Marcos Pérez Pena

Hai sete días o equipo madrileño soubo que contaba con catro casos de coronavirus entre o seu cadro de persoal. Mesmo así, e con coñecemento da Liga, o equipo viaxou á Coruña, precipitando unha situación que máis aló das cuestións estritamente deportivas, provocou unha crise sanitaria, con 20 positivos entre as persoas confinadas nun hotel da cidade herculina

Os positivos aumentan nas áreas sanitarias da Coruña e Lugo, por mor dos brotes do Fuenlabrada e da Mariña, pero tamén en Pontevedra, Vigo e Santiago. O número de pacientes hospitalizados baixa de 16 a 12.

Dende hai anos o Concello de Pontevedra prima a recuperación dos microtopónimos preexistentes á hora de bautizar novos espazos na cidade. Falamos con Iván Méndez, experto na toponimia da Coruña, que aposta porque a urbe herculina aplique a mesma política: "Non somos conquistadores que chegamos a un sitio e poñémoslle un nome novo. Neste lugar houbo antes un pasado que non pode ser borrado".

Nos últimos catro días rexistráronse 113 novos positivos no noso país. Dos 196 'casos activos' notificados polo Sergas, 16 atópanse hospitalizados, seis máis que este venres. Nas últimas 24 horas produciuse ademais o primeiro ingreso na UCI na última semana.

O Sergas notificou un incremento dos casos activos, que pasan de 163 a 180 en toda Galicia, con ascensos nas áreas da Coruña, Lugo e Vigo. O brote no norte da provincia lucense tivo este xoves o maior incremento de novos postivos dende o pasado 10 de xullo.

Celébrase este verán o teu festival favorito? Adiouse? Muda o seu formato? Queda para o vindeiro ano? Ofrecémosche unha lista das citas que se manteñen (algunhas esta mesma fin de semana) e as que terán que agardar para o verán do ano que vén.

O estudo destaca tamén os efectos dos desprazamentos dende Madrid nos últimos días de febreiro e comezos de marzo e analiza unha serie de eventos masivos que puideron ter incidencia na propagación do virus en Galicia, dende o entroido ás manifestacións do 8M, pasando por partidos de Celta, Depor, Lugo e Obradoiro, a Feira do Cocido ou mitins do PP.

No que levamos de mes a Xunta informou publicamente de só 8 incendios. Colectivos profesionais que traballan nos montes informaron de preto dun cento de incendios dende o 1 de xullo. Entre 2005 e 2009 o Goberno de coalición informaba dúas veces ao día sobre todos os incendios rexistrados, mesmo dos pequenos conatos

O indicador medrou no 2019 por segundo ano consecutivo e achégase á media do Estado Español, que leva 5 anos en descenso. A renda media por persoa en Galicia redúcese por primeira vez dende o 2015 e increméntase a porcentaxe de persoas con carencias materiais e dificultadas para facer fronte aos gastos principais

A porcentaxe de persoas que nun día calquera saían da súa área pasou en Galicia do 26,3% (valor medido en novembro do pasado ano) a pouco máis do 10% ao longo de marzo, incrementándose progresivamente ao longo do proceso de desescalada e sempre por riba da media española, especialmente na provincia de Pontevedra

Os prezos mantiñan ata abril o ascenso continuado iniciado en 2015, cun encarecemento medio de máis de 100 euros en Vigo e na Coruña e valores medios que superan os 600 euros nos centros destas dúas cidades. Tamén nas grandes vilas os prezos medraron un 13% dende o 2016.

Os populares gañaron nas sete urbes, pero a análise dos resultados en cada sección censual revelan grandes diferenzas entre unhas e outras zonas, entre as rúas máis céntricas e os barrios residenciais, onde máis medraron os nacionalistas. Explórao nestes mapas interactivos