidade e que "a dirección da CRTVG sexa nomeada mediante concurso público"
A fin do privilexio franquista prorrogado por Aznar permite aos concellos cobrar vinte veces máis impostos a Audasa
A concesionaria da AP-9 conservou a exención do 95% no pagamento do IBI nas sucesivas prórrogas da concesión. A última, concedida polo Goberno do PP ata 2048, mantivo o beneficio ata 2023. A Deputación da Coruña, que ten delegada a recadación do IBI de 18 dos 20 concellos polos que pasa a autoestrada na provincia, confirma que este ano xa lle cobrará o 100% do tributo: "Pasan duns ingresos anuais de 175.000 euros a máis de 3,7 millóns"
O Estado implanta unha tarxeta para alimentos da poboación en situación de pobreza como a que cancelou a Xunta
O Consello de Ministros aproba o plan de tarxetas moedeiro para que familias vulnerables merquen alimentos, substituíndo o sistema de entrega de bolsas de comida. A nova tarxeta, moi semellante á cancelada pola Xunta en 2022, estará dotada con entre 130 e 220 euros mensuais e dende 2025 será de competencia autonómica. "Paliar a pobreza infantil" e "mellorar a nutrición", entre o obxectivos que salienta o ministro Bustinduy
A vivenda protexida remata outra lexislatura galega en mínimos malia ao impulso dos fondos da UE
Máis de 18.000 persoas agardan por unha vivenda protexida no rexistro da Xunta. Unhas 14.000 delas solicitan pisos de alugueiro. Á calor das achegas europeas, o orzamento da Xunta para vivenda medra case un 28% en 2024 e, aínda así, segue lonxe da partida que destinaba a esta área o Goberno de PSdeG e BNG tras varios anos nos que a cifra de novas vivendas con protección pública quedou a cero
- Crónica Cara ás Galegas
- Política
Correos anónimos e un falso accidente: cando a "manipulación dixital" na campaña galega non viña de "Rusia ou Vietnam"
A denuncia do do PP sobre unha suposta "trama de manipulación dixital" permite lembrar outra carreira electoral, a de 2009, na que foi despregada unha ampla campaña sucia contra a esquerda, tamén a través de internet.
O 'novo' bono da Xunta para dependencia parte dunha suba decidida polo Estado: "Non poden enganar así á xente"
O Estado aumentou os importes das axudas ás persoas dependentes que son coidadas no fogar e ao tempo a Xunta subiu o seu complemento para que "o importe total" chegue ata eses 5.000 euros ao ano, unha cifra total e non adicional ao que xa estaba vixente. O Colexio de Traballo Social pide á Xunta que "retire" a publicidade e "explique o que é"; lamentan que cree nas persoas dependentes e nas súas familias "expectativas" que non se corresponden coa realidade