Fálase

Seguimento "masivo" da primeira xornada de folga das traballadoras e traballadores das escolas infantís privadas ou de xestión indirecta –na etapa de 0 a 3 anos– para reclamar un convenio "digno" e uns salarios "xustos". A CIG confirma que de non producirse avances significativos a folga continuará o día 25 e os días 8 e 15 de novembro. A Coruña e Vigo acolleron concentracións de traballadoras para denunciar o "bloqueo patronal á negociación" dun convenio no que as táboas xa quedaron por debaixo do Salario Mínimo Interprofesional. [Fotografía deste xoves en Vigo CC-BY-SA CIG]

• Convocan catro días de folga no ensino infantil de 0 a 3 anos pola mellora dos salarios e do convenio colectivo

A Xunta activa no litoral da Coruña e Lugo a alerta vermella por temporal na costa, con ondas que poden chegar aos 10 metros. No resto do litoral galego a alerta será laranxa. Tamén se activa esta medianoite a alerta laranxa por vento no noroeste da Coruña e na Mariña de Lugo, con refachos que poden chegar aos 100 km/h, segundo as previsións de AEMET.

A Audiencia Provincial de Madrid reabre o Caso Jimmy e sinala a varios ultras do Atlético. O 2014 o seareiro do Deportivo Francisco Javier Romero Taboada, Jimmy, morreu nunha pelexa con afeccionados do equipo madrileño, pero o xulgado de instrución pechou a investigación hai anos sen imputados nin procesados.

• O xuíz pecha a instrución do caso Jimmy sen identificar ningún culpable
• Riazor e o Deportivo claman contra a "impunidade" polo asasinato de Jimmy

José Ramón Gómez Besteiro entregou na sede do PSdeG os avais necesarios para concorrer ao proceso de primarias do partido, despois de recibir o apoio de "case 3.000" militantes da formación.

• AMPLIAMOS | Besteiro será o candidato do PSdeG á Xunta nas vindeiras eleccións galegas

Aberto o prazo para votar pola candidatura galega no AI Song Contest 2023, a ‘Eurovision’ da Intelixencia Artificial. O público, que supón o 50% do resultado final, pode votar gratuitamente pola proposta de Galicia, que homenaxea a Ana Kiro, do 15 ao 30 de outubro a través de: votaanakiro.gal

• "A familia de Ana Kiro está emocionada porque a senten de volta grazas á intelixencia artificial"
• A voz de Ana Kiro revive da man da intelixencia artificial para representar Galicia no AI Song Contest con 'Florespiña'
• A Coruña acolle o Eurovisión das cancións compostas por intelixencia artificial

Toda a poboación galega que teña entre 65 e 79 anos e que acuda a recibir a vacina fronte a gripe como parte da campaña anual que se porá en marcha nos grandes recintos de vacinación, situados en todas as áreas sanitarias de Galicia, poderá participar no ensaio GALFLU, desenvolvido entre a Consellería de Sanidade e investigadores do Grupo de Xenética, Vacinas e enfermidades infecciosas do Instituto de Investigación Sanitaria de Santiago. O estudo quere comprobar se a versión da vacina de alta carga da gripe –que xa se emprega en maiores de 80 anos– é igualmente beneficiosa neste grupo poboacional. 

MeteoGalicia estrea nova web. O departamento meteorolóxico da Xunta, que di rexistrar máis de 7.000 usuarios diarios, mellorou diversos visores da súa páxina.

A Xunta rectifica e fará unha nova avaliación ambiental da Rolda Leste de Lugo. O proxecto que o Goberno galego retomou a comezos deste ano podería afectar no seu último treito ao paseo ou cinto verde a carón do río Rato.

• HEMEROTECA (31/1/202) | Cinto verde ou de asfalto: o impacto dunha prometida autovía da Xunta na ribeira do río Rato axita a precampaña en Lugo

A Policía Nacional ten en marcha unha operación contra unha organización criminal ligada ao nazismo e o supremacismo branco con intervencións en municipios de Lugo, Madrid ou Catalunya. Segundo as forzas policiais, Combat 18 está vinculada ao "nacional socialismo".

Os Premios da Cultura Galega 2023 premian a poeta Yolanda Castaño, o historiador Eduardo Pardo de Guevara y Valdés, a produtora audiovisual Portocabo, a iniciativa Ponte...nas Ondas! e a compañía PistaCatro. A Xunta distingue con estes galardóns "a excelencia creativa, a capacidade de intercambio, a experimentación e a proxección do panorama cultural" galego, así como "o compromiso de proxectos, traxectorias e iniciativas que enriquecen a realidade e identidade cultural de Galicia". 

• Letras:  Yolanda Castaño
• Artes Visuais: Museo do Gravado á Estampa Dixital de Artes (Ribeira)
• Artes Escénicas: PistaCatro
• Música: Banda de Música Unión de Guláns (Ponteareas)
• Audiovisual: Portocabo
• Lingua: Ponte...nas Ondas!
• Patrimonio Cultural: Eduardo Pardo de Guevara y Valdés
• Proxección Exterior: Cursos de verán Galego sen fronteiras