Fálase

Rueda reafirma ante o presidente catalán e o lehendakari a súa negativa a negociar bilateralmente co Estado o financiamento de Galicia e non acudirá á cita convocada polo Ministerio de Facenda. "O que é de todos decídese entre todos", esgrimiu o titular da Xunta nun diálogo cos seus homólogos de Catalunya e Euskadi, Salvador Illa e Imanol Pradales, organizado polo Cercle d'Economia no marco da súa reunión anual, na que Rueda tamén resaltou que se sente "orgullosamente español e orgullosamente galego" e "se me desen a elixir non sabería que dicir".

• HEMEROTECA | A reforma do financiamento mellora a achega a Galicia, pero por baixo da media 
• HEMEROTECA | Rueda alega que Galicia "non necesita" que o Estado lle pague 1 de cada 3 euros da débeda
• HEMEROTECA | Contas pide actualizar o financiamento autonómico caducado en 2014 e máis transparencia da Xunta nas rebaixas de impostos

O Sergas lanza unha campaña para "concienciar" sobre "acudir a urxencias só cando é necesario" ou "anular unha cita á que non podes acudir" para potenciar o "uso responsable do sistema sanitario". O conselleiro Gómez Caamaño sinala que a iniciativa, baixo o lema Protexamos o que nos protexe, atende a indicadores como un 3,2% de ausencias en citas de Atención Primaria en 2024 ou un 5,69% en consultas hospitalarias e pretende "preservar e engrandecer a sanidade pública galega". Será divulgada dende este mércores nalgúns medios de comunicación e nas redes sociais.

• O Defensor del Pueblo advirte ao Sergas do risco de suplir médicos con máis traballo de compañeiros
• O Sergas recorta o soldo de médicos de familia con pacientes coas baixas laborais máis longas
• Contas confirma as eivas na atención primaria: 120 concellos sen pediatra, escaso persoal e longas esperas
• Neuroloxía en Pontevedra e Oftalmoloxía en Lugo encabezan a espera das consultas do Sergas

Fronte á represión, educación. As asembleas de profesorado, que continúan cos seus #martes de loit@, solidarízanse cos docentes do País Valenciá.

 [Foto IES Val Miñor. Ilustración de @luisoarte]

• Máis de vinte marchas por toda Galicia unen a comunidade educativa na loita polo ensino público

A artista portuguesa Carolina Deslandes, cabeza de cartel da terceira edición do festival Aquí Tamén Se Fala, que se celebra o vindeiro venres 12 de xuño na Coruña. De Ninghures, Apolo 18 e Kid Mount completan o cartel do certame impulsado polo IES Rafael Dieste. 

• Festival de éxito e un novo proxecto audiovisual: Aquí Tamén Se Fala sobe outro chanzo
• ENTREVISTA | Alberto Pombo: "A inmigración é unha oportunidade para o futuro da lingua galega"

O festival Surfing The Lérez de Pontevedra anuncia que a edición 2026, que se celebra os días 12 e 13 de xuño na Illa do Covo, será a derradeira, despois de case 15 anos de traxectoria. Os seus responsables subliñan a dificultade de manter un festival de entrada gratuíta ante o incremento dos custos nos últimos anos para este tipo de eventos e a falta de apoio institucional, sinalando neste caso o Xacobeo. O derradeiro Surfing The Lérez será unha vez máis unha "romaría" que apostará pola música galega con bandas como The Rapants, Grande Amore, Familia Caamagno, 9Louro, Portosanto ou Galician Army, ademais de Camellos, Colectivo da Silva, Cora Yako, Limboos, Mad Foxes ou Freedonia.

• Tres festivais para un Martín Códax: a beleza do pequeno fronte ao 'macro'

A automobilística SAIC confirma a súa petición para instalarse en Ferrol e nas Pontes. O Consello da Xunta aproba a iniciativa como proxecto industrial estratéxico. Na imaxe, un dos modelos da marca MG, que produce SAIC [©SAIC] 

• AMPLIAMOS 👉 SAIC Motor pide instalarse en Ferrol e As Pontes para producir 120.000 vehículos ao ano con 2.300 empregos

O ex-conselleiro Alfonso Villares é nomeado delegado da Xunta en Lugo tras o arquivo da denuncia por acoso sexual. A decisión vén de facela pública o presidente Rueda tras o Consello da Xunta deste luns, que tamén aprobou outros varios cambios nos segundos niveis do Goberno galego.  

• AMPLIAMOS 👉 Rueda nomea o ex-conselleiro Villares delegado en Lugo e remuda o xerente do Sergas
• Rueda valora un novo cargo para o ex-conselleiro Villares tras ser exculpado de agresión sexual: "Depende del"
• O ex-conselleiro Villares pide volver ao PP tras o arquivo da denuncia por agresión sexual

A Xunta nomea novo xerente do Sergas ao oncólogo Luis León Mateos en substitución de José Ramón Parada, no cargo desde hai dous anos. [Na imaxe, Luis León co conselleiro de Sanidade, Antonio Gómez Caamaño, nun acto da Asociación contra o Cancro en Boiro, o pasado abril]

• AMPLIAMOS 👉 Rueda nomea o ex-conselleiro Villares delegado en Lugo e remuda o xerente do Sergas

As seleccións de fútbol sala regresan dun duplo enfrontamento con Catalunya en Lugo. Os vindeiros 3 e 4 de xullo o Pavillón Municipal de Lugo acollerá senllos partidos Galicia-Catalunya masculinos e femininos no marco do convenio asinado entre as federacións galega e catalá, que contemplaba tamén os encontros xa disputados en 2024 en Santa Coloma de Gramenet. Ata a sinatura deste acordo con Catalunya, a selección masculina de fútbol sala non xogara dende 2008 (fronte ao Uruguai en Ferrol) e a feminina, dende 2017 (tamén contra Catalunya, en Santiago) Imaxe: [© FGF]

• HEMEROTECA (2017) | Galicia golea a Catalunya na reestrea da selección feminina

Feijóo recupera a petición de que Junts e PNV o voten como presidente do Goberno de España nunha moción de censura na que tamén sería imprescindible Vox. Ofrece "decencia e eleccións", afirma o ex-titular da Xunta, que tras a celebración deses eventuais comicios que, promete, serían "inmediatos", continuaría como presidente en funcións ata a consecución dunha investidura. Afirmouno nunha entrevista en TeleCinco.

• HEMEROTECA | Junts, tan "letal" para Feijóo como Jácome e Vox
• HEMEROTECA | Feijóo certifica o fracaso da súa investidura tras reafirmar a súa alianza coa ultradereita
• HEMEROTECA | Feijóo pide ser presidente nunha carta a Sánchez, que lle lembra que o será quen máis apoios sume no Congreso