Fálase

Podemos dá por feito que concorrerá con Sumar ás eleccións xerais. "A decisión está tomada", afirma a secretaria xeral do partido, Ione Belarra, despois de que a consulta interna para avalar a dirección na negociación se saldase con 49.089 votos a prol fronte a 3.568 en contra. Non obstante, Belarra reclama que nese "acordo electoral de coalición" non implique a "exclusión" de Irene Montero nas candidaturas, e tamén reclama ao "equipo de Yolanda Díaz" un "acordo xusto" que non implique "inscribir a coalición no último minuto".

• ACTUALIZACIÓN 👉 Sumar e Podemos asinan o acordo para concorreren en coalición ás eleccións xerais

23X | O prazo para remitir o voto por correo nas eleccións xerais queda ampliado ao 20 de xullo, segundo o fixado pola Xunta Electoral Central, que tamén publica este venres no BOE a esixencia de amosar o DNI ou outro documento identificativo oficial (pasaporte, permiso de conducir, tarxeta de residencia ou "calquera outro válido que permita identificar o elector") nesa entrega. Ata agora, só era preciso amosar o carné ao tramitar a solicitude do voto por correo.

• Outro calendario electoral en marcha: voto por correo e sen inauguracións ata despois do 23X

A Xunta Electoral Central acorda esixir o DNI non só para pedir o voto por correo e recibir a documentación, como ata agora, senón tamén no momento de emitilo. Se a persoa non puidera entregar persoalmente a documentación deberá outorgar unha autorización a outra persoa que deberá acompañar con fotocopia do seu documento de identidade.

• Outro calendario electoral en marcha: voto por correo e sen inauguracións ata despois do 23X

Rueda defende a promesa electoral de Feijóo de suprimir o Ministerio de Igualdade e preséntao como “burocracia”. O actual presidente mantén na estrutura da Xunta a Consellería de Promoción do Emprego e Igualdade que conformou o seu antecesor en 2020 aumentando o rango da anterior Secretaría Xeral de Igualdade.

• HEMEROTECA | A Xunta atribúese un programa de conciliación do Ministerio de Igualdade

O galego Alfonso Gómez, investido este mércores como novo alcalde de Xenebra. O político nacido en Corme tomou posesión como rexedor da cidade Suíza e foi felicitado pola Fegamp e por líderes políticos como a nacionalista Ana Pontón ou Inés Rey. Foto: © V. Martínez.

A Coordinadora Galega de ONG para o Desenvolvemento (CGONGD) renovou este mércores a súa Xunta Directiva e escolleu como presidenta a María Paz Gutiérrez, politóloga e directora de Solidariedade Internacional. A nova Xunta Directiva estará integrada por primeira vez por un 80% de mulleres, reflectindo a realidade do sector

O Tribunal Supremo avala 27 de 29 rebaixas de condenas firmes ditaminadas en aplicación da lei de liberdade sexual malia ao criterio contrario da Fiscalía.

• HEMEROTECA | O TSXG conclúe que "cabe a revisión de condenas" coa lei de liberdade sexual caso a caso e só se "favorece o reo"
• HEMEROTECA | "A lei de liberdade sexual nunca pretendeu castigar máis como obxectivo principal, pretende protexer mellor"

Compostela Aberta aproba negociar co BNG a súa entrada no goberno local que encabezará Goretti Sanmartín no Concello de Santiago dende o vindeiro día 17. A asemblea da formación municipalista -na imaxe- deu luz verde a negociar dende este mércores unha posible coalición co Bloque e, "unha vez avancen as negociacións, a coordinadora volverá someter á decisión da asemblea o acordo concreto de goberno, para que sexa ese órgano o que teña a última palabra", detallan.

• O BNG inicia negociacións con PSdeG e Compostela Aberta para facer a Goretti Sanmartín alcaldesa cun goberno "amplo e estable"
• O BNG adianta o PSdeG en Santiago e Goretti Sanmartín pode ser a primeira alcaldesa da cidade

O movemento feminista mobilizouse este luns en vilas e cidades galegas en repulsa polo asasinato de Ana Vanessa Serén en Oia a mans da súa ex-parella. O foco das mobilizacións estivo nos fallos do sistema de protección ás mulleres, toda vez que a muller asasinada denunciara o seu agresor, garda civil de profesión, e estaba á espera de xuízo. Na imaxe, a concentración de Santiago [CC BY-SA Praza.gal]

• A muller asasinada en Oia estaba á espera de xuízo tras denunciar a ex-parella por violencia machista hai dous meses

O buque Ártabro remata a súa misión no Villa de Pitanxo sen achar ningún corpo na zona do naufraxio. As familias das vítimas informaron de que o barco concluíu a misión sen atopar restos dos falecidos.  Foto: ACSM Ships. 

• Da CIAF en Angrois á CIAIM no Pitanxo: as investigacións técnicas 'independentes' de accidentes aínda non o son tanto