Fálase

Rueda xustifica a súa ausencia no Consello da Xunta deste luns para acudir a un acto do PP en Madrid porque o Goberno está "unido" e pode ser "perfectamente substituído". "Xa sei que non pasaba en épocas anteriores do bipartito", di en referencia ao Executivo de PSdeG e BNG entre 2005 e 2009. Ante as críticas de Ana Pontón por faltar á xuntanza do Goberno para acudir ao acto convocado por Feijóo, o presidente agrega que "nos días anteriores" tivo "coñecemento sobre os temas que foron aprobados no Consello", polo que estivo garantida a "coordinación". Na imaxe, Rueda esta mañá en Santiago nun acto de entrega de vehículos a axentes ambientais.

• Feijóo liga inmigración e delincuencia no acto do PP polo que Rueda faltou ao Consello da Xunta

Bea Seijas e Diego Ríos dirixirán as seleccións absolutas de fútbol sala. A adestradora ferrolá e o adestrador lucense asumen a dirección dos combinados galegos antes dos catro amigables que disputarán ante Catalunya. Os dous primeiros xogaranse en canchas catalás cadrando coa Diada Nacional de Catalunya, o 11 de setembro, e os encontros en Galicia serán "nunha data aínda por determinar durante 2025", segundo informa a Federación Galega de Fútbol. As seleccións absolutas de fútbol sala non xogan dende 2017, no caso do combinado feminino (vitoria por 6-2 ante Catalunya en Santa Isabel); e 2008, o masculino (6-1 para a Irmandiña ante Uruguai na Malata). [Imaxe: © RFGF]

• HEMEROTECA | "O de menos é o resultado": emoción a pé de campo para ver xogar a Irmandiña en Balaídos
• HEMEROTECA | Galicia golea a Catalunya na reestrea da selección feminina ante mil persoas

Dende o mediodía deste luns A Coruña está en situación de emerxencia sanitaria debido á acumulación de lixo nas rúas. A declaración do Concello busca acelerar os trámites para a contratación doutra empresa se faga cargo da recollida ata normalizar a situación. A contratación, que se completará este mércores, esixe das compañías interesadas dispoñer de 13 vehículos cunhas características determinadas e de 32 operarios para 
poder atender á limpeza nos puntos identificados. Unha vez seleccionada a empresa, esta ocuparase da recollida do lixo "de forma inmediata" e cunha duración "indeterminada", ata que se considere que a situación volve a normalidade.

• A Coruña dá un prazo de 72 horas para a solución do conflito do lixo ou contratará de urxencia outra empresa de recollida
• A folga do lixo da Coruña vai camiño dun mes e o sindicato investigado por "rede criminal" pon máis condicións

O xuíz Peinado cita como testemuña a Pedro Sánchez no caso no que investiga á esposa do presidente do Goberno de España, Begoña Gómez, a raíz da denuncia da organización ultra Manos Limpias. Terá que declarar o vindeiro día 30.

• HEMEROTECA | Pedro Sánchez queda e promete a "rexeneración pendente da nosa democracia"
• OPINIÓN | A denuncia de Begoña Gómez por tráfico de influencias. Por Carlos Amoedo

Biden anuncia que non optará á reelección como presidente dos Estados Unidos. “Compañeiros demócratas, decidín non aceptar o nomeamento e concentrar todas as miñas enerxías nos meus deberes como presidente durante o resto do meu mandato. Hoxe quero ofrecer todo o meu apoio e respaldo para que Kamala sexa a candidata do noso partido este ano”, dixo a través da rede social X.

• HEMEROTECA | Joe Biden, elixido novo presidente dos Estados Unidos mentres Trump teima sen probas na tese da fraude

Homenaxe ás vítimas do franquismo e reivindicación da memoria, en San Simón. Centos de persoas reclamaron neste domingo a declaración da Illa de San Simón e o Pazo de Meirás como lugares de memoria democrática.

[Foto: Iniciativa galega pola memoria]

•  Piden iniciar os trámites para que San Simón e Meirás sexan lugares de memoria democrática

Madrugada de colectores incendiados e fachadas afectadas na Coruña. Os bombeiros da Coruña tiveron que extinguir o lume en 16 colectores e un vehículo aparcado; houbo varias fachadas e escaparates afectados no medio da folga do servizos de recollida do lixo, segundo informaron os servizos de emerxencia.

 [Foto: Bombeiros Coruña]

• A Coruña dá un prazo de 72 horas para a solución do conflito do lixo ou contratará de urxencia outra empresa de recollida

Centos de persoas participan nunha foliada reivindicativa contra Altri en Agolada. A música e os berros de “Altri Non” foron os protagonistas da foliada organizada polo colectivo Agolada Viva da Plataforma Ulloa Viva este sábado en Brocos. O acto tivo lugar na zona do encoro de Portodemouros,  quilómetro O da captación de auga que pediu Altri á Xunta de Galicia para a súa macrocelulosa en Palas de Rei.

• Berro masivo contra Altri ás portas da Xunta 
• A UE pon o foco nas augas que quere captar Altri e lembra que a Xunta ten pendentes melloras ambientais
   

O Concello da Coruña presenta, sen o Dépor, a reforma de Riazor para acoller o Mundial 2030. “Nin o Club nin os seus accionistas están dispostos a pór en risco a sustentabilidade do Club para dar resposta a unha aventura da que nunca foron partícipes nin foron consultados para formar parte dela”, di o Dépor nun comunicado.

• Riazor será un dos 11 estadios propostos pola Federación Española de Fútbol para acoller o Mundial 2030

O BNG reclama un plan de fomento do acollemento familiar para os menores migrantes non acompañados.  A deputada Ariadna Fernández critica a falta de sensibilidade do PP e pide destinar máis recursos ao sistema de  protección social para garantir os dereitos das crianzas en acollida.

• Menores migrantes acollidos en Galicia: poucos e co traballo como prioridade
• Feijóo recicla o dobre discurso sobre menores migrantes e retoma a teoría do "efecto chamada"
• HEMEROTECA | O periplo dun menor migrante: "Gustaríame quedar en Marrocos se as cousas fosen como en Galicia, non me tería matado para vir"