O BNG promove ampliar o dereito ao voto á poboación de 16 anos en diante
"Se tes idade para traballar e pagar impostos, tamén a tes para votar e decidir o futuro do teu país", defende Ana Pontón. A proposta suporía incorporar unhas 46.000 persoas ao censo galego. A reforma da lei de eleccións promovida polo BNG inclúe a obrigatoriedade dun mínimo de dous debates electorais por campaña nos medios públicos
Feijóo abre outra crise de goberno na Xunta e deixa a Rueda sen Francisco Conde, o seu vicepresidente "imprescindible"
Home de confianza en materia económica de Feijóo desde hai máis dunha década, Conde será cabeza de lista do PP ao Congreso por Lugo, o que obriga a Rueda a remodelar novamente o Goberno galego
O Constitucional rexeita a petición do PP para emendar a referencia ao galego como "lingua propia" na lei educativa
O PP argumentaba no seu recurso contra a lei educativa, rexeitado polo TC, que denominar "propias" ás linguas oficiais diferentes do castelán implica que esta quede como "allea, estraña, obrigada ou imposta"
- Crónica Cara ao 23X
- Política
Unha derrogación prometida por Feijóo e unha entrega dun millón de euros mentres ninguén observa
Como en 2009, Feijóo tamén promete agora múltiplas derrogacións. Unha das prometidas daquela, a do decreto do galego, escenificouna meses antes de aprobala na mesma reunión na que, sen facelo público, aprobou pagar 1,03 millóns a unha consultora por un informe sobre a fusión das caixas. A guerra cultural como veo sobre o material.
O "grupo galego forte", aposta do BNG para as xerais fronte á pugna Sánchez - Feijóo
Tras os resultados das municipais, Pontón amósase convencida de que o Bloque está en condicións de dar un "salto adiante" tamén no Congreso. Todo apunta a que Rego recuncará como cabeza de lista pola Coruña mentres quedan por despexar as tres restantes. "Non somos o PP ás ordes de Génova nin o PSdeG ás ordes de Ferraz; somos o BNG ás ordes da cidadanía galega", apunta a portavoz nacional
- Datos Cara ao 23X
- Política
Galicia terá o 23X un 45% menos electorado mozo e un 21% máis de maiores de 65 que nas primeiras xerais do século
A comezos de século o electorado mozo era o grupo máis numeroso en Galicia. Agora apenas supera as 366.000 persoas mentres o grupo de maiores de 65 xa está por riba das 700.000
- Crónica Municipais 28M
- Política Ourense
Todas as opcións de Ourense: de Jácome no Concello á posible fin do baltarismo
Jácome non precisa máis votos que os seus 10 para recuncar na alcaldía. Abóndalle con que ningún outro candidato sume 14 para unha maioría absoluta alternativa que requiriría dun exótico pacto entre PP, PSdeG e BNG. Na primeira xuntanza entre socialistas e nacionalistas para pactaren nos concellos non houbo acordos pechados ao respecto, pero a cuestión si sobrevoou a xuntanza: unha alianza contra Jácome no Concello é practicamente inverosímil, pero non o é tanto pensar en desbancar a Baltar na Deputación
- Entrevista | Lara Méndez Municipais 28M
- Política Lugo
"A veciñanza de Lugo primou un goberno progresista e de boas prácticas fronte á mala praxe e a crispación"
A alcaldesa socialista de Lugo volverá ser reelixida pola maioría absoluta que o 28M revalidaron PSdeG e BNG. Asume que no novo mandato terá ante si unha oposición máis férrea, pero tamén di estar convencida de poder amosar aínda máis froitos dunha "transformación" da capital lucense baseada nun proxecto de esquerdas que "funciona".
Feijóo negouse a debater nunhas eleccións galegas tras acceder a facelo nunhas xerais nas que non era candidato
Na campaña das xerais de 2008 o ex-presidente e actual líder do PP debateu con Touriño e Quintana malia formular múltiples obxeccións, dende o decorado ata o moderador, xa que os populares descualificaban a TVG como "brazo mediático" do Goberno de PSdeG e BNG. Nas eleccións galegas de 2009 Feijóo negouse a debater cos líderes socialista e nacionalista e esixiu tres 'cara a cara' por separado que se acabarían celebrando en 2012. En 2016 e 2020 acudiu aos debates 'a cinco' e 'a sete' nos que se presentou como garantía de estabilidade fronte a eventuais coalicións da esquerda
Besteiro encabezará o PSdeG por Lugo nas xerais por preferencia de Pedro Sánchez
A preferencia de Sánchez polo lucense encádrase no marco de buscar as opcións con maior potencial electoral en cada territorio ante o convencemento do aspirante á reelección de poder lograr unha nova maioría de esquerdas tras o 23X. A candidatura de Besteiro ao Congreso, que implicaría a súa renuncia á delegación, chegaría escasos meses antes das primarias das que pode saír como aspirante socialista á Xunta. Fontes socialistas tamén dan por seguras as candidaturas de José Miñones pola Coruña e David Regades por Pontevedra
A achega económica da Xunta ás bandeiras azuis das praias dispárase un 43% neste 2023
As bandeiras azuis tiveron o aval da UE ata 1999, cando as autoridades comunitarias se desligaron delas por seren concedidas sen "suficiente rigor" ambiental. Dende 2010 o pagamento do Goberno galego veu sendo de 40.000 euros anuais, que se elevan este ano ata os 57.500 para a asociación que reparte os distintivos, a cal admite que poden ser prexudiciais para espazos naturais "fráxiles" mentres a Xunta as liga á "sostibilidade"
O reconto definitivo ratifica que PSdeG e BNG suman maioría absoluta na Deputación de Lugo
A revisión na Xunta Electoral, non exenta de tensión, ratifica que votos ao PSdeG foran transcritos de xeito erróneo durante a noite electoral e que, unha vez recontados correctamente, permiten manter 10 escanos socialistas e 3 do BNG fronte a 12 do PP. Os populares solicitaron e a XEZ aceptou a revisión de todos os votos nulos nun contexto no que o PSdeG acusa a formación de Candia de pretender chegar ao goberno con "artimañas". "A Deputación de Lugo seguirá sendo un goberno progresista", conclúe José Tomé, actual presidente da institución