Fálase

A Audiencia Provincial da Coruña desestima os recursos de apelación da Fundación Francisco Franco e a familia do ditador contra a decisión do Xulgado de Betanzos de arquivar a causa aberta contra as persoas que ocuparon simbolicamente o Pazo de Meirás no ano 2017, os autodenominados '19 de Meirás', maioritariamente militantes do BNG. A Audiencia destaca que non pode haber 'delito de odio' polo feito de "empolicarse a unha das soberbias torres do Pazo de Meirás e exhibir unha pancarta reivindicativa da titularidade pública dese Ben de Interese Cultural nun converxente contexto social de reclamación por parte da cidadanía". Tamén descarta o delito de violación de morada, xa que o inmoble estaba en horas de apertura a visitas guiadas

A actual vicepresidenta e ex-presidenta arxentina Cristina Fernández de Kirchner é condenada a seis anos de cadea por administración fraudulenta en obras públicas. A política peronista tamén é inhabilitada a perpetuidade para cargo público pero poderá recorrer. O fallo absólvea do cargo de asociación ilícita polo que tamén era acusada. [Imaxe: Casa Rosada]

O Goberno de Isabel Díaz Ayuso critica que coa elección de “La Coruña” como sede da Axencia de Intelixencia Artificial Pedro Sánchez “volveu traizoar a Madrid”. O vicepresidente e portavoz da Comunidad de Madrid, Enrique Ossorio, considera que coa designación da Coruña e Sevilla para as dúas novas axencias inténtase “cortar o crecemento” da capital do Estado.

• Parabéns de Rueda, Pontón e Formoso á Coruña por lograr a sede da AESIA para Galicia

#AESIA A Axencia Española de Intelixencia Artificial estará na Coruña. Así o vén de aprobar o Consello de Ministros

• AMPLIAMOS 👉 A Coruña consegue para Galicia a sede da Axencia Estatal de Intelixencia artificial
• HEMEROTECA | A Xunta elixe A Coruña como candidata á sede da Axencia de Intelixencia Artificial

O DOG publica o decreto polo que a Xunta pagará 206 euros como complemento anual das pensións non contributivas, mesma contía desde 2011 que non subirá ata o próximo ano aos 220,50 euros.

• Rueda sobe 14,50 euros ao ano o complemento das pensións creado por Touriño e Quintana que Feijóo quixo eliminar

Veciñanza lucense de orixe colombiana concéntrase en repulsa polo asasinato de Cristina Cabo. Á concentración sumáronse membros da corporación municipal encabezados pola alcaldesa, Lara Méndez,  que insta a "non estigmatizar" unha comunidade "integrada na sociedade lucense e que forma parte de maneira activa e positiva na vida da cidade" polo feito de que o asasino confeso, chegado a Lugo pouco antes do crime, fose desta nacionalidade.

• A Policía considera o único detido polo asasinato de Cristina Cabo en Lugo seguro autor do crime e pecha o caso

A pasada noite foi xélida en gran parte de Galicia, especialmente en áreas do interior, con ata -7,7 graos en Calvos de Randín, segundo os rexistros de Meteogalicia. Para este domingo, prevénse "algúns chuvascos illados e ocasionais, máis probables na metade sur durante a tarde e na metade oeste pola noite" e as temperaturas "permanecerán sen cambios significativos", di o prognóstico.

Dependentas de Inditex na provincia da Coruña acordan volver á folga na véspera de Noiteboa, o vindeiro día 23, tras o primeiro paro do pasado 25 de novembro, cadrando co black friday (na imaxe). A principal reivindicación, subliña a CIG, segue sendo "un incremento progresivo dos seus soldos que en tres anos acade os 440 euros ao mes, pero a empresa limita esta suba a un total de 182,93 en 2024 malia rexistrar beneficios milmillonarios"

• "Se non me queixo, róubanme os de Arteixo": as dependentas de Inditex inician a folga con "éxito de seguimento"
• Dependentas de Inditex na Coruña, á folga do 'black friday'

O pleno de Frades, con maioría absoluta do PP (7 edís) aproba por unanimidade unha moción do PSdeG (3 edís) para instar a Xunta a cubrir os postos dos médicos titulares no Concello cando non poidan acudir a prestar servizo e mais a restablecer o servizo de pediatría, actualmente centralizado en Ordes. A iniciativa tivo o apoio do grupo do goberno, do propoñente e mais do BNG (1 edil). O PP local asegura "sumarse ás queixas polo servizo" pero matiza que  "estamos falando dun problema" de todo o Estado que consiste en "que non hai médicos, non que falten cartos".

• A Xunta leva concedidas 89 compatibilidades a persoal médico do Sergas para traballar na privada no que vai de 2022
• Máis facilidades ao persoal médico que vai á privada e menos centros de saúde, opcións da Xunta para frear a protesta sanitaria

O PP aproba, cos votos en contra de BNG e PSdeG, que o Parlamento inste a Xunta a reclamar a Pedro Sánchez "non levar a cabo ningunha modificación do Código penal que supoña derrogar o delito de sedición" e "ratificar" o artigo da Constitución relativo á unidade de España.

• Pode a reforma do delito de sedición criminalizar aínda máis a protesta social?
• Feijóo rompe a última hora: do Estatuto e o decreto do galego ao Poder Xudicial