Fálase

A Comisión Europea aproba o desembolso do terceiro pago de 6.000 millóns dos fondos Next Generation tras cumprir o Goberno de España coas reformas legais que comprometera. Cara ao seguinte fito, o cuarto, unha das reformas comprometidas é a das pensións. A presidenta da CE, Ursula von der Leyen, di que este pago "acredita o esforzo actual de España por impulsar as súas transicións ecolóxica e dixital" e "a súa propia resiliencia social e económica". "Doulle os parabéns, que siga traballando así de ben, que a Comisión está ao seu carón", engade a mandataria. Na imaxe, Von der Leyen con Pedro Sánchez nun acto sobre o Plan de Recuperación en 2021 [© Pool Moncloa / Fernando Calvo]

• Galicia recibiu en 2021 o 6% dos fondos europeos de recuperación distribuídos polo Estado, a sexta maior porcentaxe
• Abanca encabeza o control privado da empresa para captar fondos europeos promovida pola Xunta, que pon o 40% do capital
• NextGenerationEU, PERTE, Proxecto tractor: guía para non perderse nas axudas á recuperación tras a COVID que chegarán a Galicia
• A Xunta fai unha lista de proxectos públicos para optar aos fondos da UE e non revela os privados por "confidencialidade"

Correos emitirá o 23 de febreiro 124.000 selos coa imaxe do mural de Xulio César deseñado por Diego As xunto a muralla de Lugo. O BOE fai oficial este venres a emisión do selo, que recoñecerá a elección como Mellor mural do mundo 2021. [Imaxe: CC-BY-SA Praza.gal]

O CIS mantén o PSOE en cabeza da estimación de voto cara a unhas eleccións xerais co 32,1% dos sufraxios, 2,3 puntos por riba do PP. Sitúa a Unidas Podemos como terceira forza, por diante de Vox e estima un 0,6% do total dos votos para o BNG.

O pleno de Santiago aproba a nova limitación aos pisos turísticos concibida para "evitar a desaparición" da vivenda habitual. A modificación urbanística contempla preceptos como que as vivendas destinadas unicamente ao uso turístico só poidan estar situadas en baixos ou primeiros andares. Saíu adiante cos votos a prol do PSdeG e de Compostela Aberta. O BNG abstívose ao observar "falta de diálogo e negociación" na reforma e o PP votou en contra. Na imaxe, unha campaña do Concello no anterior mandato municipal contra os pisos turísticos ilegais.

• HEMEROTECA | Santiago avanza na limitación dos pisos turísticos para "evitar a desaparición" da vivenda habitual
• INTERACTIVO | Carnota é o concello con máis concentración de pisos turísticos, que nas cidades se condensan nos cascos históricos

Case 33.000 solicitudes en Galicia nas primeiras 24 horas do prazo para pedir a axuda de 200 euros aprobada polo Goberno de España para rendas inferiores a 27.000 euros. O prazo de solicitude deste pago único abriuse este mércores para pedir o subsidio neste espazo da sede electrónica da Axencia Tributaria. A sede da AEAT que máis solicitudes rexistrou en Galicia nesas primeiras vinte e catro horas foi a da Coruña, seguida das de Pontevedra e Vigo, segundo datos facilitados pola delegación gobernamental en Galicia.

• HEMEROTECA | O Estado suprime seis meses o IVE da alimentación básica e lanza un cheque de 200 euros para as rendas máis baixas

Un pescador falecido en Monteferro (Nigrán). Estaba desaparecido desde esta mañá e varios equipos de emerxencias estaban tratando de localizalo, pero unha embarcación da Garda Civil achou o seu corpo na tarde deste xoves próximo á costa en Monteferro, segundo informa o 112 Galicia. O cadáver foi trasladado ao porto de Baiona [na imaxe CC-BY-SA Concello de Baiona]. 

O Congreso aproba definitivamente a lei trans, que recoñece a autodeterminación de xénero, e a lei de saúde sexual, que inclúe a nova regulamentación do dereito ao aborto. A lei de saúde sexual saíu adiante por ampla maioría absoluta (185 votos a prol, fronte  154 en contra e 3 abstencións) e o trámite final da lei trans saldouse coa aprobación de tres bloques de emendas procedentes do Senado por maioría absoluta (189, 281 e 279 votos a prol) e o rexeitamento doutra con 286. Na imaxe, a ministra de Igualdade, Irene Montero, no transcurso do debate final destas normas.

• Saúde menstrual, interrupción do embarazo e violencias reprodutivas: as claves da nova lei de saúde sexual
• HEMEROTECA | A lei trans sae adiante no Congreso: "Repara unha débeda histórica do Estado"

Rueda súmase á tese de Feijóo sobre o “dereito legal” e non “fundamental” das mulleres ao aborto e pide agora respectar a lei que o PP criticaba tras avalala o Constitucional. Preguntado pola súa opinión persoal o presidente di que non é relevante, remítese á do presidente do PP e di que o debate quedou rematado unha vez que se pronunciou o Constitucional que “dixo que a lei era válida e por tanto o que contén a lei convértese en dereito”.

• Feijóo di ver "correcta" a lei do aborto agora avalada polo Constitucional, cuxa derrogación apoiou dende a Xunta
• Feijóo foi pioneiro en protexer por lei as teses antiabortistas: 13 anos de abeiro da Xunta á 'Red Madre'
• HEMEROTECA (2014) | A ambigüidade de Feijóo sobre o aborto exaspera a oposición

A Cidade da Xustiza de Vigo require novas obras menos dun ano despois da inauguración tras gastar a Xunta nela 43 millóns de euros. O TSXG sinalou este mércores que é necesaria “a realización de certas melloras, entre elas a ampliación dalgunhas salas de vistas”. 

• HEMEROTECA (16/2/2022) | Feijóo anuncia o remate da Cidade da Xustiza de Vigo, cuxas obras pasaron de 27 a 43 millóns e tardaron o dobre do previsto

Feijóo di agora que o aborto "é o dereito que ten unha muller de acordo coa lei do seu país" pero que non o "considera un dereito fundamental" por non figurar "na Convención de Dereitos Humanos". O ex-presidente e actual líder do PP agrega que "raia o cómico" que a prensa lle pregunte ao respecto tras fracasar o recurso do PP contra a lei do 2010 no Constitucional e acusa os medios de pretender "desviar a atención" sobre o que denomina "implosión histórica" do Goberno do PSOE e UP. A pasada semana, tras o rexeitamento do recurso no TC, dixo ver "correcta" a lei de 2010, cuxa derrogación apoiou dende a Xunta.

• Feijóo di ver "correcta" a lei do aborto agora avalada polo Constitucional, cuxa derrogación apoiou dende a Xunta
• Feijóo foi pioneiro en protexer por lei as teses antiabortistas: 13 anos de abeiro da Xunta á 'Red Madre'
• HEMEROTECA (2014) | A ambigüidade de Feijóo sobre o aborto exaspera a oposición