Fálase

Jácome limita o acceso de fotoxornalistas aos 5 primeiros minutos de cada pleno do Concello de Ourense. O alcalde ourensán e líder de DO esgrime que "a gota que colmou o vaso" foi que un fotógrafo de La Región o "enfocou durante 30 minutos" e agrega que "saberse enfocado permanentemente afecta ao subsconsciente" e "produce estrés". O rexedor realiza este anuncio tras cargar contra o fotoxornalista no transcurso do propio pleno, o que lle valeu reproches de PSdeG e BNG, así como do Colexio Profesional de Xornalistas de Galicia e da Asociación Profesional de Fotoxornalistas de Galicia, entre outros.

• HEMEROTECA | Jácome substitúe as roldas de prensa por emisións dende o salón de plenos na súa televisión privada
• HEMEROTECA | O acordo PP-PSdeG e a promesa de Rueda que romperon os populares para volver pactar con Jácome

🟣25N Milleiros de persoas rexeitan a violencia machista nas mobilizacións convocadas polo movemento feminista nas principais vilas e cidades do país. Na imaxe, a manifestación de Vigo [CC BY-NC-SA BNG].

• 📸 Feminismo combativo e en alerta nas mobilizacións galegas do 25N
• Un 25N co foco sobre a "violencia institucional" que perpetúa a violencia machista

SIMEGA desconvoca a folga na Atención Primaria horas antes do seu inicio, como tamén fixeron este luns CCOO, UGT e CSIF. En cambio, O'Mega mantén a convocatoria tras a reunión mantida co Sergas, como tamén fai a CIG e varias asembleas de profesionais.

• CCOO, UGT e CSIF desconvocan a última hora a folga na atención primaria que mantén a CIG

O Tribunal de Xustiza da UE sentencia que todos os Estados membros están obrigados a recoñecer o matrimonio entre persoas do mesmo sexo contraído legalmente en calquera punto da Unión. Nun ditame sobre o caso dunha parella polaca que reclamaba que o seu país recoñecese o seu matrimonio, contraído en Alemaña, o TXUE dá a razón aos demandantes e matiza que "esta obriga non implica que deba introducirse o matrimonio entre persoas do mesmo sexo no Dereito interno" dos países que aínda non o fan. Pedro Sánchez aplaude a sentenza como un "si, quero, que cruza o continente". "Fronte ao odio, amor e liberdade", agrega o presidente do Goberno de España. [Imaxe: CC-BY-SA Rob Maxwell / Unsplash]

• HEMEROTECA | Máis de dous mil matrimonios entre persoas do mesmo sexo en Galicia tras vinte anos sen prohibición
• HEMEROTECA | "Non é unha decisión, é o que somos": un Orgullo pola igualdade e o respecto fronte ás agresións

O Goberno de España propón que a nova fiscal xeral do Estado sexa Teresa Peramato, especializada na loita contra a violencia machista e con 35 anos de carreira. Este martes o Consello de Ministros inicia o proceso para nomeala como substituta de Álvaro García Ortiz, que renunciou ao cargo xusto despois de que o Supremo o condenase a inhabilitación por revelación de segredos no caso do mozo de Ayuso. Na imaxe, Peramato tomando posesión como fiscal de Sala Xefa da Sección Penal da Fiscalía do Tribunal Supremo, o pasado febreiro [© Fiscalía Xeral do Estado]

• HEMEROTECA | Teresa Peramato, en Praza.gal en 2014 - "Carecemos de estudos que nos digan as causas e as características reais da violencia sobre a muller"
• O Supremo inhabilita o fiscal xeral
• HEMEROTECA | Raíces galegas no aborrecemento ao fiscal xeral polo PP, que celebra a súa imputación

CC.OO., CSIF e UGT desconvocan a folga en Atención Primaria, que mantén a CIG-Saúde dende mañá, 26, ata o venres 28. Tras unha prolongada xuntanza con Sanidade, os devanditos tres sindicatos consideran que o Sergas "acepta a totalidade" das súas demandas en materia "económica, organizativa e laboral". Previsiblemente, ao longo deste martes pronunciaranse os colectivos médicos que tamén veñen apoiando o paro. 

• AMPLIAMOS 👉 CCOO, UGT e CSIF desconvocan a última hora a folga na atención primaria que mantén a CIG

Cecilia F. Santomé (Vilalba, 1984) gaña o Premio de Novela Blanco-Amor coa obra Boundaries Road SW12 8HD, que narra a historia de Cilla, unha tradutora galega de 30 anos emigrada en Londres que aluga unha habitación na casa dunha parella acomodada. O galardón da 44ª edición do certame será entregado o vindeiro 5 de decembro nunha gala literaria no Centro Cultural Marcos Valcárcel de Ourense. 

• ENTREVISTA | Cecilia F. Santomé: "O poder da memoria, como artellador do legado de vida que recibimos das xeracións anteriores, dálle un sentido á nosa existencia"

O fiscal xeral renuncia tras a condena do Supremo antes de que se execute a súa inhabilitación. Álvaro García Ortiz comunica a súa dimisión ao Goberno de España, que pon en marcha o proceso para un novo nomeamento na institución.

• O Supremo inhabilita o fiscal xeral

O Tribunal Supremo modificou a acusación contra o fiscal xeral catro veces antes de condenalo. A Sala avalou en dúas ocasións a licitude do desmentido oficial da mentira do mozo de Ayuso, pero finalmente incluíuno entre os indicios contra García Ortiz. 

O borrador final da COP30 evita mencionar a folla de ruta sobre combustibles fósiles. A UE apoia o documento pero critica a falta de ambición dun texto que fixa como meta limitar o aumento da temperatura a 1,6º e protexer os ecosistemas.