Miguel Pardo

A empresa de telecomunicacións e a entidade bancaria anuncian despedimentos tanto nas matrices como en filiais e subcontratas e os sindicatos advirten do "desmantelamento" logo da perda de capital e raizame galega en ambos os dous grupos. 

O alcalde de Sada celebra que o Estado presentase por fin a demanda contra os Franco para recuperar as Torres, aínda que no Concello non teñan comunicación oficial, e agradece o labor e esforzo dos colectivos que loitaron pola súa recuperación: "Mudou a percepción social". 

Os potenciais prexuízos para a saúde das persoas que poidan acudir a bañarse ou facer fotos na antiga canteira volve pór o foco nunha zona degradada e abandonada tras a explotación mineira e para a que se reclaman solucións urxentes

A compra do Pazo para a xefatura de Estado, ratificada coa escritura achada na Coruña e que impulsa a demanda contra os Franco, foi impulsada por elites afíns ao réxime como Barrié de la Maza, que favoreceu a adquisición doutros bens agora en mans dos herdeiros do ditador

O protocolo notarial de 1938 que impulsa a demanda contra os Franco foi achado nun arquivo coruñés e confirma que a venda posterior das Torres ao ditador foi “fraudulenta” e a través dun contrato simulado para evitar que o inmoble pasase a ser patrimonio público. 

Manuel Domínguez Sardiña, membro da Asemblea de Médicos e un dos xefes de servizo que dimitiu, ve "positiva" a marcha do xerente e agarda do novo "non só boas palabras nin boa actitude, senón solucións" aos graves problemas que denuncian na Atención Primaria en Galicia

Afeccionados á música da Coruña e de toda Galicia choran a perda do propietario da emblemática tenda do centro da cidade, que leva case 40 anos sendo parada obrigada de melómanos.

Familiares de vítimas, asociacións e representantes políticas, entre elas Ana Miranda, reúnense en Bos Aires coa xuíza María Servini para trasladarlle o "clamor social" no Estado a prol do seu labor, ao que se engade o caso dun home falecido tras unha agresión policial na Transición 

Representantes de asembleas sanitarias de todo o país deciden convocar un paro nos centros de saúde. Reclaman melloras laborais, máis financiamento, máis persoal ou maior capacidade de decisión e contan co apoio do persoal mobilizado dos PAC ou do colectivo Precarias.

Un informe, baseado no país e en Extremadura, reclama un sistema de denuncias "rápido e eficaz", formación no profesorado ou "axuda" aos pais. A investigación recolle varios testemuños de vítimas galegas: “Se vos din que o acoso non existe, ou non coñecen a verdade ou ocúltana".

O presidente da Xunta asume as propostas de Ciudadanos e Vox e reclama unha proba de acceso á universidade única en toda España para que "o distinto grao de esixencia non penalice por territorios o alumnado nas súas aspiracións académicas"

Houbo máis de 95.000 contratacións e as afiliacións á Seguridade Social aumentaron en case 8.000. O paro rexistrado descendeu en 5.421 persoas.