Marcos Pérez Pena

En 2018 a produción eléctrica realizada sen carbón no país (21.007 GWh) foi superior á demanda total galega (20.265 GWh). O presidente da Xunta dixo este luns que sen As Pontes Galicia sería "deficitaria" en enerxía, unha afirmación cuestionable á vista dos datos oficiais dos últimos anos.

300 mulleres replicaron a intervención do colectivo chileno 'Las Tesis', traducida ao galego e con modificacións na súa letra. Nos últimos días houbo tamén performances en Pontevedra e A Coruña e están igualmente convocadas en Vigo, Ferrol e Padrón. Falamos con Pilar Estévez (PFG)

Marco Santos foi o único militar en activo que asinou o documento, que respondía ao manifesto militar de apoio ao ditador e que esixía que o seu corpo permancese no Valle de los Caídos. É acusado de “infrinxir os deberes de neutralidade política”.

O persoal da planta de tratamento de Nostián, que dá servizo á cidade herculina e a oito concellos máis, iniciou esta noite unha folga motivada por ERE de dous anos que afectará a 39 traballadores. O Concello recoñece que os residuos comezarán a acumularse nas rúas este mércores.

A defensa do ceo nocturno, a loita contra a contaminación lumínica, o fomento dun alumeado intelixente, a divulgación da astronomía e a promoción dun "turismo de estrelas" son os obxectivos primordiais da Fundación Starlight, que certifica os lugares con condicións favorables para a observación do ceo estrelado en Galicia teñen esa condición Trevinca e as Illas Cíes, estas últimas atinxidas pola contaminación lumíninica de Vigo

Esta infraestrutura conseguiu incrementar nun 27% a cantidade de diñeiro que os galegos e galegas xogaron entre 2014 e 2017, superando os 1.400 millóns de euros só nos xogos de azar tradicionais (incluída a lotaría)

'Os tempos e o clima de Galicia' (Xerais) debulla de forma didáctica os elementos máis importantes da meteoroloxía. Falamos cun dos seus autores, que destaca a "diversidade climática" que posúe Galicia e alerta de que "se non facemos algo xa, o incremento das temperaturas vai ser aínda moito máis rápido e perigoso"

O actual reitor continuará no cargo catro anos máis, despois de derrotar a Fernando Martínez Abella por un 70,15% dos votos ponderados fronte a 29,85%. A participación foi máis baixa que no ano 2015 e roldou as cifras de 2011.

Máis de 100.000 persoas manifestáronse o 4 de nadal de 1979 convocadas polas forzas de esquerda en defensa dunha autonomía de primeiro nivel, despois de que o texto aprobado en Galicia fora descabezado no Congreso. Durante semanas Galicia mobilizouse contra a "aldraxe"

En outubro o Goberno local ordenou a clausura dunha decena de establecementos por careceren de licenza municipal. Porén, case todos volveron abrir as súas portas valéndose dun permiso da Xunta co que xa contaban pero que non presentaran previamente.

O Goberno galego subvenciona o Servizo de Apoio Familiar impulsado pola Asociación de Pais e Nais Separados. Entidades feministas e de protección da infancia alertan sobre a desprotección que pode xerar nos casos de violencia de xénero e abusos non denunciados e denuncian a súa relación coa desacreditada 'Síndrome de Alienación Parental'

As cifras galegas de recollida separada están a moita máis distancia dos datos de Euskadi e Navarra (39%) ou Cataluña (34%) e mesmo Asturias (26%), e permanecen estancadas dende hai máis dunha década. O destino principal dos residuos mesturados é a incineración. Sogama só recupera o 5% dos residuos que xestiona.