David Lombao

Noriega asegura que se segue a gobernar na capital galega, a municipalización da auga "ten que materializarse no primeiro tramo do mandato". Bugallo ratifica que esta municipalización "non é unha aspiración do Grupo Socialista" e Compostela Aberta resalta a postura a prol do alcalde de Valladolid, membro da Executiva do PSOE, que recuperou a xestión directa deste servizo

A actual alcaldesa de Lugo concorre por primeira vez ás municipais como cabeza de lista do PSdeG. Tras un mandato "apaixonante" pero "complexo, pola febleza numérica" asegura ver o electorado "moi receptivo", pero tamén apela á mobilización para evitar unha sorpresa da dereita no reconto do 26 de maio e poder continuar nun goberno que, lamenta, nunca atopa "colaboración" na Xunta

A fin da primacía absoluta dos populares na Deputación ourensá é posible por primeira vez en dúas décadas. Así o aposta a oposición e así o teme o PP, especialmente tras os resultados das xerais. O resultado do partido xudicial no que se encadra a cidade de Ourense será clave e os eventuais escenarios van dende posibles negociacións con DO ou C's ata unha maioría alternativa

Feijóo láiase nun acto de campaña de que o treito central da A-54, de Melide a Palas, non vaia estar rematado para o Xacobeo 2021 aínda que os contratos adxudicados polo Goberno de Rajoy xa situaban o remate entre finais de 2022 e comezos de 2023

O órgano fiscalizador confirma que ten en marcha un "procedemento de reintegro por alcance por presuntas irregularidades contables" en contratos do porto exterior reflectidos nas súas contas de 2012, 2013 e 2014

Tras o comezo marcado polo falecemento de Rubalcaba, a campaña fica este luns definitivamente lanzada ao ritmo das enquisas da fin de semana, que debuxan o que sería un cambio inédito na historia recente da Galicia urbana. A cuestión da alternancia xa non se dirimiría principalmente entre o PP e unha ou varias forzas da esquerda

Rubalcaba ocupou practicamente todos os postos de relevancia do Estado agás o de presidente do Goberno de España; como vicepresidente e ministro do Interior foi peza clave nos contactos que culminaron no alto ao fogo de ETA

Feijóo proclama a necesidade de "unir o voto" na capital galega porque "só hai dúas opcións, a de Martiño Noriega ou a de Agustín Hernández". O líder do PPdeG advirte de que en Andalucía "non hai un goberno con Vox", senón un "pacto moi concreto" coa formación de extrema dereita para "un goberno alternativo". "Eu creo que por aí imos seguir", admite

As das municipais de 2015 e xerais de 2019 foron as dúas noites electorais máis agres para o PP galego dende que Feijóo preside a Xunta. Os triunfos da esquerda nesas dúas citas poranse a proba o 26M. O eventual ascenso do PSdeG, os concellos gobernados polas mareas e o intento dos populares por recuperar poder local son algúns dos principais focos de atención destas eleccións en Galicia

Recursos como os formulados polo PP e C's contra a candidatura de Puigdemont están a atrasar o envío da documentación para votar por correo. Agás ampliacións de última hora o prazo para enviar as papeletas finaliza catro días antes das eleccións, o 22 de maio

O Parlamento aproba cos votos do PP a recolocación de fondos para proxectos como obras en colexios e centros de saúde. Antes estaban destinados a débeda de entidades dependentes da Xunta que agora será pagada con fondos do superávit da Administración. En Marea, PSdeG e BNG ven na operación un exercicio electoralista e a confirmación dos efectos dos recortes sociais que sinalan dende hai anos

As mensaxes de Casado antes das xerais, ofrecendo a Vox un goberno conxunto, deixaron un pouso que os populares galegos tentan esquivar antes das municipais do 26M. Cargos do PSdeG como Gonzalo Caballero ou a alcaldesa de Lugo, Lara Méndez, amósanse convencidos de que os populares formarán maiorías con Vox se poden e comprométense a "traballar para que non sexa así"