Fálase

A Xunta gábase de cumprir con 24 anos de demora unha directiva europea que obrigaba a mellorar o saneamento da ría de Pontevedra en 1999. A Comisión Europea abriu en 2003 un procedemento sancionador no que en 2016 o Tribunal de Xustiza da UE constatou o incumprimento dunha directiva de 1991 que obrigaba a dotar de colectores antes do 1 de xaneiro de 1999 a asentamentos de máis de 10.000 habitantes que vertesen en zonas sensibles, como ocorría coa aglomeración Pontevedra-Marín-Poio Bueu. A conselleira de Infraestruturas, Ethel Vázquez, salientou este martes no Parlamento o peche do procedemento, o pasado 26 de xaneiro, o que segundo di supuxo evitar unha multa de 30 millóns de euros.

• HEMEROTECA | Ence opúxose a que un 6% do terreo público que ocupa en concesión sexa usado pola Xunta para ampliar a depuradora de Pontevedra

O Congreso aproba a toma en consideración da reforma da parte penal da lei de liberdade sexual promovida polo PSOE nunha tensa xornada no seo do Goberno de coalición dos socialistas con Unidas Podemos. Este inicio da tramitación saíu adiante con 231 votos a prol  (PSOE, PP, C's, PNV, PdeCAT, Foro, PRC, CC, NC).

• HEMEROTECA | "A lei de liberdade sexual nunca pretendeu castigar máis como obxectivo principal, pretende protexer mellor"
• HEMEROTECA | Rebaixas de penas por abuso e agresión reabren o debate gobernamental e xurídico sobre a lei de liberdade sexual

O arquitecto británico David Chipperfield gaña o prestixioso premio Pritzker de arquitectura. O veciño de Corrubedo impulsou en Galicia a Fundación RIA, centrada nos desafíos da zona da ría de Arousa e a través da que está a colaborar en diferentes proxectos coa Xunta e mais co Colexio Oficial de Arquitectos de Galicia (COAG), con proxectos como Cara unha axenda territorial de Galicia. No sitio web dos galardóns pódese consultar unha selección dos seus traballos desde que rematou os seus estudos na Architectural Association School of Architecture de Londres no ano 1980. 

Pablo Crespo, antigo secretario de organización do PP de Galicia, accede ao terceiro grao penitenciario tras cumprir 9 anos de cadea polo caso Gürtel. Crespo aínda está sendo xulgado por outras presuntas irregularidades ligadas á trama corrupta.

• 📺 HEMEROTECA | Pablo Crespo ratifica que repartiu "sobresoldos" no PPdeG con diñeiro negro pero non di a quen por "elegancia"
• HEMEROTECA | Gürtel tornou a Pablo Crespo no primeiro deputado da historia da autonomía galega encarcerado por corrupción

Leilía confirman que emprenden a súa derradeira xira. Como avanzaron o pasado sábado durante o seu concerto na Festa do Queixo de Arzúa, o espectáculo Vidas cantadas porá "fin á andaina" de 34 anos nos que "mudaron o panorama da música tradicional galega.

• HEMEROTECA | Leilía: “O principal mérito é que seguimos sendo as mesmas, crendo no mesmo que cando empezamos” 

Falece aos 87 anos o escritor e académico Salvador García-Bodaño. Alén da súa ampla obra literaria, García-Bodaño desenvolveu na súa vida un fondo compromiso político e social xa dende os tempos da ditadura, dende o activismo cultural en organizacións como a Asociación Cultural O Galo, o Consello da Mocedade ou o Partido Socialista Galego. A Real Academia Galega percorre a súa biografía na nota emitida polo seu pasamento. [Imaxe: © RAG]

• OBITUARIO | Morre Salvador García-Bodaño, o activista cultural que "ergueu a voz coma poucos"

O Goberno do PP de Rajoy activou a operación político-policial irregular contra o independentismo catalán ao día seguinte da multitudinaria Diada de 2012, segundo informa este martes La Vanguardia. Ata agora, como detalla o xornal, a Xustiza non investigara a 'guerra sucia' contra o independentismo comandada dende o Ministerio do Interior que dirixía Jorge Fernández Díaz, coa colaboración de elementos como o policía corrupto José Manuel Villarejo. Na imaxe [CC BY-NC ANC], manifestación pola Diada de 2012 en Barcelona.

• HEMEROTECA (2012) | Unha manifestación que marca un antes e un despois en Catalunya
• HEMEROTECA (2012) | Feijóo sentencia: "Todas as autonomías son España dende hai 500 anos"
• HEMEROTECA (2022) | "Repudio" no Colexio de Xornalistas ante as novas probas de ligazóns entre medios e 'cloacas do Estado'

O PSdeG centra a súa campaña do 8M en sinalar o "negacionismo" para "reivindicar a importancia de loitar contra quen nega a existencia dunha discriminación contra ás mulleres", subliña a secretaria de Igualdade do partido, Silvia Fraga.

O BNG presenta a súa campaña para o 8M avanzando que a estenderá a todo o ano "porque a igualdade non se reivindica un só día", sinala Ana Pontón. Conmemorar o Día Internacional das Mulleres Traballadoras "non é suficiente se non hai un compromiso para que a igualdade exista o resto dos días do ano, iso chámase purplewashing", isto é, "un lavado de imaxe nun día concreto pero sen ter un compromiso real para que a igualdade se converta nunha realidade”.

A folga na CRTVG comeza cun "importante" seguimento, sobre todo na redacción, segundo fontes sindicais. A programación matinal viuse afectada na TVG, que tivo que suspender a emisión do programa 'A Revista', substituído pola repetición doutro programa.

• AMPLIAMOS 👉 A folga na CRTVG contra a "represión" e a "manipulación" obriga a suspender varios programas
• Persoal da CRTVG volve á folga o 6 de marzo e advirte o consello de administración: "Non podemos máis"
• HEMEROTECA | A "lexitimidade" dun mandato (vitalicio?) na dirección da CRTVG