Marcos Pérez Pena

Gonzalo Caballero e os presidentes e presidenta das tres deputacións gobernadas polos socialistas defenden na cidade das Burgas o sistema de reparto de fondos das súas provincias, "baseado na transparencia e a obxectividade na asignación de recursos”.

As sete localidades que recibiron máis cartos por habitante tiñan alcalde do PP. Hai que baixar ata a oitava posición para atopar un concello gobernado polo PSdeG, o de Castrelo do Val. A pasada semana socialistas e nacionalistas presentaron unha moción para aplicar en Ourense un sistema obxectivo de reparto.

O último número da prestixiosa revista 'Energy Policy'  publica unha análise do espectacular desenvolvemento eólico que tivo lugar en Galicia entre 1995 e 2009, que destaca que se levou a cabo sen participación das comunidades locais. Falamos con Xavier Simón e Damián Copena, dous dos seus autores, que dende o Observatorio Eólico promoven a "xustiza enerxética"

As provincias de Lugo e Ourense levan anos perdendo milleiros de habitantes en beneficio das provincias occidentais, un fluxo que é máis importante que o que se dirixe ao estranxeiro ou a outras zonas do Estado. No 2018 tan só 12 comarcas tiveron un saldo migratorio interno positivo e 41 negativo.

Nos montes de Casaio, en Valdeorras, funcionou entre 1941 e 1948 unha vintena de campamentos guerrilleiros, denominados en conxunto 'Cidade da Selva'. O equipo de investigación de 'Sputnik Labrego' leva máis de dous anos traballando sobre o terreo, afondando na vida cotiá dos combatentes ou nas relacións que establecían coa veciñanza

No que levamos de 2019 todos os indicadores de sinistralidade están a empeorar, con 24 mortes no primeiro semestre, fronte ás 19 do mesmo período do pasado ano. Os accidentes graves medraron un 6%. Os sindicatos piden máis prevención e derrogar a reforma laboral do 2012.

Este venres inaugúrase en Mugardos unha exposición fotográfica sobre os feitos coa presentación do libro A fuxida do bou Ramón, de Eliseo Fernández e Enrique Barrera. O barco partiu de Ares e chegou ás costas francesas, pero varios dos seus ocupantes acabaron en campos nazis ou detidos pola Gestapo

O Equipo de Normalización Lingüística do CEIP Virxe do Rocío de Coia (Vigo) reclámalle ao Concello que o centro pase a chamarse CEIP do Resío, un cambio xa aprobado polo claustro, recuperando así a forma orixinal e eliminando as connotacións relixiosas.

A formacion votou en contra da proposta realizada por PSdeG e BNG, que pedía un reparto equitativo, semellante ao que existe nas outras tres provincias galegas. Hai dous anos DO votou a favor dunha moción moi semellante, pero nesta ocasión uniu os seus votos aos do Partido Popular, mentres que Ciudadanos se abstivo.

Do 28 de setembro ao 6 de outubro o festival compostelán proxectará por primeira vez dende os setenta A rapa das bestas (1972), O Corpiño (1973), Peliqueiros (1973), O edificio Castromil (1975) e Holocausto (1972), a súa única peza de ficción

As dúas formacións reclaman que o reparto de fondos se realice con criterios "equitativos, democráticos e obxectivos e non mediante a dedocracia dos favores políticos". A votación terá lugar este mércores e depende do apoio de Democracia Ourensana, á que lle reclaman "coherencia", pois no pasado apoiou propostas semellantes

O programa 'Infodrogas' percorre as principais festas e festivais musicais de Galicia ofrecendo información sobre o consumo de substancias estupefacientes e, ademais, analizando a súa composición, co obxectivo de reducir os riscos xerados pola súa inxesta