Miguel Pardo
As residencias privadas seguirán co persoal ao bordo do salario mínimo e lonxe dos minoritarios centros públicos
O novo convenio, asinado por CCOO e UGT e rexeitado pola CIG, mellora un chisco as condicións laborais pero mantén soldos mileuristas e rebaixa a xornada a un persoal que aínda traballará dez horas máis ao mes que o do sector público.
- Datos
- Economía
O peso da contratación indefinida aumentou dez puntos no primeiro trimestre do ano e xa supuxo o 30% en marzo
En Galicia asináronse en marzo máis de 20.500 contratos fixos, o 29% do total e 11.300 máis que hai un ano, o que supón un aumento do 122,7%. O paro baixou en 1.173 persoas e o número de persoas afectadas por ERTE non COVID subiu un 86%.
- Datos Feijóo en Madrid
- Economía
O mercado laboral que deixa Feijóo: menos paro e moita menos xente a traballar
Galicia ten menos persoas paradas que cando o líder do PP accedeu á presidencia da Xunta, pero polo camiño deixou 65.000 ocupadas e 3.500 postos de traballo. A terciarización da economía acentuouse: o sector servizos gañou 80.000 empregos en trece anos, case os mesmos que perderon industria, construción e sector primario.
O falecemento dun mozo tras o sinistro na refinería da Coruña eleva a sete as mortes por accidente laboral en Galicia no que vai de ano
Un home de 35 anos falece tras o accidente do pasado sábado no complexo de Repsol. Os sindicatos piden máis medidas de prevención e formación para o persoal das auxiliares que, denuncian, traballan en situación "precaria".
- Análise Feijóo en Madrid
- Política
A sanidade pública na 'era Feijóo': 13 anos de conflitos, obras novas e protestas contra a deterioración
As mobilizacións de persoal e cidadanía contra a falta de recursos e o empeoramento da asistencia no Sergas son constantes desde que o actual presidente chegou á Xunta, período inzado de recortes, conflitos e reivindicacións de melloras, tanto desde dentro do sistema sanitario como na rúa.
O heteroxéneo paro no transporte recrúa: das peticións de axuda á esixencia de dimisión de Sánchez con raíces en Galicia
A organización convocante ten a súa sede social nunha área de servizo de Baamonde e existe dende hai máis dunha década, pero foi case descoñecida para a opinión pública ata hai semanas, agora baixo a denominación Plataforma Nacional. Co paso dos días, a mobilización reborda os marcos da plataforma no contexto de alza xeral dos prezos e o seu impacto multiplícase co bloqueo de diversos sectores económicos
O agravamento da alza de prezos e o bloqueo do transporte conducen o campo galego ao "peor momento da historia"
As consecuencias da guerra na Ucraína engaden máis dificultades a un sector que reclama solucións urxentes á protesta do transporte e o cumprimento da lei da cadea alimentaria. Falamos cun gandeiro sobre o día a día na súa explotación e mais con Isabel Vilalba (Sindicato Labrego Galego) e Roberto García (Unións Agrarias)
- Análise Feijóo en Madrid
- Política
E Feijóo decidiu non alcanzar a Fraga: 13 anos, 13 fitos e un adeus
Pouco se parece a Galicia de 2009 á deste 2022 no que o quinto presidente da Xunta deixa o cargo cando aínda lle faltan dous anos para superar os do seu antecesor e despois de aplicar con éxito dispar a súa axenda liberal-conservadora
O paro nos transportes xa bloquea sectores clave da economía galega e o Goberno central vincúlao coa extrema dereita
A mobilización paraliza importantes empresas e sectores no quinto día da protesta impulsada por unha plataforma minoritaria pero á que se unen moitos transportistas autónomos.
Douscentos 'venres negros': "Feijóo deixa Galicia cuns medios públicos ao servizo do PP"
O persoal mobilizado no movemento 'Defende a Galega' contra o "control político" cumpre 200 semanas de protesta, advirte que "a CRTVG non deu paso ningún cara a unha Radio Galega e TVG plurais, imparciais e neutrais" e acúsaa de "represaliar" ou condenar ao "ostracismo" aos traballadores que protestan.
Outra condena á Xunta por negar a unha traballadora modificar o horario para poder coidar de familiares
O TSXG condena o Consorcio Galego de Servizos de Igualdade e Benestar por negar un cambio de quenda para atender os pais a unha educadora á que deberá indemnizar con 3.000 euros. A sentenza únese ao aluvión que nos últimos meses ratifican o dereito a modificar a xornada laboral para conciliar.
A guerra na Ucraína tamén bloquea o gran celeiro de pensos da gandaría galega e reabre o debate da soberanía alimentaria
O 40% do millo importado, esencial para a alimentación do gando, provén do país agora invadido por Rusia. A flexibilización para comprar o cereal na Arxentina ou o Brasil suaviza a situación do sector gandeiro, xa afogado pola suba dos custos de produción.