Fálase

A USC elixe este xoves a primeira reitora da súa historia entre as candidatas: Rosa Crujeiras, Maite Flores, María José López Couso e Alba Nogueira. A xornada electoral, con votación electrónica, comezou ás nove da mañá e rematará ás seis da tarde, con información sobre a participación ás 12 e ás 16 horas. Os resultados finais poderán consultarse nesta ligazón, unha vez finalizado o escrutinio. No caso de que ningunha candidata supere o 50% dos votos o 11 de marzo celebrarase unha segunda volta entre as dúas con máis apoios. Nos comicios tamén se elixen representantes no claustro universitario, xuntas de centro e consellos de departamento.

• Comeza a carreira electoral na USC: catro candidatas para un Reitorado

Jácome expresa o seu desexo de que o PP opte por Ana Vázquez Blanco como candidata á alcaldía de Ourense. Ante unha información a respecto de que "sectores do PP" promoven a candidatura de quen é deputada no Congreso dende o ano 2000, o actual alcalde ourensán saúda cun "oxalá" a posibilidade de enfrontarse nas urnas de 2027 a quen "conseguiu cero euros para Ourense". Na imaxe, Vázquez votando nunhas eleccións xerais en Bande, concello onde foi alcaldesa.

• 🔊HEMEROTECA | PODCAST - Fálase: Anatomía do de Ourense
• HEMEROTECA | O acordo PP-PSdeG e a promesa de Rueda que romperon os populares para volver pactar con Jácome

📩Socias e socios de Praza, tedes un correo❗️

🤗 Faite de Praza dende 5€/mes

‼️ Ata o 80% devólvencho na declaración da renda: 

Por exemplo:

• ↪️Cota de 10€/mes
• ✅Gasto real de 2€/mes

A Xunta anuncia que os informes técnicos confirman que as fortes chuvias foron a principal causa do derrubamento na mina do Monte Neme. A conselleira de Economía e Industria, María Jesús Lorenzana, nega que as probas de bombeo de auga dos días previos fosen as causantes do sinistro. 

• O foco volve ao Monte Neme tras outro vertido e máis dunha década á espera da restauración

A Xunta eleva a vermella a alerta no litoral do noroeste da Coruña desde a tardiña deste mércores, por forte vento, grandes ondas e risco extremo, e mantén o nivel laranxa no resto da costa galega. As actividades escolares no exterior están prohibidas no noroeste da Coruña, na Mariña e no interior de Pontevedra. 

Cortado un carril da autovía do Morrazo logo do deslizamento de terras sobre unha vivenda en Moaña. O derrubamento, que feriu un home, produciuse por mor das fortes e continuadas chuvias nos recentes temporais, segundo indica a Xunta. 

• As fortes choivas derruban unha parte do lenzo interior da Muralla de Lugo
• Peores incendios e temporais, máis eucalipto e menos marisco: a crise climática que xa afronta Galicia

A Xunta suspende este mércores a actividade escolar no exterior por alerta laranxa no noroeste da Coruña, no interior de Pontevedra e na Mariña. O aviso é por chuvia acumulada na provincia pontevedresa e por vento nas outras dúas zonas. Meteogalicia advirte de alerta vermella o vindeiro xoves en toda a costa coruñesa por ondas de máis de oito metros. 

O conselleiro de Sanidade anuncia a creación de dous grupos de traballo para levar a cabo unha reforma da atención primaria logo de seis anos de negociacións con centos de expertos para o mesmo obxectivo. Desde 2019, un consello técnico traballa nun novo modelo e ten listas as conclusións, que aínda non son públicas.

• O Sergas negocia hai seis anos con centos de expertos a nova Primaria que agora promete para frear as folgas

Falece aos 80 anos Gonzalo Rei Chao, veterano actor de teatro, televisión, cinema e dobraxe. Cunha dilatada traxectoria escénica, o intérprete acadou notable popularidade por papeis coma o de don Crisanto na serie Padre Casares -na imaxe- ou por ser a voz do Mestre Mutenroi n'As bólas máxicas. [Imaxe: © CSAG]

Dolores Fernández Galiño, reelixida como Valedora do Pobo cos votos a prol de PP e BNG e a abstención do PSdeG. O Bloque proporá o nome da persoa que exerza como adxunto ou adxunta. Galiño exerce como Valedora do Pobo dende 2019 e a súa reelección foi activada tras manter o PP vacante o cargo durante 16 meses. É a primeira titular do alto comisionado que non dimite en dúas décadas. Na imaxe, a Valedora durante o pleno que esta mañá ratificou a súa reelección [© Parlamento de Galicia]

• HEMEROTECA | O PP quere que siga a actual Valedora do Pobo e ofrece ao BNG propoñer o cargo adxunto
• HEMEROTECA | Vacante o cargo da Valedora, primeira que non dimite en dúas décadas
• HEMEROTECA | Eivas en dependencia, listas de espera e falta de pediatras encabezan o récord de queixas á Valedora
• HEMEROTECA | A Xunta retira á Valedora o control da Lei de Transparencia