A empresa, que achegará 13 vehículos e 32 traballadores, comezará este xoves a recoller os residuos acumulados nas rúas da cidade. Nas últimas semanas, no marco do conflito que a cidade mantén co comité de empresa do servizo de recollida de residuos, controlado polo sindicato STL, 125 contedores foron queimados, cun custo total aproximado de 375.000 euros
Ademais da programación de concertos e outras actividades das Festas de María Pita, o calendario inclúe o Viñetas desde o Atlántico, o Festival Noroeste, o fútbol do Teresa Herrera e a Romaría de Santa Margarida, ademais da Feira do Libro, o Festival Internacional de Folclore, a Semana Clásica e o Festival de Habaneras
Viñetas desde o Atlántico celebrará a súa 27ª edición do 12 ao 18 de agosto cunha ampla programación na que destaca a exposición colectiva Toriyama en Galicia, da man dunha coidada selección de autoras e autores do país. Ademais, Gaspariño convértese no primeiro personaxe galego que se incorpora á colección de figuras de tamaño xigante que durante eses días se instalarán na cidade.
No caso de que a situación non se restableza ao longo da fin de semana, este luns o Concello declarará a emerxencia sanitaria co obxectivo de "contratar de maneira urxente" os servizos precisos para acometer "os traballos de recollida de lixo de maneira excepcional". A alcaldesa, Inés Rey, subliñou que "é imprescindible actuar con firmeza e determinación" ante o que está a ser "unha chantaxe á cidade" a cargo do sindicato STL.
Os convocantes esixen agora a retirada de todas as sancións ou, en caso contrario, adiantarán a conversión do paro en indefinido ao 28 de xullo. No inicio da investigación a Policía advertiu de que os acusados crearan unha "rede criminal" a través do STL que, entre outras acusacións, cobraban "mordidas" aos empregados para poder traballar no servizo de limpeza da cidade
Na data do aniversario de Luísa Villalta, este luns 15 de xullo, no que faría 67 anos, preséntase na Coruña a nova edición do Papagaio no Circo de Artesáns ás 19.30 horas coa autora das fotografías, Maribel Longueira, a poeta e autora do limiar, Eva Veiga, e o escritor Francisco Xosé Fernández Naval. A Agrupación Cultural Alexandre Bóveda e a editorial Kalandraka organizan o acto, que contará coa música en directo de César Morán e unha lectura poética á que se sumarán a directora editorial de Kalandraka, Manuela Rodríguez, e as poetas Marica Campo e Miguel Anxo Fernán-Vello
As Shego actúan este mércores no Atlantic Pride da Coruña e o venres en Ponteareas. Temazos como oh boi, Vicente Amor, Lucky ou Que voy a hacer? convertéronas nas novas raíñas do Riot Grrrl. Preparan un segundo disco ao que queren levar a forza do seu directo.
Abanca dá un paso máis no seu compromiso corporativo co Deportivo coa chegada de Escotet á presidencia do club nun movemento con varias fichaxes para a directiva, entre elas a da ex-titular de Facenda. A Xunta apostara por figurar como peza clave na unión de Caixa Galicia e Caixanova inserindo no acordo de Méndez e Gayoso para abordala a sinatura de Currás, que tamén rubricou a autorización do Goberno galego á operación e presentou en público o informe de KPMG que o gabinete de Feijóo encargara ao respecto
Dende o día de San Xoán os residuos non recollidos aumentan nas rúas da Coruña como consecuencia das medidas de presión postas en marcha polo Sindicato de Trabajadores de la Limpieza (STL), unha organización cuxos dirixentes están a ser investigados por unha presunta trama de corrupción.
Baixo o lema 'Pola infancia de Gaza, pola infancia palestina', a tripulación do Handala explica "as consecuencias para toda a poboación da franxa da falta de axuda humanitaria" e urxe a fin dos ataques. Os representantes da Flotilla foron recibidos no Parlamento polo BNG, que reiterou a esixencia de sancións diplomáticas a Israel. O programa continúa este sábado na Coruña, onde culmina cunha gala solidaria nos Xardíns de Méndez Núñez
O rexistro da Xunta recolle case 1.300 pisos turísticos na Coruña, que en apenas un ano dispararon máis dun 70% as prazas de aloxamento que ofrecen. O goberno local notifica ás persoas propietarias que deben tramitar a comunicación da súa actividade económica ao Concello para, acto seguido, peneirar en función do seu axuste ao PXOM mentres ultima unha ordenanza e insta á Xunta a non rexistrar máis vivendas turísticas que non cumpran os plans urbanísticos municipais
A alcaldesa coruñesa, Inés Rey, e o ministro de Transformación Dixital, José Luis Escrivá, asinaron este martes un documento que implica a cesión "gratuíta e temporal" da Terraza ao Estado. "Hoxe formalizamos un paso máis para o desenvolvemento da AESIA, consolidando o posicionamento da Coruña como líder en materia TIC e innovación tecnolóxica”, destacou a rexedora