Fálase

Gonzalo Caballero confirma que non se presentará ás primarias pola secretaría xeral do PSdeG. A menos de vinte e catro horas de que expire o prazo de presentación de precandidaturas, todo apunta xa a que José Ramón Gómez Besteiro non terá rivais internos para continuar como líder dos socialistas galegos no Congreso Nacional que o partido celebra o vindeiro marzo. Caballero, que liderou a formación de 2017 a  2021, asegura que segue vendo "necesario e inevitable o cambio no PSdeG" pero observa "un tapón" de apoios á "candidatura do aparato".

• Besteiro procura un mandato completo no PSdeG para lograr poñelo "rumbo á Xunta"

Morre Jesús Pérez Varela, responsable de Comunicación e conselleiro de Cultura nos gobernos de Fraga, dende os que foi clave no proxecto da Cidade da Cultura.  [Imaxe: © CCG]

• OBITUARIO | Pérez Varela, arquitecto político da Galicia mediática fraguista e do Gaiás

A burelista Emilly Marcondes, escollida mellor xogadora de fútbol sala do mundo en 2024. A xogadora brasileira do Burela FS foi a gañadora na vixésimo quinta edición dos Jako Futsal Awards, que organiza a publicación Futsal Planet. Xa en 2022 unha xogadora do club mariñao, Patricia González Peque, recibira este premio. Outra xogadora o actual plantel laranxa, Cilene Pereira, tamén o recibiu en 2008, cando xogaba no Jaguaré do Brasil. [Imaxe: © Sabela Blanco / Burela FS]

• HEMEROTECA | O Burela fai cotián o extraordinario: hexacampioas
• HEMEROTECA | O Burela Fútbol Sala ultima o convenio colectivo das xogadoras con axudas á conciliación e á crianza

Alto o fogo en Gaza tras matar Israel unhas 46.000 persoas na Franxa. O acordo entre o Goberno de Netanyahu e Hamas implica a retirada do exército hebreo do territorio e a liberación dos reféns israelís e de prisioneiros palestinos. Na imaxe, un barrio de Gaza destruído polos bombardeos de Israel [CC-BY-SA Al Araby]

• AMPLIAMOS | Israel sela un alto o fogo con Hamás tras desatar un inferno en Oriente Medio con máis de 46.000 vítimas
• HEMEROTECA | Día da saúde mental: "Ser testemuña dun xenocidio non é unha experiencia que ocorra sen transformarnos" 
• HEMEROTECA | "A postura americana é aterradora, a europea incoherente. Ensinarase Gaza como o momento clave do declive moral de Occidente"

O goberno de BNG e Compostela aberta pacta co PSdeG os Orzamentos de Santiago para 2025. Goretti Sanmartín e María Rozas asinan co voceiro municipal socialista, Gonzalo Muíños, o acordo para aprobar unhas contas municipais de case 146 millóns de euros. O gabinete que encabeza Sanmartín agradece o que considera "responsabilidade e altura de miras" do Grupo Socialista "polo ben" da cidade; Muíños vén encadrando esta negociación en que é "o máis útil" para a veciñanza. As contas municipais de 2024 tamén foron froito dun pacto cos socialistas, se ben daquela con protagonismo da Executiva local no acordo [Imaxe: Concello de Santiago]

• Vivenda, servizos sociais e adaptación ao cambio climático, prioridades do goberno de Santiago para 2025 
• HEMEROTECA | A norma que completa o freo a pisos turísticos en Santiago, aprobada co PSdeG malia á orde da dirección do partido
• HEMEROTECA | ENTREVISTA - Goretti Sanmartín: "Temos a responsabilidade de sermos espello de políticas transformadoras que digan: así actúa o BNG"

O xuíz do Supremo cita como imputado o fiscal xeral do Estado no caso das filtracións sobre a parella de Ayuso e ignora os xornalistas que declararon ter acceso aos correos electrónicos investigados antes que Álvaro García Ortiz. A Unión Progresista de Fiscais, que García Ortiz encabezou, denuncia unha "caza de bruxas" nesta operación xudicial [Imaxe: © Pool / Fiscalía Xeral do Estado]

• HEMEROTECA | Raíces galegas no aborrecemento ao fiscal xeral polo PP, que celebra a súa imputación

As oposicións de Educación deste ano terán 1.664 prazas: 1.434 de acceso libre e 230 de promoción interna. O Consello da Xunta abordou este luns un informe sobre a vindeira oferta pública de emprego docente. 

• HEMEROTECA | A comunidade educativa clama contra a falta de profesorado e a "propaganda" do Goberno galego
• HEMEROTECA | Os orzamentos da Xunta volven conxelar o número de docentes, por debaixo das cifras de 2009

Pontevedra botou a andar o Consello das Crianzas, formado por 18 nenos e nenas entre os 10 e 11 anos seleccionados entre os centros escolares da cidade. Durante os vindeiros meses participarán en dúas sesións mensuais co obxectivo de achegar ao Concello as súas demandas e suxestións para mellorar a cidade. O alcalde Miguel Anxo Fernández Lores destacou que Pontevedra "é e debe ser amiga dos nenos e das nenas, un lugar no que poder xogar con liberdade, sentirse seguras e seguros e estar nas rúas sen precisar da vixianza das persoas adultas"

• HEMEROTECA | Francesco Tonucci: "A rúa é perigosa porque non hai nenos nela, está abandonada"

Rematan no Porriño as obras de recuperación do templete de Antonio Palacios, que foi acceso á primeira liña da rede de Metro de Madrid e que se trasladou ao concello natal do arquitecto no ano 1970. O monumento, en cuxa restauración se investiron 260.000 euros, está situado na entrada do Camiño Portugués ao seu paso pola localidade

A Diocese Tui-Vigo permitiu e publicitou unha homenaxe a un cura acusado de pederastia, segundo revela El País. A homenaxe a Manuel Rodríguez Hermelo tivo lugar o 19 de decembro na parroquia de Santa Marta, en Pontevedra, da que foi sacerdote entre 1994 e 2021, e a diocese deu conta dos actos na súa web e redes sociais, publicacións que foron borradas despois da consulta do xornal. O crego está acusado por abuso de menores por un exalumno do Seminario Menor de Tui entre 1969 e 1971, un caso que estaría prescrito para a xustiza.