Fálase

Carles Puigdemont será o candidato de Junts per Catalunya á Presidencia da Generalitat nas vindeiras eleccións catalás do 12 de maio. Anunciouno na tarde deste xoves nun acto desde Elna (Francia) no que estivo acompañado de destacados líderes do seu partido. No seu discurso, Puigdemont expresou o seu desexo de que houbese unha candidatura independentista unitaria porque –dixo– "cando máis avanzamos foi cando máis unidos estabamos". Desta maneira, o agora eurodeputado catalán confirmou tamén que non formará parte da candidatura ás eleccións europeas de xuño.

Altri suspende as charlas na defensa da súa implantación na Ulloa por ser recibidas con protestas. Greenfiber, a sociedade coa que Atri impulsa o proxecto, di a través dun comunicado que frea os encontros polo que denominan "actitude agresiva e en aumento de determinados colectivos". A plataforma Ulloa Viva rexeita as acusacións e apunta a que "o que pasou" foi que "non saben responder ás preguntas dos veciños e aos que non lles interesa non lles pasan o micro". "Violencia -engaden- é que te queiran botar da túa casa e te teñas que enterar pola prensa".

• A xira de Altri pola Ulloa na defensa da súa fábrica principia entre protestas

Marcelo Rebelo de Sousa designa primeiro ministro de Portugal a Luís Montenegro, candidato da conservadora Alianza Democrática (AD) e líder do Partido Social Demócrata (PSD). O presidente portugués reuniuse este mércores con Montenegro, que tomará posesión o vindeiro 2 de abril. [Fotografía da noite electoral © @LMontenegroPSD]

• +INFO | A dereita gaña as eleccións en Portugal e os extremistas de Chega acadan o 18% dos votos
• HEMEROTECA | Portugal vota nunhas eleccións sen maiorías claras e a ameaza do ascenso da ultradereita de Chega

Multitudinaria concentración en Ribeira para condenar o asasinato machista cometido na parroquia de Palmeira no que un home acabou coa vida dunha muller de 24 anos que deixa orfo un neno de dous anos. A veciñanza reuniuse no Malecón a última hora do mércores convocada polo Concello e a plataforma Mulleres do Barbanza. Para este xoves, a partir das 19h, o feminismo galego chama a concentrarse nas vilas e cidades contra este feminicidio. [Fotografía da mobilización en Ribeira CC-BY-SA Concello de Ribeira]

• Asasinada unha muller de 24 anos en Ribeira, primeiro crime machista en 2024 en Galicia

Baiuca reivindica a conexión Galicia - Portugal desde a electrónica co tema "Alentejo", segundo adianto do seu segundo álbum. Nesta ocasión, o artista e produtor de Catoira recolle unha gravación do canal MPAGDP na que a pequena Inês Gonçalves interpreta a canción tradicional portuguesa "Nasce o sol no Alentejo". A canción xa se pode escoitar nas plataformas dixitais e nos directos de Baiuca. [Fotografía ©Raso Estudio] 

• HEMEROTECA | Alejandro Guillán (Baiuca): "Cada viaxe que fago axúdame a traballar con máis ganas para seguir cara a adiante coa miña música"

Unha muller é asasinada presuntamente pola súa exparella nunha vivenda na parroquia de Palmeira, no Concello de Ribeira. O crime, do que se tivo coñecemento a última hora da tarde deste martes, está a ser investigado como un posible caso de violencia machista pola Policía. [Na imaxe, o porto de Palmeira CC-BY-SA Concello de Ribeira]

• AMPLIAMOS 👉 Asasinada unha muller de 25 anos en Ribeira presuntamente pola súa exparella

Alcoa di agora que está "iniciando contactos con potenciales compradores" da fábrica de San Cibrao e promove modificar o seu plan de viabilidade en aspectos como "atrasar" investimentos ou "flexibilidade" no reinicio das cubas que principiou o pasado xaneiro.

• HEMEROTECA | Alcoa inicia o rearranque da planta na Mariña e preséntase a fondos da UE tras ameazar co peche
• HEMEROTECA | Alcoa repite táctica: ameaza de peche e demanda de axuda pública antes das eleccións 

Representantes do Comité Intercentros da CRTVG presentarán as súas demandas para os medios públicos galegos e as denuncias de manipulación no ente público na sede do Parlamento Europeo en Bruxelas. A eurodeputada do BNG, Ana Miranda, logrou este martes que a súa petición fose incluída na orde do día da Comisión de Peticións do mes de abril. "Virán aquí para denunciar a manipulación da TVG, para pedir medios públicos galegos de calidade, ecuánimes, e sobre todo para defender as súas condicións laborais", sinala Miranda, quen lembra que hai máis de medio ano que esta petición foi admitida a trámite mais estivo "bloqueada" por "continuas manobras do PP, Vox e Ciudadanos". 

• 15 anos no cargo e 75 de idade: máis olladas sobre a posible remuda do blindado director da CRTVG
• 300 'venres negros' contra a "manipulación" no apoxeo da "propaganda": "Arrastran o prestixio da CRTVG"
• HEMEROTECA | O BNG denuncia na UE os "graves problemas de manipulación" na CRTVG 

Rueda asume o despacho dos asuntos da Consellería de Infraestruturas tras o cesamento da ata agora conselleira Ethel Vázquez e ata que faga un novo nomeamento. Vázquez era conselleira desde 2014 e desde este luns é secretaria da Mesa do Parlamento e o presidente 

• Axustes á dereita, xestos á esquerda: en marcha a duodécima lexislatura

O BNG cede ao PSdeG un posto na Mesa do Parlamento, que se constitúe esta mañá. O Bloque volverá situar no órgano reitor da Cámara a Montse Prado como vicepresidenta segunda, posto que xa exerceu na pasada lexislatura, e permite que os socialistas continúen coa secretaría segunda "en aras a visibilizar a pluralidade da Cámara tamén nos seus órganos de dirección". Na imaxe, o grupo parlamentario do BNG.

• 📺 CRÓNICA | Axustes á dereita, xestos á esquerda: en marcha a duodécima lexislatura
• Santalices, presidente
• O Bloque máis numeroso bota a andar no Parlamento: "Actuaremos como alternativa de goberno"