Fálase

Vítimas de Angrois demandan ao Ministerio de Transportes ante un xulgado do contencioso de Madrid para que cumpra coa normativa europea de investigación de accidentes. A plataforma solicitouno formalmente na vía administrativa para, tras recibir unha resposta negativa por parte do ministerio, abrir agora unha nova vía xudicial paralela á penal que segue en marcha en Santiago. O pasado xoves a Audiencia da Coruña fixo público o seu aval para que sexa xulgado un cargo de Adif ao mesmo nivel que o maquinista, que fora o único ao que apuntou no seu momento a investigación oficial do ministerio.

A Xunta adía o toque de recollida pola COVID ás 23h en toda Galicia dende o venres, día 16. Os bares terán que seguir pechando ás 21h, pero os restaurantes poderán facelo ás 23h se cumpren determinadas condicións, como o rexistro de clientes e medición de CO2, que se publicarán no DOG. Nas residencias de persoas anciás, as visitas xa non terán que limitarse á listaxe de persoas de referencia, pero con cita previa e individualmente, e amplíanse a 3 días á semana as posibles saídas de residentes.

• AMPLIAMOS 👉 A Xunta atrasa ás 23 horas o toque de recollida pola COVID e o peche dalgúns restaurantes
• As áreas de Pontevedra e Santiago impulsan a suba da incidencia da COVID polo empeoramento na contorna da ría de Arousa

Manuel Rico gaña o XVII Premio José Couso de Liberdade de Prensa, que entrega o Colexio de Xornalistas e o Club de Prensa de Ferrol. Fundador e actual director de investigación de infoLibre, destacou nos últimos meses pola investigación sobre a situación das residencias de maiores durante a pandemia.

• AMPLIAMOS 👉 Manuel Rico gaña o Premio Couso trala súa investigación sobre a xestión das residencias na pandemia

A Pobra do Caramiñal, O Grove e Carballeda de Valdeorras manteranse a partir do venres no nivel máximo de restricións, segundo vén de acordar o Comité Clínico que asesora á Xunta na loita contra a Covid. Monterrei, Cortegada, Padrenda, O Barco de Valdeorras, Rubiá, Barreiros, Carral, Boimorto, Boiro e A Illa de Arousa situaranse no nivel alto e O Irixo, Trabada, Meira, A Pobra do Brollón, Muxía, Cambre, Ortigueira, Ribeira, Meis, Ribadumia, Sanxenxo, Soutomaior, Vilanova de Arousa, As Neves, Gondomar, Vilaboa, Marín e Meaño ficarán no nivel medio. O resto de Galicia quedará no nivel baixo de restricións

• MAPA INTERACTIVO | Consulta aquí o nivel no que estará cada concello a partir do venres e as restricións aplicadas

Persoal galego do BBVA mobilízase contra o ERE que a entidade financeira se dispón a aplicar e que atinxe a uns 3.000 postos de traballo en todo o Estado. Na imaxe, mobilización da CIG en Vigo, este martes.

• Na vila xa non hai banco: a exclusión financeira agrávase en Galicia coa nova vaga de peches de oficinas

Janssen adía a distribución en Europa da súa vacina para a COVID-19, a primeira dunha soa dose que ía chegar á UE e neste marco, tamén a Galicia. Faino despois de que as autoridades dos Estados Unidos confirmasen que estudan 6 casos "raros" de trombos entre as máis de 6,8 millón de persoas que xa recibiron o fármaco nese país. A compañía non detalla non seu comunicado o novo horizonte temporal. O Ministerio de Sanidade tiña previsto comezar a recibila (comezando por 300.000 doses) e distribuíla esta semana. Este mesmo martes, o conselleiro de Sanidade avanzou no Parlamento os plans do Sergas para a administración da vacina. (Imaxe: ©Johnson & Johnson)

• AMPLIAMOS 👉 O atraso na distribución das doses de Janssen engade obstáculos á vacinación en Galicia, que xa chega ao 23,4% da poboación
• Os colexios médicos galegos avalan a seguridade de todas as vacinas aprobadas para a COVID: "Ningún temor, ningunha dúbida"

Os votos do PP frean a comisión de investigación promovida no Parlamento polo BNG sobre os ingresos na 'caixa B' dos populares que, segundo Luis Bárcenas, ex-tesoureiro do partido, procedían de Galicia. Bárcenas sinalara que ata 2 millóns de euros deses ingresos estaban datados en anos nos que Feijóo xa presidía a formación. Na imaxe, Luís Bará (BNG), defendendo a iniciativa no pleno deste martes. (Foto: © Parlamento de Galicia)

• HEMEROTECA | Bárcenas atribúe á contabilidade 'b' 2 millóns en doazóns do PP galego datadas cando Feijóo xa o presidía

As deputadas do PP no Parlamento acoden ao pleno con roupas con estampados de peles de animais. Fano para simbolizar que é "inaceptable o cuestionamento dunha muller pola súa vestimenta", o cal consideran que "fixo o presidente socialista da Deputación de Lugo", José Tomé, ao comentar a apariencia da popular Elena Candia durante a súa participación nunha protesta organizada polos populares ante a sede da institución lucense. Tomé, que pediu desculpas a Candia, cre que que o PP manipulou as súas palabras e resalta que estaba a comparar o acto do PP co asalto trumpista ao Capitolio dos EUA. (Imaxe: PPdeG)

Os profesores galegos Xavier Labandeira e Santiago Lago, catedráticos de Economía e de Economía Aplicada da Universidade de Vigo, elixidos polo Ministerio de Facenda como membros do comité de persoas expertas para a reforma do sistema tributario do Estado. O grupo está conformado por 17 persoas expertas e ten de prazo para formular a súa proposta ata o 28 de febrero de 2022. A composición íntegra pódese consultar nesta ligazón. Na imaxe, o acto de presentación do comité, presidido pola ministra de Facenda, María Jesús Montero.

O Parlamento celebra o 40 aniversario do Estatuto cun discurso do presidente do Tribunal Constitucional e dúas mesas redondas cos actuais directores de seis xornais en papel e tres docentes de Dereito. [Imaxe: Parlamento de Galicia]

• 👉 O Estatuto galego fai corenta anos tras máis dunha década co autogoberno conxelado
• 👉 Neste espazo podes ler as diversas pezas que fomos elaborando polo aniversario do Estatuto