Miguel Pardo

O Concello dará aloxamento gratuíto ao persoal facultativo que decida traballar entre xuño e setembro na localidade, que pode multiplicar ata por cinco a súa poboación, logo dun convenio asinado co Sergas. 

O congreso, pioneiro en Galicia, pretende deitar luz sobre o Reino de Galicia, "unha realidade calada, silenciada e relegada pola historiografía oficial". Celebrarase do 19 e o 22 de setembro no Museo do Pobo Galego

É a terceira autonomía que menos dedica por cada persoa dependente beneficiaria de prestacións con menos de 7.000 euros, uns 1.400 por baixo da media estatal. É tamén onde menor é o peso do financiamento autonómico a respecto do estatal

Das 142 vacantes MIR dispoñibles, nove delas quedaron desertas, todas na área de Lugo. No conxunto do Estado son 200 sen cubrir. Agrávase así o déficit de persoal nesta especialidade mentres profesionais alertan dunha "sobrecarga crónica, insostible e inaceptable" na Atención Primaria. "Que agardaban que pasase?", pregúntanse

Henrique Monteagudo, vicesecretario da RAG, advirte das "dinámicas diverxentes" do idioma e dunha situación cada vez máis semellante "á do País Vasco". A recuperación nalgunhas zonas contrasta co gran retroceso noutras e a Academia aposta por unha política lingüística e normalizadora por áreas, con implicación local e obxectivos diferentes segundo o territorio. Repasamos os datos neste Día das Letras Galegas

Os cargos extras por operacións frecuentes nos bancos son cada vez máis frecuentes, á vez que se endurecen os requisitos e as esixencias de vinculación ás entidades para poder evitalos.

As capturas da ameixa ou do berberecho descenderon máis do 70% en dez anos, unha caída acentuada nos últimos anos. O sector sinala os vertidos contaminantes e acusa a Xunta de "desleixo" e "abandono". Falamos con varios dos seus representantes. 

O Estado superou os 20 millóns de afiliacións á Seguridade Social por primeira vez na historia, pero no país aínda hai 60.000 menos que no pico de hai 14 anos. Desde aquela, a poboación activa caeu en case 95.000 persoas. 

Os datos de Eventuais en Loita revelan que case a metade das contratacións teñen unha duración de menos dun mes. O colectivo alerta dunha "importante fuga de profesionais" e de problemas por falta de persoal no verán. 

O 27% da contratación no primeiro cuadrimestre do ano foi indefinida, fronte ao 10% de media habitual ata a aplicación da nova reforma laboral.

O novo protocolo de Sanidade para os seus profesionais aclara que os casos de coronavirus confirmados non graves deberán acudir a traballar agás que o fagan en "ámbitos vulnerables", que non inclúen a Atención Primaria ou as Urxencias, como demandaron varios sindicatos. 

CIG, CCOO e UGT coinciden en considerar "insuficientes" as iniciativas das administracións ante a inflación e a carestía da vida acentuada pola guerra e piden subas nos salarios e cambios profundos nas políticas fiscais "para que a clase obreira non pague os pratos rotos" desta nova crise. Explícannolo os líderes das tres centrais sindicais.