Fálase

A Garda Civil sostén que a ex-militante do PSOE Leire Díez comezou a buscar posibles informacións comprometedoras contra xuíces e fiscais a través das 'cloacas' do ex-comisario Villarejo. O levantamento parcial do segredo do sumario que investiga esta presunta trama corrupta amosa como Díez alardeaba de estar conectada coa máxima dirixencia do partido e ter influencias na Fiscalía ou na Policía. Aclarar se as responsabilidades remataban no ex-secretario de organización, Santos Cerdán, ou chegaban máis arriba no organigrama socialista bosquéxase como unha das claves do caso, sobre o que está a informar infoLibre. Na imaxe, Díez comparecendo no Senado en 2025.

• +INFO 👉 O xuíz Pedraz investiga unha trama liderada por Cerdán e Leire Díez contra Anticorrupción e a UCO

Novo bipartito do PP con Vox. Os populares pechan o acordo para volver gobernar en Castela e León coa formación da extrema dereita, á que xa se uniran na pasada lexislatura nunha coalición que acabou rachando. O pacto, na liña dos xa asinados pola formación de Feijóo noutros territorios, outorga a Vox unha vicepresidencia e tres consellerías e contempla diversas promesas contra as persoas migrantes como a discriminación no acceso a servizos públicos, entre outras. Na imaxe, Feijóo durante un mitin da campaña castelá e leonesa con quen será reelixido presidente nesa autonomía, Alfonso Fernández Mañueco [©PP]

• HEMEROTECA | Os 'contratos' de Feijóo: da "austeridade" ás teimas da internacional reaccionaria
• HEMEROTECA | Máis dereitas en Castela e León tras 40 anos fronte a un estable PSOE

‼️ Non nos deas por suposto
🤗 Moitas informacións de Praza nunca existirían sen a comunidade de socias e socios
🤝 Faite de Praza

↪️ Ata o 80% da túa achega anual devólvencho coa declaración da renda 
🔗 Por exemplo: achegas 10€/mes e gastas 2€/mes

Portugal vive este mércores unha xornada de folga xeral contra a reforma laboral aprobada en maio polo goberno de Luís Montenegro. O paro é convocado polo principal sindicato do país, CGTP-IN, pero non pola UGT, e afecta principalmente os transportes, a educación e o ensino. As protestas denuncian a flexibilización do despido, a desregulación horaria, a precarización ou recortes na conciliación. Foto: CGTP-IN. 

Rueda reafirma ante o presidente catalán e o lehendakari a súa negativa a negociar bilateralmente co Estado o financiamento de Galicia e non acudirá á cita convocada polo Ministerio de Facenda. "O que é de todos decídese entre todos", esgrimiu o titular da Xunta nun diálogo cos seus homólogos de Catalunya e Euskadi, Salvador Illa e Imanol Pradales, organizado polo Cercle d'Economia no marco da súa reunión anual, na que Rueda tamén resaltou que se sente "orgullosamente español e orgullosamente galego" e "se me desen a elixir non sabería que dicir".

• HEMEROTECA | A reforma do financiamento mellora a achega a Galicia, pero por baixo da media 
• HEMEROTECA | Rueda alega que Galicia "non necesita" que o Estado lle pague 1 de cada 3 euros da débeda
• HEMEROTECA | Contas pide actualizar o financiamento autonómico caducado en 2014 e máis transparencia da Xunta nas rebaixas de impostos

O Sergas lanza unha campaña para "concienciar" sobre "acudir a urxencias só cando é necesario" ou "anular unha cita á que non podes acudir" para potenciar o "uso responsable do sistema sanitario". O conselleiro Gómez Caamaño sinala que a iniciativa, baixo o lema Protexamos o que nos protexe, atende a indicadores como un 3,2% de ausencias en citas de Atención Primaria en 2024 ou un 5,69% en consultas hospitalarias e pretende "preservar e engrandecer a sanidade pública galega". Será divulgada dende este mércores nalgúns medios de comunicación e nas redes sociais.

• O Defensor del Pueblo advirte ao Sergas do risco de suplir médicos con máis traballo de compañeiros
• O Sergas recorta o soldo de médicos de familia con pacientes coas baixas laborais máis longas
• Contas confirma as eivas na atención primaria: 120 concellos sen pediatra, escaso persoal e longas esperas
• Neuroloxía en Pontevedra e Oftalmoloxía en Lugo encabezan a espera das consultas do Sergas

Fronte á represión, educación. As asembleas de profesorado, que continúan cos seus #martes de loit@, solidarízanse cos docentes do País Valenciá.

 [Foto IES Val Miñor. Ilustración de @luisoarte]

• Máis de vinte marchas por toda Galicia unen a comunidade educativa na loita polo ensino público

A artista portuguesa Carolina Deslandes, cabeza de cartel da terceira edición do festival Aquí Tamén Se Fala, que se celebra o vindeiro venres 12 de xuño na Coruña. De Ninghures, Apolo 18 e Kid Mount completan o cartel do certame impulsado polo IES Rafael Dieste. 

• Festival de éxito e un novo proxecto audiovisual: Aquí Tamén Se Fala sobe outro chanzo
• ENTREVISTA | Alberto Pombo: "A inmigración é unha oportunidade para o futuro da lingua galega"

O festival Surfing The Lérez de Pontevedra anuncia que a edición 2026, que se celebra os días 12 e 13 de xuño na Illa do Covo, será a derradeira, despois de case 15 anos de traxectoria. Os seus responsables subliñan a dificultade de manter un festival de entrada gratuíta ante o incremento dos custos nos últimos anos para este tipo de eventos e a falta de apoio institucional, sinalando neste caso o Xacobeo. O derradeiro Surfing The Lérez será unha vez máis unha "romaría" que apostará pola música galega con bandas como The Rapants, Grande Amore, Familia Caamagno, 9Louro, Portosanto ou Galician Army, ademais de Camellos, Colectivo da Silva, Cora Yako, Limboos, Mad Foxes ou Freedonia.

• Tres festivais para un Martín Códax: a beleza do pequeno fronte ao 'macro'

A automobilística SAIC confirma a súa petición para instalarse en Ferrol e nas Pontes. O Consello da Xunta aproba a iniciativa como proxecto industrial estratéxico. Na imaxe, un dos modelos da marca MG, que produce SAIC [©SAIC] 

• AMPLIAMOS 👉 SAIC Motor pide instalarse en Ferrol e As Pontes para producir 120.000 vehículos ao ano con 2.300 empregos