Miguel Pardo

O importe sitúase nos 18,63 euros, cinco máis que hai un ano e o seu máximo histórico. Milleiros de fogares vense afectados polo incremento en Galicia, unha das comunidades onde máis gas butano se usa aínda. 

A invasión rusa de Ucraína dispara os prezos do gas natural, que impacta no recibo da luz e incrementou o seu peso no balance enerxético galego nos últimos anos malia que a electricidade que xera no país é minoritaria. 

Dous traballadores da televisión pública, o xornalista Alfonso Pérez e o produtor Ramón Castaño, viaxan a Polonia para entregar material humanitario e recoller unha familia de seis mulleres que escapa da invasión rusa. 

O IPC rexistra un incremento do 8%, catro décimas máis que a media estatal, pola importante suba nos prezos da gasolina e a electricidade, que arrastran a alimentación e o transporte coa guerra en Ucraína como pano de fondo.

Varios ditames nos últimos meses condenaron a Xunta, CRTVG, Inditex, Mercadona ou Carrefour por vulnerar dereitos fundamentais ao negar a traballadoras a adaptación horaria para coidar fillos. Ordenan modificar a xornada e indemnizar as afectadas por danos morais e mesmo por discriminación por razón de sexo. 

Frotas pesqueiras de Vigo, A Coruña ou Celeiro confirmaron xa o seu amarre ante a suba dos prezos dos carburantes. 

A ameaza de veto á produción rusa impulsa o prezo do gas, que acaba determinando o importe da electricidade en España malia supor unha parte minoritaria da xeración eléctrica. O prezo maiorista chega aos 545 MW/h. 

Dirixentes nacionalistas e socialistas consultados por Praza.gal ven claro que non todos os votantes que elixiron a Feijóo optarían mecanicamente por calquera outro candidato do PP.  Aspiran a ir alén dos "vasos comunicantes" entre o electorado da esquerda, ao que queren facer ver a existencia dunha alternativa de goberno e de presidencia que tamén dependerán, analizan, da capacidade do PP para construír e blindar o liderado de quen remude ao actual presidente

Un informe do Consello da Cultura Galega "constata a demanda crecente de produtos culturais en galego" a raíz dunha enquisa na que máis do 65% das persoas cre tamén escasa a oferta en videoxogos e espectáculos. A metade considera que tampouco é suficiente en música ou televisión. 

As demandas nos xulgados galegos por ocupación ilegal de vivendas foron en 2021 un 17% menos que en 2020 e un 46% menos con respecto ao ano previo á pandemia. 

O xulgado declara nulo o calendario laboral imposto ás xerocultoras na residencia de Ferrol por non respectar o dereito ao descanso entre xornadas e superar o máximo de horas pactadas no convenio, e ordénalle negociar outro.

Asináronse 15.000 contratos indefinidos en febreiro -o 23% do total-, que supoñen un incremento do 167% respecto a hai un ano.