Fálase

O presidente da Deputación de Ourense e do PP de Ourense, José Manuel Baltar, acudirá a declarar o 9 de maio ao xulgado da Pobra de Seabra (Zamora) despois de que a Garda Civil o interceptase o pasado domingo conducindo a 215 quilómetros por hora pola autovía A-52 nun coche oficial, segundo confirma Europa Press. 

• Baltar négase a dimitir, admite dúas multas máis e reitera que conduciu o coche oficial a 215 km/h por "despiste"
• Baltar di que conduciu a 215 por hora por "despiste" e Rueda eloxia as súas desculpas
• O posible expediente a Baltar queda en mans do PP estatal e o código ético da Deputación non contempla sancións
• BNG e PSdeG esixen a Rueda que actúe contra Baltar polo seu presunto delito ao conducir a 215 por hora e o presidente evítao

A Asociación Española de Críticos Literarios galardoa a Yolanda Castaño e Brais Lamela cos premios estatais da Crítica 2022, que se entregan para obras de poesía e narrativa nas catro linguas cooficiais do Estado. O xurado destacou da novela Niguén queda (Euseino) de Brais Lamela a súa capacidade para formular interrogantes existencias e do poemario Materia (Xerais) de Yolanda Castaño a súa forza evocativa e sensorial no marco dunha visión feminina e feminista da identidade. 

• ENTREVISTA | Brais Lamela: "É posible construír pertenza sen reificar ningunha idea purista sobre o que é un fogar"
• ENTREVISTA | Yolanda Castaño: "Non quero unha poesía isolada e volta cara si, senón contaminada de vida, de mundo e doutros códigos"

A Sareb ratifica que dispón de 1.285 vivendas en Galicia "que poden incorporarse ao parque público de alugueiro" se as "adquiren" as Administracións. Sitúa 896 na provincia da Coruña, 249 na de Pontevedra, 108 en Lugo e 32 en Ourense. Nun comunicado, o banco malo evidencia que Galicia é "unha das zonas con máis oferta" porque se trata de vivendas procedentes do rescate das caixas. No caso galego, dos 5.000 millóns de euros de ladrillo tóxico absorbidos no rescate de Novagalicia Banco en 2012. [Mapa: © Sareb]

• DATOS | A Sareb en Galicia, concello a concello: 1.800 vivendas rematadas e 1.200 obras en curso para axudar a paliar a falta de alugueiro social
• HEMEROTECA (2017) | Os 5.000 millóns de 'ladrillo tóxico' de Novacaixagalicia quedan sen investigar

Hiperxel, en concurso de acredores polo seu estado de "insolvencia". O xulgado do Mercantil número 3 de Pontevedra vén de declarar o concurso voluntario de acredores a Xeldist Congelados, matriz de HIperxel, intervida desde agora na súa administración. 

• O persoal de Hiperxel denuncia atrasos nas nóminas e falta de mercadoría nas tendas

Baltar négase a dimitir e reitera que conduciu a 215 por hora nun coche da Deputación por "despiste" nunha viaxe a Madrid para manter dous encontros oficiais. A preguntas do PSdeG no pleno da Deputación de Ourense, o popular tamén nega que el conducise o coche oficial da institución que foi multado en setembro de 2021 na N-120 por conducir a 157 km/h nun treito limitado a 90; alega que un informe do xefe do parque móbil indica que non hai "datos fidedignos" para "afirmar con certeza quen conducía". 

• AMPLIAMOS 👉 Baltar négase a dimitir, admite dúas multas máis e reitera que conduciu o coche oficial a 215 km/h por "despiste"

ENQUISA | Inés Rey mantería a alcaldía da Coruña o 28M pero desta volta co PSdeG como primeira forza, pasando de 9 a 12 edís, segundo unha enquisa divulgada por Radio Coruña que apunta tamén a un mantemento da representación do PP (9) e a un ascenso dun concelleiro para o BNG coruñés, que pasaría de 2 a 3. Marea Atlántica perdería 4 edís e quedaría con 2 e Por Coruña (a coalición de Podemos, EU e outras forzas) lograría un representante na corporación, indica o inquérito.

O Congreso aproba a lei de vivenda por maioría absoluta malia o 'non' de PP, Vox, Cs, PNV e Junts. Foron 176 votos a favor fronte a 167 en contra. 

• Límite do 3% ás subas do alugueiro e máis zonas tensionadas: así será a nova lei de vivenda
• A maioría da poboación galega vive en concellos que poden considerarse 'zonas tensionadas' para limitar a suba da vivenda

O Consello da Xunta aproba a declaración da Casa Cornide da Coruña como Ben de Interese Cultural (BIC). Con esta medida, a familia Franco terá "a obriga de permitir a súa visita pública e gratuíta polo menos catro días ao mes", segundo aclara o presidente da Xunta, Alfonso Rueda, que destaca que a decisión supón o recoñecemento do "gran valor histórico e cultural" do inmoble e o establecemento de "obrigas de protección" sobre el. 

• O inicio da declaración BIC protexe a Casa Cornide e reduce a marxe de manobra dos Franco
• Casa Cornide, do uso e "vocación pública e cultural" ao inmoble pechado dos Franco

EPA | A poboación ocupada mantívose practicamente plana (-800) en Galicia durante o primeiro trimestre do ano e queda en 1,11 millóns de persoas, o que supón un 1,13% máis que no mesmo período de 2022, segundo os datos da Enquisa de Poboación Activa que vén de ser publicada. No mesmo trimestre, a poboación en desemprego situouse en 135.100 persoas, 3.700 máis que no trimestre previo e 5.900 menos que un ano antes. 

• AMPLIAMOS 👉 A poboación ocupada mantense estable en Galicia no primeiro trimestre, tradicionalmente negativo para o emprego

Desconvocada a folga do sector do transporte de viaxeiros por estrada prevista para mañá e o venres. Os sindicatos manteñen a convocatoria de paro indefinido a partir do 8 de maio se a patronal non actualiza os convenios provinciais. 

• A Xunta di que a folga de buses desta semana é cousa do sector e lembra que xa lle deu 60 millóns máis do previsto nas concesións