- Datos Escola pública
- Acontece
O número de aulas pechadas polo coronavirus en Galicia medra de 35 a 50, con 179 positivos
Os casos detectados afectan a un total de 139 centros en toda Galicia, correspondentes a 58 concellos. Consulta no interior a información detallada, centro a centro.
A Xunta muda o protocolo para a Covid no ensino tras dúas semanas de clases en Primaria e coincidindo coa volta dos institutos
O texto incorpora as recomendacións pactadas co Estado a finais de agosto, hai 25 días. Nunha nova xornadas de folga convocada polos sindicatos educativos, cidades e vilas galegas acolleron concentracións de protesta para demandar da Consellaría de Educación máis recursos e profesorado para unha volta segura ás aulas
Prohibida a navegación de veleiros entre Cabo Prioriño e Estaca de Bares polas "insólitas" interaccións das candorcas
Os expertos e expertas que participaron nunha conferencia organizada por CEMMA destacan que non hai precedentes para o comportamento que están amosando estes animais, pero pediron tranquilidade a navegantes e cautela aos medios. Dende agosto houbo 29 contactos con candorcas en Galicia: 13 foron avistamentos e 16 interaccións. O 20% tivo como consecuencia que o veleiro deixase de navegar
O Macizo Central Ourensán: lume sobre lume nun grupo de parroquias que arden cada poucos anos
Fernando Rodríguez afondou no seu Traballo de Fin de Grao en Enxeñaría Forestal pola UVigo nas características dos incendios nesta zona, que a pasada semana volveu arder. Os incendios afectaron a varias das parroquias máis arrasadas dende o ano 2001..
- Datos Coronavirus
- Acontece
Galicia segue detectando uns 230 novos positivos diarios da COVID-19, con casos en ascenso en Pontevedra e Vigo
Nas últimas 24 horas foron 221 as novas infeccións detectadas, aínda que a situación hospitalaria mantense estabilizada, cun 3% das camas ocupadas con pacientes de coronavirus. A área sanitaria de Pontevedra rexistra a maior incidencia da enfermidade no noso país.
A vacinación contra a gripe: outra forma de previr os efectos do coronavirus
A campaña de vacinación comezará o 12 de outubro e terá unha duración de 12 semanas. A Xunta anuncia que "redobrará os esforzos" para conseguir unha cobertura superior ao 75% entre a poboación maior de 65 anos, entre a que o pasado ano se vacinou un 60%. Quérese evitar unha maior saturación do sistema sanitario e que a influenza empeore ou enmascare os síntomas da Covid-19
- Reportaxe Escola pública
- Acontece
As escolas rurais: un modelo educativo que gaña atractivo no medio da pandemia
Nos últimos 15 anos máis de 200 escolas unitarias pecharon en Galicia. Porén, moitos docentes sinalan un incremento do interese das familias coincidindo coa situación xerada polo coronavirus. Falamos con Rosa Barreiro e Ángel Segovia sobre as características destes centros, marcados polo contacto coa natureza, as comunidades educativas sólidas e o traballo en grupo.
- Datos Coronavirus
- Acontece
Os casos activos de coronavirus duplicáronse na área de Pontevedra nas últimas dúas semanas
A situación no resto de Galicia é estable, aínda que Ourense e Vigo tamén están a incrementar os seus contaxios. No último día rexistráronse 223 novas infeccións e 5 novos falecementos, pero a incidencia acumulada é inferior á do inicio de setembro e tampouco aumentan as hospitalizacións
A primeira semana de clase en Infantil e Primaria deixa 96 positivos e un colexio e 27 aulas pechadas
Pontevedra e A Coruña son os concellos máis afectados, por diante de Ourense e Compostela, aínda que un total de 39 localidades detectaron algún caso nos seus centros de ensino. A Xunta anuncia que a partir de agora informará diariamente dos contaxios e peches. Consulta a relación completa de casos e peches, concello a concello
- Entrevista | Alfredo López (Cemma)
- Ciencia e tecnoloxía
"Non somos conscientes da riqueza das nosas augas nin do impacto que estamos producindo nelas"
Falamos con Alfredo López, un dos biólogos da Cemma, que alerta de que "pensamos que o mar é infinito, pero a realidade é que as capturas pesqueiras danse sempre por riba do nivel de recuperación das especies". Rexeita o sensacionalismo co que algúns medios están a tratar as "interaccións" de candorcas con algunhas embarcacións.
- Datos Coronavirus
- Acontece
Galicia suma cinco novos falecementos polo coronavirus, pero mantén estable o seu número de contaxios e hospitalizacións
Nas últimas dúas semanas rexistráronse 54 mortes de persoas infectadas. Os casos activos medran notablemente nas áreas sanitarias de Pontevedra e Vigo, mentres baixan ou non varían demasiado no resto.
A universidade volve ás aulas co obxectivo de manter a presencialidade "con seguridade" ante a Covid-19
As tres universidades galegas aplican protocolos estritos para evitar posibles contaxios, con medidas de control de accesos e rexistro. A Uvigo levará a cabo probas PCR mediante saliva a todo o seu persoal e tests aleatorios entre o alumnado. Algunhas facultades da UDC comezan o curso recorrendo ás clases telemáticas por mor da situación epidemiolóxica na Coruña