- Datos O futuro do galego
- Acontece
A quebra na transmisión xeracional do galego certifica a importancia da poboación neofalante no futuro da lingua
Segundo o IGE, apenas o 18% dos nenos e nenas de 5 a 14 anos deu as primeiras palabras en lingua galega e tras décadas de devalo, entre menores de 40 son minoría as persoas ás que, durante a infancia, pais e nais lles falaban só ou maioritariamente en galego
O Estado aproba 300 millóns pendentes para Galicia pero aínda non compensa os 200 da reforma do IVE de Rajoy
A ministra mantén que agora pode esquivar os "impedimentos legais" para ingresar ás autonomías as entregas a conta porque, ao haber novas eleccións xerais, o pagamento "xa non pode afectar á actuación orzamentaria do Executivo entrante" en 2019
A Audiencia adía a súa resolución sobre Angrois polo testemuño do mecánico que denuncia borrado de datos
A plataforma de vítimas pediu a suspensión da deliberación da Audiencia sobre os recursos á fin da instrución, prevista para este 11 de outubro, e o tribunal concede tres días para que as partes fixen posición. O ex-mecánico de Talgo afirma que revisou o Alvia e detectou "diferentes avarías" que a empresa ordenou "borrar" do sistema informático tras o sinistro; a compañía négao e anuncia accións legais
As educadoras sociais alertan dos riscos de que a Xunta incorpore á profesión persoal doutras titulacións
A orde na que traballa a Xunta para convocar as oposicións de educación social abre a convocatoria a persoal "con título de mestre" de Educación Primaria e a áreas como a Psicoloxía, a Psicopedagoxía ou "ramas de ciencias sociais e xurídicas ou da saúde" equivalentes. O Colexio de Educadoras prepara mobilizacións para este 14 de outubro
Vítimas de Angrois piden que o xuíz interrogue un mecánico que denuncia borrado de datos no Alvia do accidente
Nunha declaración xurada, un mecánico de Talgo afirma que revisou o Alvia horas antes do accidente e detectou nel "diferentes avarías", pero apenas "media hora" despois do descarrilamento "varios directivos deron a orde taxativa de borralas" do sistema informático. A compañía nega as acusacións e anuncia accións legais contra o operario que, subliña, foi despedido o pasado maio
Só tres deputadas electas en abril non recuncan nas candidaturas galegas ao Congreso do 10N
O traslado de Ana Pastor ás listas do PP en Madrid, a concorrencia de Más País, a renuncia de En Marea a presentar candidaturas e o pacto do BNG con CxG, principais novidades nas candidaturas galegas ao Congreso para o 10N. A que foi primeira forza, o PSdeG, mantén as súas catro cabezas de cartel
Galicia sofre quince veces máis desafiuzamentos en vivendas de alugueiro que ocupacións ilegais de pisos
No segundo trimestre de 2019 os xulgados galegos practicaron 657 desafiuzamentos, tres de cada catro por impagamentos do aluguer. No mesmo período rexistraron 32 demandas por ocupacións ilegais, un número semellante ao dos tres meses previos
O BNG incorporará un membro de Compromiso por Galicia en cada lista para as xerais do 10N
Ana Pontón e Juan Carlos Piñeiro subliñan que, dende as "lexítimas diferenzas ideolóxicas", BNG e CxG coinciden en "non estar subordinadas a ningunha outra forza estatal". Para a líder do Bloque, que CxG vaia pedir o voto para o BNG "pon o foco no obxectivo de garantir que Galiza recupere representación propia en Madrid"
Preconcurso de acredores no emblema das promesas de Feijóo sobre Pemex
Os acordos solemnizados por Feijóo con Pemex no ano electoral de 2012 chegaron a roldar a vintena de barcos; finalmente a encarga de dous buques e a entrada no accionariado de Barreras foron as consecuencias máis tanxibles
Suspendido o ex-fiscal xefe de Ourense por atrancar unha denuncia contra un ex-alcalde do PP na cidade
A Fiscalía do Estado conclúe que Florentino Delgado cometeu abuso de autoridade contra a ex-concelleira do PSdeG Áurea Soto, denunciante das presuntas irregularidades urbanísticas do goberno do PP que dirixía Manuel Cabezas
Mexillóns e viños, entre os produtos galegos máis expostos aos novos aranceis de Trump
Atendendo á lista divulgada polo Goberno dos Estados Unidos, os novos aranceis afectarían no caso galego a exportacións que acadan uns 30 millóns de euros anuais
Povisa asina a venda a Ribera Salud e 134.000 pacientes do Sergas dependerán dunha multinacional estadounidense
O Grupo Nosa Terra XXI vende o 93% do hospital vigués a Ribera Salud, que fora ferramenta do antigo goberno valenciano do PP para erguer o seu modelo de sanidade de xestión privada. A compañía está controlada pola americana Centene Corporation dende que o Banco Sabadell vendeu a maioría das súas accións