Marcos Pérez Pena

As eleccións do vindeiro domingo preséntanse como as máis incertas dos últimos anos en Galicia ante as dúbidas do efecto que a pandemia terá sobre a participación. Nos últimos anos a esquerda viuse prexudicada pola escasa activación do seu electorado nas zonas urbanas nos comicios ao Parlamento galego, moi inferior ao que se dá as eleccións xerais.

Un grupo de enfermeiras da UCI do Hospital da Coruña critica a falta de persoal e a imposibilidade de gozar dos seus días libres en xullo e agosto. UGT denuncia que o Sergas transforma no Hospital de Santiago contratos estables de prazas estruturais de pediatría "en contratos lixo".

A taxa galega de tests por habitante está a dous puntos do dato do conxunto de España dende o inicio da pandemia. Con todo, a pasada semana foi a terceira comunidade autónoma con fixo máis PCR, obrigada pola expansión do coronavirus na comarca lucense.

A Universidade da Coruña e a asociación Videoxogo.gal organizan unha game jam, que se desenvolverá de forma online e que busca fomentar a creatividade e o desenvolvemento de videoxogos en Galicia e establecer relacións entre os distintos participantes.

Os dez primeiros, detectados o 23 de xuño, iniciaron os seus síntomas o día 18, pero un total de 81 persoas comezáronos uns días máis tarde, segundo os datos publicados polo Instituto Carlos III. A pesar de que o brote se concentra na Mariña, as cifras do conxunto de Galicia superan moito os niveis de novos positivos existentes a finais de maio.

A partir deste martes 300 estudantes da Mariña levarán a cabo as probas no IES Vilar Ponte. A CIG insta a incrementar as medidas de seguridade e o conselleiro de Sanidade alerta unicamente do perigo das "celebracións" multitudinarias.

A medida entrará en vigor na medianoite deste domingo e aplicarase, cando menos, durante cinco días. Ademais, a capacidade de comercios e outros espazos volverá ás limitacións existentes durante o estado de alarma. Nas últimas 24 horas o brote sumou outra vintena de casos.

As cinco enquisas publicadas este domingo coinciden en outorgar a Núñez Feijóo unha clara vitoria, movéndonse entre os 39 e os 43 escanos. Os socialistas son a segunda forza en todas as sondaxes, co BNG moi preto en catro delas. Galicia en Común obtería entre 2 e 6 escanos.

As entidades locais veñen diminuíndo dende o ano 2012 os seus números vermellos, obrigados polas limitacións impostas polo Ministerio de Facenda. Pola contra, a administración autonómica duplicou a súa nunha década. Os Blancos é o concello con máis débeda por habitante, seguido de Miño e Catoira.

Ecoloxistas en Acción deu a coñecer este martes a edición 2020 do seu informe 'Bandeiras Negras', que denuncia os lugares ou actuacións máis negativas para a costa en materia medioambiental. A praia de Lires (Cee) ou o conxunto da Mariña lucense figuran tamén na relación.

Os positivos detectados nos últimos días da comarca suman xa 85, cunha tendencia á alza que mesmo se está a acelerar. O número de casos rexistrados na última semana en Galicia é semellante ao que se deu no remate da Fase 1 de desconfinamento.

Claustros de centros de ensino están a aprobar escritos nos que demandan protocolos claros para a súa aplicación no vindeiro curso, reclaman un maior investimento en Educación, formación para as e os docentes e ratios "acorde coa emerxencia sanitaria" e que garantan "a seguridade da comunidade educativa"