Fálase

Multitudinaria concentración en Ribeira para condenar o asasinato machista cometido na parroquia de Palmeira no que un home acabou coa vida dunha muller de 24 anos que deixa orfo un neno de dous anos. A veciñanza reuniuse no Malecón a última hora do mércores convocada polo Concello e a plataforma Mulleres do Barbanza. Para este xoves, a partir das 19h, o feminismo galego chama a concentrarse nas vilas e cidades contra este feminicidio. [Fotografía da mobilización en Ribeira CC-BY-SA Concello de Ribeira]

• Asasinada unha muller de 24 anos en Ribeira, primeiro crime machista en 2024 en Galicia

Baiuca reivindica a conexión Galicia - Portugal desde a electrónica co tema "Alentejo", segundo adianto do seu segundo álbum. Nesta ocasión, o artista e produtor de Catoira recolle unha gravación do canal MPAGDP na que a pequena Inês Gonçalves interpreta a canción tradicional portuguesa "Nasce o sol no Alentejo". A canción xa se pode escoitar nas plataformas dixitais e nos directos de Baiuca. [Fotografía ©Raso Estudio] 

• HEMEROTECA | Alejandro Guillán (Baiuca): "Cada viaxe que fago axúdame a traballar con máis ganas para seguir cara a adiante coa miña música"

Unha muller é asasinada presuntamente pola súa exparella nunha vivenda na parroquia de Palmeira, no Concello de Ribeira. O crime, do que se tivo coñecemento a última hora da tarde deste martes, está a ser investigado como un posible caso de violencia machista pola Policía. [Na imaxe, o porto de Palmeira CC-BY-SA Concello de Ribeira]

• AMPLIAMOS 👉 Asasinada unha muller de 25 anos en Ribeira presuntamente pola súa exparella

Alcoa di agora que está "iniciando contactos con potenciales compradores" da fábrica de San Cibrao e promove modificar o seu plan de viabilidade en aspectos como "atrasar" investimentos ou "flexibilidade" no reinicio das cubas que principiou o pasado xaneiro.

• HEMEROTECA | Alcoa inicia o rearranque da planta na Mariña e preséntase a fondos da UE tras ameazar co peche
• HEMEROTECA | Alcoa repite táctica: ameaza de peche e demanda de axuda pública antes das eleccións 

Representantes do Comité Intercentros da CRTVG presentarán as súas demandas para os medios públicos galegos e as denuncias de manipulación no ente público na sede do Parlamento Europeo en Bruxelas. A eurodeputada do BNG, Ana Miranda, logrou este martes que a súa petición fose incluída na orde do día da Comisión de Peticións do mes de abril. "Virán aquí para denunciar a manipulación da TVG, para pedir medios públicos galegos de calidade, ecuánimes, e sobre todo para defender as súas condicións laborais", sinala Miranda, quen lembra que hai máis de medio ano que esta petición foi admitida a trámite mais estivo "bloqueada" por "continuas manobras do PP, Vox e Ciudadanos". 

• 15 anos no cargo e 75 de idade: máis olladas sobre a posible remuda do blindado director da CRTVG
• 300 'venres negros' contra a "manipulación" no apoxeo da "propaganda": "Arrastran o prestixio da CRTVG"
• HEMEROTECA | O BNG denuncia na UE os "graves problemas de manipulación" na CRTVG 

Rueda asume o despacho dos asuntos da Consellería de Infraestruturas tras o cesamento da ata agora conselleira Ethel Vázquez e ata que faga un novo nomeamento. Vázquez era conselleira desde 2014 e desde este luns é secretaria da Mesa do Parlamento e o presidente 

• Axustes á dereita, xestos á esquerda: en marcha a duodécima lexislatura

O BNG cede ao PSdeG un posto na Mesa do Parlamento, que se constitúe esta mañá. O Bloque volverá situar no órgano reitor da Cámara a Montse Prado como vicepresidenta segunda, posto que xa exerceu na pasada lexislatura, e permite que os socialistas continúen coa secretaría segunda "en aras a visibilizar a pluralidade da Cámara tamén nos seus órganos de dirección". Na imaxe, o grupo parlamentario do BNG.

• 📺 CRÓNICA | Axustes á dereita, xestos á esquerda: en marcha a duodécima lexislatura
• Santalices, presidente
• O Bloque máis numeroso bota a andar no Parlamento: "Actuaremos como alternativa de goberno"

O primeiro director xeral de Conservación da Natureza do Goberno de Feijóo, Ricardo García-Borregón, exerce como asesor da celulosa portuguesa Navigator, que busca solo en Galicia para a produción de eucalipto. Revélao este domingo Faro de Vigo. García-Borregón fala nesa condición para Produtores Florestais, revista da empresa, que tamén destaca o seu currículo como integrante de "muitas associações do setor e agências governamentais" e que actualmente é, asemade, vogal da Fundación para a Promoción e Desenvolvemento Rural (Fundesar). García-Borregón foi tamén voceiro do PP no Concello de Santiago. Na imaxe [CC BY-SA Xunta], García-Borregón comparecendo no Parlamento como director xeral, cargo que ocupou ata 2013.

• En Faro de Vigo: A 'Ence portuguesa' busca solo en Galicia para máis eucalipto: xa ten 1.500 hectáreas
• HEMEROTECA (2019) | A papeleira portuguesa Navigator arrenda terras en Galicia para cultivar eucalipto
• HEMEROTECA (2017) | O presidente portugués dá luz verde á reforma forestal que impulsa a Navigator a expandirse en Galicia

O galego David Barro, novo director de Es Baluard, o Museo de Arte Contemporánea de Palma, tras gañar o concurso público convocado pola institución para o posto. Barro, actual director da compostelá Fundación DIDAC, ten unha dilatada traxectoria no ámbito da xestión cultural, a arte contemporánea e o deseño, así como no impulso de eventos como o Festival Plataforma, que codirixe. [Imaxe: © Es Baluard]

Un tremor de terra de magnitude 3,7 con epicentro en Sarria é percibido en gran parte da provincia de Lugo. O movemento sísmico, segundo o IGN, rexistrouse ás 16:39 desta tarde. A vila sarriá é epicentro de tremores con relativa asiduidade. Rexistrou actividade especialmente intensa nos anos 90 do século pasado, cando foi coñecida como parte do triángulo sísmico da provincia lucense xunto a Triacastela e Becerreá.