Fálase

O Consello Interterritorial de Saúde estende a terceira dose de vacina contra a COVID-19 a toda a poboación maior de 18 anos. A orde de vacinación seguirá sendo por idade decrecente, confirma a ministra de Sanidade. O intervalo entre a segunda e a terceira dose queda fixado en 5 meses. Actualmente, todos os grupos que xa estaban incluídos nas doses de reforzo superan en Galicia o 70% de cobertura. A Xunta confirma que o seguinte grupo, a partir de 39 anos, comezará a recibir a terceira dose a partir do día 19 de xaneiro.

• Educación repartirá probas de saliva nas aulas cun positivo por COVID para que o alumnado as faga na casa na mañá do día seguinte

O Ministerio de Sanidade fixa que os test de antíxeno da COVID non poderán ser vendidos ao público por máis de 2,94 euros. Así o vén de confirmar a ministra de Sanidade. A orde publicarase no BOE mañá e estará en vigor o sábado.

• Educación repartirá probas de saliva nas aulas cun positivo por COVID para que o alumnado as faga na casa na mañá do día seguinte
• DATOS | O acurtamento dos illamentos propicia 25.000 altas de pacientes coa COVID e a incidencia segue á alza co impulso dos autotest
• MAPA INTERACTIVO | A Xunta recupera os puntos de test voluntarios da COVID en 32 instalacións

A asociación Abogados Cristianos presenta unha demanda xudicial contra a Xunta pola retirada do monumento a Xoán Paulo II do Monte do Gozo o pasado mes de marzo. A retirada foi debida ao “mal estado" da escultura e buscaba a “restitución da topografía orixinal do montículo", aínda que se mantiveron no chan as chapas conmemorativas da visita do Papa en 1989. 

A entidade, que realiza habitualmente estas campañas de presión, di que a eliminación do monumento "supón un ataque aos sentimentos relixiosos", pide a súa restitución e afirma que a Xunta "permite que en Galicia haxa monumentos a líderes comunistas como o Che Guevara (...) mentres derruba símbolos cristiáns".

A Xunta acorda prolongar as actuais restricións pola COVID "polo menos dúas semanas máis", pero limita o veto ás reunións de non conviventes tras o peche dos pubs (de 3h a 6h) aos xoves, venres e sábados. Na última actualización, as medidas foran prolongadas con vixencia ata o 18 deste mes de xaneiro, polo que desta volta chegarían, cando menos, ata o remate do mes. A limitación de reunións entre non conviventes, ao atinxir a un dereito fundamental, require aval do TSXG.

• DATOS | A maioría dos casos COVID detectados nas áreas da Coruña e Vigo xa proceden de autotest

A Xunta confirma que os casos activos da COVID-19 vinculados ao ensino son actualmente 14.061, entre alumnado e profesorado (o Goberno galego non desagrega os de cada colectivo). 170 deles corresponden a escolas infantís. Nos últimos sete días, sinala Educación, foron pechadas por corentena 11 aulas en colexios e institutos e 18 en escolas infantís. Antes do Nadal, os casos activos vinculados ao ensino eran uns 3.000.

• As aulas de Infantil e Primaria non pecharán con menos de 5 positivos e o alumnado vacinado de Secundaria non fará corentena
• Galicia retoma o curso escolar tras uns 10.000 casos da COVID entre menores de idade nas últimas dúas semanas

A Audiencia da Coruña resolve que continúe en prisión provisional un dos acusados polo asasinato de Samuel Luiz. Rexeita o seu recurso contra a medida ao considerar que "existe risco de fuga, debido á petición de pena de cárcere á que se podería enfrontar o sospeitoso, así como de alteración de fontes de proba". O acusado esgrimira que a súa declaración inicial ante a Policía fora voluntaria, se ben o tribunal considera que "carece de espontaneidade porque a súa vinculación coa agresión e a súa identidade xa foran descubertas". [Imaxe: CC-BY-NC-SA Praza.gal]

• HEMEROTECA | Probas de ADN "implican directamente" os dous principais agresores de Samuel Luiz

Atraco na sede central de Abanca, na rúa nova da Coruña, segundo adianta a Radio Galega. As primeiras informacións citadas pola radio pública apuntan a cinco asaltantes que terían como obxectivo roubar á clientela.

O Partido Popular de Vigo fai oficial a entrada de Julio García Comesaña, conselleiro de Sanidade, no órgano de dirección da formación local. Na primeira reunión do comité executivo dirixido por Marta Fernández Tapias ratificouse a implicación de Comesaña, que entrou na Consellería de Sanidade como independente e foi designado por Alfonso Rueda como coordinador da comarca de Vigo na executiva resultante do último congreso do PP de Pontevedra.

• HEMEROTECA | Comesaña pasa nun ano de conselleiro independente de Sanidade a coordinador do PP en Vigo

A RAG reivindica ante o Goberno do Principado de Asturias "a oficialidade do galego en igualdade de condicións co asturiano" na súa reforma estatutaria e critica "a escolla do glotónimo eo-naviego, que parece ter como finalidade facer invisible a existencia do galego nas comarcas asturianas estremeiras con Galicia", sinala a institución académica. Na imaxe [© Turgalicia], vista da ría de Ribadeo, no límite adiministrativo entre Galicia e Asturias.

• +INFO 👉 O problema para a RAG alén da oficialidade, do nome que teña en Asturias ou da beira do Eo na que se fale galego: "A súa supervivencia" 
• HEMEROTECA | "Sempre dicimos que imos tarde, pero o caso é non ir tarde de máis e aproveitar esta oportunidade de salvar a lingua asturiana"

A Deputación Permanente do Parlamento -órgano que substitúe o pleno en períodos inhábiles- votará este xoves a solicitude do BNG para que o conselleiro de Sanidade, Julio García Comesaña, compareza de urxencia en pleno pola "gravísima situación de colapso na que se atopa a atención primaria, en especial a área sanitaria de Vigo". A comparecencia só se celebrará se o PP a acepta.

• A saturación na Atención Primaria leva ao Sergas a anular toda a actividade non urxente en 14 centros da área sanitaria de Vigo