Fálase

O 2 de marzo de 1856 tivo lugar o Banquete de Conxo, no que un grupo de estudantes (procedentes na súa maioría das clases acomodadas) serviron a comida a artesáns, compartindo pan e mesa cos integrantes da clase traballadora. Foi un encontro de confraternización organizado entre outros por Luís Rodríguez Seoane e no que participaron Aurelio Aguirre ou Eduardo Pondal. Os tres leron un discurso (un brinde) ao seu remate. Nos últimos anos Santiago vén acollendo no mes de maio a Festa do Banquete, que lembra aquela xuntanza na mesma carballeira.

• Os últimos carballos do Banquete de Conxo
• Banquete de Conxo: Celebrando a confraternización como símbolo
• A plantación de cen mil árbores autóctonas acompaña o carballo do Banquete de Conxo na súa carreira para ser Árbore Europea do ano

O xeneral pontevedrés Antonio Budiño Carballo -na reserva dende 2018-, que encabezou a lista de VOX pola provincia nas eleccións xerais de 2019, figura entre os asinantes do manifesto da Plataforma 2025, que busca "reivindicar o legado de Francisco Franco", nunha conmemoración do 50 cabodano do ditador alternativa á impulsada polo Goberno central, crítica coa ditadura. O manifesto ultra, que destaca que Franco "salvou a España dunha revolución socialista armada dirixida polo PSOE" ou que "propiciou a verdadeira reconciliación entre os españois", está asinado por máis de 40 militares retirados.

O guatemalteco Sergio Chumil (Burgos Burpellet) imponse na etapa raíña de O Gran Camiño entre A Pobra do Brollón e O Cebreiro. Nun axustadísimo sprint superou o canadiano Derek Gee (Israel-Premier Tech), que consolida o seu liderado. Este domingo remata a carreira cunha quinta etapa entre Betanzos e Santiago que contará cun interesante circuito final con varios treitos de sterrato, que podes ver debullados nesta exclusiva ducia. Imaxe: @SprintCycling

• Unha ducia de 'sterrato' (corredoiras) para os ciclistas de O Gran Camiño
• ENTREVISTA | Ezequiel Mosquera: "En Galicia temos territorio para dar espectáculo, non vai haber nunca no Gran Camiño etapas aburridas"

Morre a alcaldesa de Lugo, Paula Alvarellos, despois de sufrir un infarto na tarde deste venres. A rexedora tivo que ser trasladada, primeiro ao HULA e despois ao CHUAC da Coruña, cando ía asistir ao pregón do Entroido na Praza Maior. O seu estado era estable no momento do traslado, pero empeorou a medida que pasaban as horas e o seu falecemento foi confirmado esta mañá.

• OBITUARIO | Paula Alvarellos, a avogada que nun só ano deixou pegada como alcaldesa de Lugo

Cos pés na terra, Bibopalula e Clanes, premios especiais dos XXIII Premios Mestre Mateo. Os galardóns entregáronse durante a xuntanza de finalistas desta edición, que se celebrou no serán deste venres en Pontevedra. Bibopalula fíxose co Premio Deleite á promoción da lingua "por ofrecer a unha nova xeración de nenos e nenas a posibilidade de desfrutar dunha serie de animación feita na nosa lingua". Clanes gañou o Premio Martín Códax Rías Baixas, Fillo do Atlántico "pola autenticidade e espectacularidade coa que se retrata a riqueza paisaxística da comarca do Salnés". O Premio ABANCA ao impulso da sostibilidade foi para o programa Cos pés na terra.

• 'Rapa', 'As Neves', '+Cuñados' e 'Honeymoon' encabezan as candidaturas duns Mestre Mateo que saen das cidades
• Chega 'Bibopalula', a primeira serie musical de animación en galego para os fillos e fillas da Xeración Xabarín

O Papa Francisco sofre un "empeoramento repentino" respiratorio tras unha crise de broncoespasmo, segundo o comunicado médico no seu 15º día de hospitalización. Foto: CC BY-SA Juantenaphoto

📺Trump despreza a Zelenski na Casa Branca: "Estás xogando coa Terceira Guerra Mundial". O presidente dos EUA protagonizou unha tensa conversa co seu homólogo ucraíno ante as cámaras. 

Mondra estrea o pícaro pasodobre vale máis un canciño, que canta acompañado de múltiples instrumentistas e parte do alumnado infantil das asociacións AC Peis d’Hos (Cangas do Morrazo) e da ACF Tarambainas (Vigo), como adianto do que será o seu terceiro álbum, que verá a luz no mes de maio tras o éxito de ARDĒN. 

• ENTREVISTA | Mondra: "ARDĒN' é unha celebración da xente nova porque somos válidas e porque sen nós non hai futuro"

Touriño asina en apoio dos concelleiros de Santiago expulsados polo PSdeG, segundo avanza Europa Press na súa web. O ex-presidente suma a súa sinatura a outro medio cento de persoas do ámbito político, académico ou empresarial en contra da expulsión de Gonzalo Muíños, Mercedes Rosón, Mila Castro e Marta Álvarez.

• O PSOE expulsa catro dos seus seis edís en Santiago

O Baxi Ferrol fai historia e está xa nas semifinais da Eurocopa. O equipo ferrolán supera 89-70 o Sassari na volta dos cuartos de final nun pavillón da Malata ateigado con 3.500 persoas. Foto: FEB