Fálase

ENQUISAS | Abel Caballero e Inés Rey continuarían nas alcaldías de Vigo e da Coruña tras as eleccións do 28M. Senllas enquisas de Sigma Dos para El Mundo apuntan a que Caballero reeditaría unha nova ampla maioría absoluta para o PSdeG, mantendo os 20 edís e volvendo rozar o 70% dos votos, como en 2019, e indican que na Coruña o PP medraría a costa de Ciudadanos ata chegar a 12 edís, pero o PSdeG podería manter a alcaldía revalidando os 9 edís de 2019 se contase na investidura cos 3 que o inquérito dá ao BNG (ten 2) e cando menos con 2 da Marea Atlántica (tivo 6 hai catro anos) nunha corporación na que UP tería 1 edil. Na imaxe, Rey e Caballero durante unha xuntanza en Vigo en 2021.

• 2019 | Caballero queda só en Vigo tras superarse a si mesmo
• 2019 | O PSdeG supera a Marea Atlántica e poderá gobernar A Coruña

Jonas Vingegaard, gañador d'O Gran Camiño tras impoñerse este domingo na contrarreloxo da tirada final, entre Novo Milladoiro (Ames) e a compostelá Praza do Obradoiro. O danés do equipo Jumbo finaliza a rolda galega con tres triunfos noutras tantas tiradas e como primeiro da clasificación xeral e da montaña. Jesús Herrada (Cofidis) finalizou segundo na clasificación xeral e Rubén Guerreiro (Movistar), terceiro. [Imaxe: © Sprint Cycling / O Gran Camiño)

• O Gran Camiño, algo máis que unha volta ciclista: "un proxecto de país"

Liberada Ana Baneira, a moza coruñesa detida en Irán o pasado novembro durante as protestas pola morte de Mahsa Amini. Así o avanzaron as axencias EFE e Europa Press citando fontes do Ministerio de Exteriores e así o puido confirmar Praza.gal de fontes próximas á familia. Baneira xa se atopa fóra de Irán, en Dubai, e prevese a súa chegada para este mesmo domingo. Máis información, hoxe en Praza.

• AMPLIAMOS 👉 A moza coruñesa detida por Irán, liberada tras máis de tres meses de cativerio

Samsara, de Lois Patiño, premio especial do xurado na Berninale dentro da sección Encounters. O galardón é concedido ex aequo xunto a Orlando, My Political Biography de Paul B. Preciado. 

• O cine galego acada un fito histórico coa estrea de 'Matria' e 'Sica' no Festival de Berlín
• EN VINTE | Lois Patiño retrata a seus pais artistas con música de Jim O'Rourke

O corpo aberto, Valentina, Rapa e La entrega, distinguidas na xuntanza de finalistas dos XXI Mestre Mateo, celebrada este sábado en Allariz. O filme de Ángeles Huerta levou o Premio ABANCA ao impulso da sostibilidade, a fita de animación de Chelo Loureiro o Premio Deleite á promoción da lingua; a serie de Jorge Coira obtivo o Premio Galicia Calidade á promoción exterior e a curtametraxe de Pedro Díaz, o Premio Cafés Candelas á produción máis inspiradora. Os Mestre Mateo entréganse o 11 de marzo en Ourense. [Imaxe: © Aigi Boga]

• 'Rapa' e 'O corpo aberto' dominan as candidaturas finalistas dos Mestre Mateo 

A Consellería de Emprego e Igualdade transfire á de Sanidade os fondos europeos que o Ministerio de Igualdade lle asignou en 2022 para abrir centros de atención 24 horas para vítimas de violencia sexual. A principios do pasado ano a conselleira María Jesús Lorenzana dixera prever que estes centros serían catro, un por provincia, e agora concreta xunto ao de Sanidade, Julio García Comesaña, que se situarán nas áreas sanitarias de Ferrol, Lugo, Santiago e Vigo. Ligalos ao Sergas, defende a Xunta, "facilitará unha mellor coordinación dos servizos na atención de emerxencia ás posibles vítimas de violencia sexual".

• "A lei de liberdade sexual nunca pretendeu castigar máis como obxectivo principal, pretende protexer mellor"
• "É acoso no momento que lle dis que non": medra a violencia sexual ligada ao uso das redes sociais
• HEMEROTECA | Galicia terá catro dos centros de atención 24 horas para vítimas de violencia sexual, financiados cos fondos europeos

A Fiscalía Anticorrupción pide 15 anos de cadea para Jorge Fernández Díaz, ministro do Interior do Goberno Rajoy, por artellar unha trama policial de espionaxe a Luis Bárcenas co obxectivo de roubarlle posibles probas "incriminatorias" contra o PP no caso Gürtel. Información en infoLibre. Na imaxe, Fernández Díaz visitando con Feijóo e Rueda instalacións da Unidade de Policía adscrita á Xunta en 2013.

• HEMEROTECA | A sentenza de Gürtel describe fraude no PP dende a súa fundación
• HEMEROTECA | Pablo Crespo ratifica que repartiu "sobresoldos" no PPdeG con diñeiro negro pero non di a quen por "elegancia"

O alcalde de Samos polo PSdeG non volverá presentarse e o seu fillo, de 25 anos -na imaxe-, será o candidato do PP na vila. Julio Gallego é rexedor da vila lucense dende 2007 e o seu pai, avó do agora candidato do PP, Miguel Gallego, ocupara o cargo nos anos 80 por Coalición Galega. Este venres, o aínda alcalde declara a El Progreso que "agora" se "considera de dereitas". [Imaxe: PP de Lugo]

• O PP escíndese no gran feudo da dereita na montaña de Lugo

Galicia encheuse este xoves de actividades para homenaxear a Rosalía de Castro no seu día. A Fundación que vela polo legado da poeta, a Xunta, deputacións e concellos, centros de ensino e entidades culturais lembrárona en numerosos actos poéticos e musicais que, nalgúns casos, continúan nos vindeiros días. Na imaxe, ofrenda floral na compostelá praza de Vigo, preto do lugar onde naceu Rosalía, no antigo Concello de Conxo.

• Maruxa Villanueva revive como avatar para guiar as visitas virtuais á Casa de Rosalía

Vox confirma a presentación dunha segunda moción de censura contra o Goberno do PSOE e Unidas Podemos. A formación de extrema dereita, que a anunciara o pasado decembro, di prever rexistrala o vindeiro luns co antigo membro do PCE e do CDS Ramón Tamames como candidato. En 2020 xa presentaran unha, daquela co seu líder Santiago Abascal á fronte, e acabara sendo a menos apoiada de todas as formuladas dende a Constitución de 1978 con 298 votos en contra e só 52 a prol, os do propio partido que a formulou. [Imaxe: ©Congreso]