Marcos Pérez Pena

O auto mantén o 10 de decembro como data de entrega do inmoble e subliña a importancia das medidas cautelares e do inventario do contido da propiedade ante o risco que supoña o seu posible "baleirado" en medio cento de vehículos que os herdeiros do ditador estaban xa a preparar.

Unha vintena de cidades e vilas acollen este venres pola noite concentracións de denuncia da violencia exercida contra as mulleres. O colectivo Xornalistas Galegas criticaron a cobertura realizada por moitos medios, que incluíron elementos de culpabilización da vítima ou de desculpa do agresor

O número de camas ocupadas por pacientes de Covid-19 pasou de 593 o 5 de novembro a 414 na actualidade, un descenso do 30% que fica en todo caso lonxe do "reseteo" perseguido pola Xunta. A incidencia reduciuse en todas as áreas sanitarias, pero faino máis lentamente en Pontevedra 

Falamos con Laura López Romero, unha das 37 investigadoras postdoutorais que poden quedar no paro durante seis meses polo atraso do Goberno galego na publicación dunha convocatoria que debe dar continuidade aos seus contratos e proxectos.

A Universidade de Vigo levou a cabo un estudo sobre o impacto da pandemia e do confinamento no labor de investigadores e investigadoras, penalizadas durante os últimos meses, especialmente as nais de fillos e fillas menores de idade. As mulleres tiveron que traballar máis, descansaron menos e dedicaron menos tempo á súa actividade investigadora.

As celebracións de Nadal supoñen un gran risco de contaxios e de expansión da COVID. Falamos con Francisco Caamaño, profesor de Saúde Pública da USC, que realiza unha serie de recomendacións para facer estes encontros o máis seguros posibles.

O 4 de xullo de 1927 Xosé Ramón Fernández-Oxea ("Ben-Cho-Shey"), Vicente Risco e Ramón Otero Pedrayo iniciaron en Ourense unha peregrinación que os levou, oito días despois, ata Santo André de Teixido. O Consello da Cultura Galega recrea aquela viaxe cun especial multimedia que inclúe os textos orixinais de Otero Pedrayo con imaxes actuais dos lugares que amosan os cambios que se produciron.

A evolución nos últimos nove días dos datos de incidencia acumulada en cada concello permite observar unha tendencia favorable na maior parte do país, comezando polas sete cidades. Porén, hai aínda 27 localidades con incidencias acumuladas por riba dos 500 casos por cada 100.000 habitantes.

Os seus contratos rematan este 31 de decembro. Porén, a previsión do Goberno galego é que a convocatoria que lles pode dar continuidade se publique a comezos do ano 2021, o que adiaría a súa resolución ata xuño ou xullo. "O único que pedimos á Xunta é que non desperdicie os cartos de todos deixando morrer as nosas carreiras investigadoras", din

Cun 6% menos de probas PCR, os positivos das últimas dúas xornadas son un 25% menos aos da fin de semana previa e os 251 notificados este luns son a cifra máis baixa dende o 15 de outubro. O Sergas notifica outras doce mortes mentres a incidencia acumulada do virus segue á baixa no dato global galego, aínda que con notables diferenzas por áreas sanitarias, concellos e comarcas

A melloría nas cifras asenta nesta fin de semana, cun descenso en número de novos positivos, incidencia acumulada, positividade das PCR e hospitalizacións. 

Sanidade informa este sábado de 355 casos novos de coronavirus, consolidándose o descenso aos poucos dos últimos días e relaxando a presión hospitalaria, pero con doce novas mortes máis no cómputo oficial.