Fálase

A Deputación de Pontevedra tamén reclamará a Audasa os atrasos polos catro meses de IBI "non abonados" en 2023 tras a fin do privilexio outorgado polo franquismo á concesionaria da AP-9, que gozaba dun 95% de desconto o imposto. O presidente da institución provincial, Luis López, estimou que a compañía debe ingresar uns 700.000 euros correspondentes aos doce concellos -na imaxe, este xoves nunha xuntanza cos seus alcaldes e alcaldesas- da provincia polos que pasa a autoestrada e teñen a recadación delegada na Deputación.

• Á procura de cobrarlle máis IBI a Audasa tras os primeiros 7 millóns pola fin da exención franquista
• HEMEROTECA | Audasa pasa a pagar 7,5 millóns de IBI, o 9% dos seus beneficios, e non pode compensalo con máis peaxes

Principia a folga nas residencias privadas da terceira idade. A mobilización, convocada pola CIG, tamén atinxe aos centros de día, esténdese ao día 22 deste mes e continuará os días 7 e 21 de maio. As traballadoras reclaman "un convenio digno" que, subliñan, cando menos garanta que todo o persoal chega a cobrar o equivalente ao salario mínimo interprofesional. A protesta pretende tamén facer ver as condicións laborais dun sector "feminizado e esquecido" no que as empresas, acusan, "afondan na explotación laboral, mentres empeora a calidade asistencial ás persoas usuarias". Na imaxe, traballadoras mobilizadas este xoves en Ferrol. [Imaxe: CIG]

• Folga nas residencias privadas: "Imos traballar dopadas ata que rebentamos"

Sirat, de Oliver Laxe, competirá na sección oficial do Festival de Cannes En 2019 o realizador galego logrou o premio do público na sección Un certain regard do prestixioso festival francés con O que arde, o primeiro filme proxectado en galego na historia do festival. Tamé optará á Palma de Ouro o filme Romería, da catalá Carla Simón, rodada en Vigo e a súa contorna.

• HEMEROTECA | 'O que arde' convértese no primeiro filme que se proxecta en galego no Festival de Cannes
• HEMEROTECA | Oliver Laxe: "A miña responsabilidade como cineasta é recordar ao espectador que hai lugar para a inocencia"
• EN VINTE | O que arde. A película-acontecemento que a nosa xeración precisaba
• 📺EN VINTE | Vinte almorzando con Óliver Laxe

Donald Trump anuncia a través dunha mensaxe nas redes sociais unha pausa de 90 días na maioría dos aranceis elevados nos últimos días. Tan só China ficaría fóra desta medida, cuns aranceis, ademais, aumentados ata o 125%.

• Trump sinala a cota para o galego no audiovisual como unha das razóns para impor aranceis a España

Os descontos da AP-53 entran en vigor mañá, xoves 10. O Boletín Oficial do Estado publica o Real Decreto que fai oficiais as bonificacións na autoestrada que une Santiago e Dozón, as primeiras na historia desta vía, semellantes ás que xa rexen na AP-9 como a gratuidade nas viaxes de volta no mesmo día ou un 50% adicional a quen faga 20 desprazamentos ao mes. É unha medida pactada entre o PSOE e o BNG para a investidura de Pedro Sánchez [Imaxe: © Ministerio de Transportes]

• Os descontos na AP-53 comezan "esta semana" e o ministerio calcula que custarán 885 millóns ata a fin da concesión
• HEMEROTECA | Os descontos na AP-53 pactados polo BNG co PSOE estarán activos a comezos de 2025

O Consello de Ministros dá luz verde ao plan de 14.000 millóns para minorar o impacto dos aranceis de Trump. O Goberno de España cualifica o plan de "primeira rede de protección" e "escudo" para "protexer empresas e traballadores". 

• Trump sinala a cota para o galego no audiovisual como unha das razóns para impor aranceis a España
• Os aranceis de Trump terán un impacto "masivo" nas exportacións europeas de 380.000 millóns
• EDITORIAL | O segundo mandato de Donald Trump e Galicia

A UE lanza o seu primeiro paquete de aranceis como resposta aos impostos polos EUA, por valor de 20.000 millóns. Ao tempo, as autoridades comunitarias ofrecen a Trump unha eliminación recíproca de aranceis para bens industriais. Na imaxe, a xuntanza de ministras e ministros de Economía e Comercio da UE, este luns en Luxemburgo [© Consello Europeo]

• Os aranceis de Trump terán un impacto "masivo" nas exportacións europeas de 380.000 millóns

O persoal de Sargadelos poderá volver aos seus postos de traballo, despois de que a dirección da empresa chegase a un acordo coa Consellaría de Emprego que inclúe un compromiso para realizar "un estudo das posibles melloras na protección dos traballadores".  

• AMPLIAMOS 👉 Sargadelos pacta coa Xunta "a maior flexibilidade" nas "posibles melloras" para volver producir en Cervo
• Falan as traballadoras de Sargadelos en Cervo: "Os valores do inicio están desaparecidos"

Teresa Portela renuncia á competición por diferenzas coa Federación Española de Piragüismo. A padexeira galega, participante nos últimos sete Xogos Olímpicos, entende que foi tratada con desprezo ao situar o centro de operacións en Sevilla e non facilitar as mínimas condicións de adestramento necesarias.

📺VÍDEO | A campaña pola normalización do topónimo do Deportivo chegou este domingo a Riazor, onde a iniciativa 'Aquí tamén se fala' repartiu 15.000 adhesivos co lema "O Dépor é da Coruña". 

• "O Dépor é da Coruña": 'Aquí tamén se fala' aprema o club a usar o topónimo oficial nunha ambiciosa campaña