Fálase

Co gallo do Día Internacional contra o Acoso Escolar, este 2 de maio, o Colexio Oficial de Psicoloxía de Galicia lanza a campaña “Non contes contos, conta o acoso” para subliñar a importancia de visibilizar o problema do acoso escolar nos centros educativos e de emprender medidas concretas para erradicalo. "Comunicar estes feitos é a chave. Facemos un chamamento ás familias, profesorado, departamentos de Orientación e especialistas en Psicoloxía Educativa, e ao alumnado para que denuncie o bullying", subliña o COP.

A CUT manifestouse este 1º de maio en Vigo, Compostela, A Coruña baixo o lema “Por un cambio real, folga xeral”, en marchas que en Vigo foron conxuntas coa CGT e na Coruña coa CGT e a CNT, entre outros sindicatos.

Ao mediodía comezan a maior parte das manifestacións convocadas polas principais centrais sindicais nas cidades e vilas galegas. A marcha da CIG en Vigo partirá ás 12 da Dobrada. Ás 11.30 iniciarase a mobilización de CCOO e UGT na cidade olívica dende o cruzamento da Vía Norte con Urzáiz. Ás 12 comezarán as marchas na Coruña, a da CIG dende a Praza de Vigo e a de CCOO e UGT dende a Praza da Palloza.

• Subir soldos ante a perda adquisitiva da clase traballadora: Primeiro de Maio contra a inflación

O Celta de baloncesto ascende á máxima categoría e xogará na Liga Femenina Endesa na temporada 2023-24. As xogadoras celestes vencen o Nou Bàsquet Paterna no pavillón de Navia (Vigo) e conseguen regresar, máis dunha década despois, á máis alta competición. [Fotografía © Celta Zorka Recalvi]

O Burela gaña a Copa da Raíña por sexta vez. As xogadoras do club de fútbol sala Pescados Rubén Burela FS venceron o Club Roldán FSF con 3 goles a 2. Este é o quinto ano consecutivo que se fan co título. 

• HEMEROTECA | O Burela suma outro título e xa é pentampión da Copa da Raíña
• HEMEROTECA | A Mariña e Burela seguen presumindo de equipo feminino: once títulos consecutivos 

PSdeG e BNG manterían todos os gobernos nas cidades e o PP gobernaría Ferrol despois das eleccións do 28M, segundo a enquisa de Sondaxe que publica este domingo La Voz de Galicia. 

• CRÓNICA | Outro coche oficial crúzase en campaña ante Feijóo e Rueda catorce anos despois
• 9 concellos cambiaron de cor política a través de mocións de censura, a maior parte en beneficio do PP
• MAPAS | As opcións do 28M: o PP presenta listas en todos os concellos, o PSdeG faltará en 8 e o BNG, en 48

Comeza a Feira do Libro de Santiago de Compostela co pregón do poeta Ismael Ramos. A feira, organizada pola Federación de Librarías de Galicia, reúne a once librarías na Alameda ata o vindeiro domingo 7 de maio, con preto dun centenar de autoras e autores e máis de 50 citas culturais. A programación completa pode consultarse aquí. 

O presidente da Deputación de Ourense e do PP de Ourense, José Manuel Baltar, acudirá a declarar o 9 de maio ao xulgado da Pobra de Seabra (Zamora) despois de que a Garda Civil o interceptase o pasado domingo conducindo a 215 quilómetros por hora pola autovía A-52 nun coche oficial, segundo confirma Europa Press. 

• Baltar négase a dimitir, admite dúas multas máis e reitera que conduciu o coche oficial a 215 km/h por "despiste"
• Baltar di que conduciu a 215 por hora por "despiste" e Rueda eloxia as súas desculpas
• O posible expediente a Baltar queda en mans do PP estatal e o código ético da Deputación non contempla sancións
• BNG e PSdeG esixen a Rueda que actúe contra Baltar polo seu presunto delito ao conducir a 215 por hora e o presidente evítao

A Asociación Española de Críticos Literarios galardoa a Yolanda Castaño e Brais Lamela cos premios estatais da Crítica 2022, que se entregan para obras de poesía e narrativa nas catro linguas cooficiais do Estado. O xurado destacou da novela Niguén queda (Euseino) de Brais Lamela a súa capacidade para formular interrogantes existencias e do poemario Materia (Xerais) de Yolanda Castaño a súa forza evocativa e sensorial no marco dunha visión feminina e feminista da identidade. 

• ENTREVISTA | Brais Lamela: "É posible construír pertenza sen reificar ningunha idea purista sobre o que é un fogar"
• ENTREVISTA | Yolanda Castaño: "Non quero unha poesía isolada e volta cara si, senón contaminada de vida, de mundo e doutros códigos"

A Sareb ratifica que dispón de 1.285 vivendas en Galicia "que poden incorporarse ao parque público de alugueiro" se as "adquiren" as Administracións. Sitúa 896 na provincia da Coruña, 249 na de Pontevedra, 108 en Lugo e 32 en Ourense. Nun comunicado, o banco malo evidencia que Galicia é "unha das zonas con máis oferta" porque se trata de vivendas procedentes do rescate das caixas. No caso galego, dos 5.000 millóns de euros de ladrillo tóxico absorbidos no rescate de Novagalicia Banco en 2012. [Mapa: © Sareb]

• DATOS | A Sareb en Galicia, concello a concello: 1.800 vivendas rematadas e 1.200 obras en curso para axudar a paliar a falta de alugueiro social
• HEMEROTECA (2017) | Os 5.000 millóns de 'ladrillo tóxico' de Novacaixagalicia quedan sen investigar