Fálase

O Ministerio de Sanidade confirma o plan para fornecer preservativos de balde á poboación de 16 a 22 anos a través das farmacias "como un dereito" a partir de 2027 en colaboración cos colexios farmacéuticos. [Imaxe: CC BY rhsupplies]

• HEMEROTECA | "Se os rapaces non teñen unha educación sexual regrada, van aprendelo a través do porno"
• HEMEROTECA | "Moito coidado": as infeccións de transmisión sexual, no foco da Deputación da Coruña cara ao 25N
• HEMEROTECA | O Sergas retira da súa web o folleto que recomenda a 'marcha atrás' como anticonceptivo

O Leyma Coruña gaña o ascenso á ACB ante o Estudiantes tras ir perdendo e forzar unha agónica prórroga na Final Four disputada esta fin de semana na propia cidade. Na ACB agardan para a próxima tempada outros dous equipos galegos, o Breogán, que se mantén, e o Obradoiro, que xa ascendera como primeiro clasificado na liga regular da Primeira FEB. [Imaxe: FEB]

• 🏀 +INFO 👉 Baloncesto, capital: Galicia
• De festa polos nosos: o "orgullo de pertenza" desborda á calor dos éxitos dos equipos galegos

O Leyma Coruña xogará este domingo a final de ascenso á ACB tras gañar a semifinal ao Palencia por 92-81. O equipo coruñés enfrontarase ao Estudiantes, gañador da outra semifinal ante o Oviedo dunha Final Four que se está a disputar na Coruña. Na ACB agardan para a próxima tempada dous equipos galegos, o Breogán, que se mantén, e o Obradoiro, que vén de ascender como primeiro clasificado na liga regular da Primeira FEB. Na imaxe, do propio equipo, tras gañar en cuartos de final.

• De festa polos nosos: o "orgullo de pertenza" desborda á calor dos éxitos dos equipos galegos

O papa León XIV vén de iniciar unha visita de sete días a Madrid, Barcelona e Canarias moi centrada na pobreza e as migracións e na que o luns falará ante o Congreso dos Deputados. Prevost vén amosando a súa sintonía co Goberno de España fronte ao belicismo de Trump.

• León XIV esixe regular a IA para frear o poder dos 'tecnobros' e defender a democracia
• HEMEROTECA | 1982, 1989 e 2010: as visitas de papas a Galicia que Francisco non puido repetir

O BNG confirma o deputado Món Fernández como novo candidato á alcaldía de Ferrol. A asemblea local da formación ratificouno por unanimidade como cabeza de cartel.

O delegado da Xunta que cesou para ser remudado polo ex-conselleiro Alfonso Villares, novo director de urbanismo do Concello de Lugo. El Progreso adianta que a candidatura de Javier Arias para o posto foi a única presentada ao proceso de selección aberto por Candia o mesmo día en que o Consello da Xunta aprobou o nomeamento do ex-conselleiro do Mar. Na imaxe, Arias canda o conselleiro Diego Calvo durante a toma de posesión de Villares, o pasado martes.

• Rueda nomea o ex-conselleiro Villares delegado en Lugo e remuda o xerente do Sergas
• HEMEROTECA | O PP encomenda á tránsfuga de Lugo a comisión de Urbanismo do Concello

Cidadanía e persoal sanitario mobilízase en varios puntos de Galicia contra as elevadas listas de espera. Convocados por SOS Sanidade Pública, centos de persoas concentráronse ante hospitais e centros de saúde do país contra un problema "que atenta directamente contra a calidade asistencial". Foto: CC-BY-NC-SA CIG. 

A Garda Civil sostén que a ex-militante do PSOE Leire Díez comezou a buscar posibles informacións comprometedoras contra xuíces e fiscais a través das 'cloacas' do ex-comisario Villarejo. O levantamento parcial do segredo do sumario que investiga esta presunta trama corrupta amosa como Díez alardeaba de estar conectada coa máxima dirixencia do partido e ter influencias na Fiscalía ou na Policía. Aclarar se as responsabilidades remataban no ex-secretario de organización, Santos Cerdán, ou chegaban máis arriba no organigrama socialista bosquéxase como unha das claves do caso, sobre o que está a informar infoLibre. Na imaxe, Díez comparecendo no Senado en 2025.

• +INFO 👉 O xuíz Pedraz investiga unha trama liderada por Cerdán e Leire Díez contra Anticorrupción e a UCO

Novo bipartito do PP con Vox. Os populares pechan o acordo para volver gobernar en Castela e León coa formación da extrema dereita, á que xa se uniran na pasada lexislatura nunha coalición que acabou rachando. O pacto, na liña dos xa asinados pola formación de Feijóo noutros territorios, outorga a Vox unha vicepresidencia e tres consellerías e contempla diversas promesas contra as persoas migrantes como a discriminación no acceso a servizos públicos, entre outras. Na imaxe, Feijóo durante un mitin da campaña castelá e leonesa con quen será reelixido presidente nesa autonomía, Alfonso Fernández Mañueco [©PP]

• HEMEROTECA | Os 'contratos' de Feijóo: da "austeridade" ás teimas da internacional reaccionaria
• HEMEROTECA | Máis dereitas en Castela e León tras 40 anos fronte a un estable PSOE

‼️ Non nos deas por suposto
🤗 Moitas informacións de Praza nunca existirían sen a comunidade de socias e socios
🤝 Faite de Praza

↪️ Ata o 80% da túa achega anual devólvencho coa declaración da renda 
🔗 Por exemplo: achegas 10€/mes e gastas 2€/mes