Marcos Pérez Pena

Nos últimos nove días realizáronse un milleiro de probas no rastrexo de contactos das persoas infectadas, con 59 positivos e máis de 500 resultados negativos. Todas as persoas que estiveron en contacto coas persoas contaxiadas deben permanecer en corentena.

A asociación de traballadoras de residencias TReGa denuncia que as condicións laborais na empresa, que levan anos criticando, regresaron á situación anterior á pandemia e rexeita o complemento ofrecido pola compañía "mentres seguen sen pagarnos festivos e noites de acordo ao convenio". Falamos coa súa voceira, Sonia Jalda, que esixe reforzos de persoal

Falamos con Rubén Arroxo, responsable da área de Mobilidade e Infraestruturas e tenente de Alcaldía do Concello de Lugo, sobre os proxectos postos en marcha na cidade para a peonalización de espazos e o fomento dos medios de transporte sustentables. Liberar de coches a Ronda da Muralla é un dos obxectivos da súa concellería

Falamos con Francisco Caamaño Isorna e con Agustín Montes, profesores de Medicina Preventiva e Saúde Pública da USC, aos que lles preguntamos sobre os maiores perigos para o contaxio este verán, a posibilidade dunha segunda vaga da enfermidade e a capacidade do sistema sanitario para controlar os brotes que se van ir producindo.

O Ministerio de Sanidade notifica tres novos diagnósticos novos de Covid-19 nas últimas 24 horas e eleva a 43 os positivos detectados en Galicia na última semana. Os 33 casos detectados xa na Mariña fixeron que o número de persoas infectadas na provincia lucense pasase de 17 a 49 en seis días.

Hai uns meses o Instituto Xeográfico Nacional confirmou que o 'Quilómetro 0' do país se atopa no lugar de Nugallás (Antas de Ulla), un terreo propiedade dunha mestra xubilada, que vén de vender o predio á Deputación de Lugo, que creará ao seu redor o Parque Central de Galicia.

Investigal está a manter encontros coas principais candidaturas, sinalando que a investigación debe ser "o eixo estratéxico da Galicia do futuro" e lembrando as actuais eivas, que tamén subliña a Asemblea de Investigadoras de Compostela, que di que as políticas da Xunta nos últimos dez anos "están a condenar Galicia ao atraso económico"

Despois de anos de denuncias sobre a falta de recursos na atención á saúde mental, o presidente da Xunta anunciou a iniciativa horas antes do inicio da campaña. Rosa Cerqueiro, voceira do MGSM, amosa a súa decepción "porque é un tema moi serio" e salienta que "nin con este aumento chegamos á metade das necesidades que cómpre cubrir"

A Consellería de Sanidade leva rastrexado ata o momento a máis de 300 persoas relacionadas con este brote e séguense a investigar posibles novos contactos. A área sanitaria de Lugo pasou de 17 a 44 casos dende o pasado mércores e no conxunto de Galicia houbo 35 diagnósticos de coronavirus na última semana.

Este domingo haberá concentracións e manifestacións na cidades galegas, reivindicando a aprobación da Lei de Identidade de Xénero, a "aplicación real" da Lei pola Igualdade de trato en vigor dende o 2014 en Galicia e medidas para combater os efectos da crise económica en determinados colectivos. Falamos con Xandre Garrido, responsable de organización de Avante LGBT+

Aínda que as autoridades sanitarias afirman que ambos os dous núcleos "posiblemente están relacionados", isto aínda non puido ser confirmado. Este xoves diagnosticáronse 4 casos novos de coronavirus en Galicia, o que eleva a cifra a 26 na última semana.

Nas últimas horas realizáronse probas a 26 persoas que estiveran en contacto cos primeiros infectados deste foco; delas, 23 deron negativo e 3 foron diagnosticadas como postivas, engadíndose aos 8 casos de onte. A Deputación de Lugo suspende as visitas e saídas das residencias de Ribadeo e Trabada por prevención