Fálase

O presidente do Parlamento realiza a ofrenda da Casa Real ao Apóstolo na Catedral de Santiago. Á Misa e á parada militar previa acudiu o presidente da Xunta co resto do Goberno galego, entre outros cargos como o delegado do Goberno de España ou o ex-presidente e actual líder estatal do PP, Alberto Núñez Feijóo. Na súa condición de delegado, Santalices foi recibido no Concello de Santiago pola alcaldesa, Goretti Sanmartín, e outros membros da corporación municipal. [Imaxe: CC BY-SA David Cabezón / Xunta]

• CRÓNICA | Dia (...) de Galicia
• A data das Medallas de Galicia avanza que a Xunta seguirá ausente do Día Nacional
• HEMEROTECA | Dous decretos permiten a Feijóo seguir saíndo nas fotos oficiais malia non ser presidente

O Tribunal Europeo de Dereitos Humanos rexeita por unanimidade o recurso da familia de José Couso, o cámara galego asasinado por soldados dos EUA na guerra de Iraq en 2003. Nun ditame feito público este xoves, o TEDH considera que a reforma da xurisdición universal aprobada polo Goberno de Rajoy, que provocou o peche do caso, non vulnerou os dereitos da familia a un xuízo xusto. O despacho de avogacía Red Jurídica, que representa á familia Couso, expresa a súa decepción pero advirte de que "non todo está perdido" xa que "só cómpre vontade política para volver á senda dunha xustiza universal respectuosa cos dereitos humanos". O ditame completo pódese ler nesta ligazón [Imaxe: CC-BY-NC-ND Adolfo Luján]

• HEMEROTECA | O Supremo confirma que o Estado debe indemnizar con 182.000 euros á familia de José Couso por non darlle protección diplomática 
• HEMEROTECA | A Audiencia Nacional acusa o Estado de abandonar a familia de José Couso fronte aos EUA
• HEMEROTECA | A reforma do PP da xustiza universal obriga ao arquivo do caso José Couso

"A depresión é reaccionaria, non nos leva a ningures, di Castelao. Do laio ou do resentimento pouco podemos agardar". O presidente da Real Academia Galega, Víctor Freixanes, apela a unha "alba de esperanza" no Día Nacional de Galicia nunha tribuna divulgada pola institución na que apoia a súa reflexión no histórico discurso Alba de Groria de Castelao. [Imaxe divulgada pola RAG]

• HEMEROTECA | 'Alba de Groria', letra de Castelao para a "festa maior de todos os galegos"

Luís Tosar, Zaza Ceballos e a Academia Galega do Audiovisual recibiron este mércores as Medallas de Ouro de Galicia de mans do presidente da Xunta. Alfonso Rueda sinalou que este recoñecemento é extensivo a todo o sector audiovisual do país e erixiu as persoas e entidades homenaxeadas en "exemplos inspiradores de todo o bo que ten Galicia". Na imaxe Tosar, Ceballos e o presidente da AGA, Álvaro Pérez, xunto ao conselleiro Diego Calvo, na súa calidade de chanceler das Medallas. [Imaxe: CC BY-SA David Cabezón / Xunta]

Falece Sito Sedes, histórico cantante da orquestra Los Satélites e emblema da música popular e da verbena galega. Sedes, considerado discípulo musical de Pucho Boedo, tamén encabezou a Los Tamara para lembralo no disco Carta a un amigo. Na imaxe, Sito Sedes cantando con Los Satélites durante unha homenaxe que recibiu no barrio coruñés de Matogrande en 2021 [© Concello da Coruña]

• OBITUARIO | Sito Sedes, historia de Los Satélites e emblema da música popular galega

Vítimas do accidente de Angrois vólvense manifestar en Santiago once anos despois do sinistro e á espera da primeira sentenza xudicial sobre o caso, que prevén "inminente". Máis información, hoxe en Praza.gal.

• AMPLIAMOS 👉 Vítimas de Angrois alertan en vésperas da sentenza de que "o Estado volveu ao pacto da curva para sinalar o maquinista"
• Undécimo aniversario do accidente de Angrois coa expectativa dunha sentenza inminente

Este mércores comezan as primeiras competicións nos Xogos de París, que se inauguran o venres. A Xunta puxo en marcha de novo o portal Galicia Olímpica, un espazo dixital dedicado a visibilizar os e as deportistas galegas que compiten nos Xogos Olímpicos e Paralímpicos. Unha trintena de deportistas do país participan estes días nas distintas disciplinas, con varias opcións de metais que sumar á nosa lista de medallistas históricos. Imaxe: Nicolas Michaud (CC BY-NC-ND)

Dous falecidos de Vigo e Baiona e un desaparecido de Ribeira, no naufraxio do Argos Georgia, nas Malvinas. Dos seis falecidos no naufraxio do buque palangreiro, había un veciño de Vigo, que resultou ser o patrón de pesca e outro, o cociñeiro, era de Baiona. Un dos sete desaparecidos é de Ribeira, ao igual que tres dos 14 superviventes, segundo informa Europa Press.

• Rescatan unha balsa con 13 superviventes do naufraxio do pesqueiro Argos Georgia, que afundiu nas Malvinas con tripulación galega

Rescatan unha balsa con 13 superviventes do naufraxio do pesqueiro Argos Georgia, que afundiu nas Malvinas con tripulación galega. Entre as persoas rescatadas están o capitán e o xefe de máquinas do barco, ambos os dous de Ribeira. Entre os 27 traballadores había 10 de nacionalidade española e moitos deles galegos, aínda que ata o momento non se puido precisar a cifra exacta. Hai, cando menos, catro mortos.

Rueda xustifica a súa ausencia no Consello da Xunta deste luns para acudir a un acto do PP en Madrid porque o Goberno está "unido" e pode ser "perfectamente substituído". "Xa sei que non pasaba en épocas anteriores do bipartito", di en referencia ao Executivo de PSdeG e BNG entre 2005 e 2009. Ante as críticas de Ana Pontón por faltar á xuntanza do Goberno para acudir ao acto convocado por Feijóo, o presidente agrega que "nos días anteriores" tivo "coñecemento sobre os temas que foron aprobados no Consello", polo que estivo garantida a "coordinación". Na imaxe, Rueda esta mañá en Santiago nun acto de entrega de vehículos a axentes ambientais.

• Feijóo liga inmigración e delincuencia no acto do PP polo que Rueda faltou ao Consello da Xunta