Fálase

A conselleira do Mar, Marta Villaverde, afirma que na reunión do Comité de Flora e Fauna entre o Ministerio para a Transición Ecolóxica e as comunidades a súa postura a respecto da protección da anguía foi “defender ao sector desta proposta sen sentido do Goberno central” que, engadiu, “intenta prohibir a pesca” desta especie.

Villaverde informou de que Galicia, xunto a outras cinco comunidades autónomas, votou en contra da iniciativa presentada polo ministerio, que retirou a proposta e “decidiu crear un grupo de traballo para ter en conta todos os datos expostos”. [📸 Na imaxe, Marta Villaverde reunida con representantes da Asociación Profesional da Pesca e Comercialización da Anguía (Aproang) o 11 de febreiro © Xoán Crespo/Xunta]

• REPORTAXE | Lamprea, anguía, salmón: así festexamos a extinción nos ríos galegos 
• + INFO | Entidades ecoloxistas piden máis protección nos ríos galegos para salmón, anguía e lamprea

Activada a alerta laranxa por temporal en todo o litoral galego este mércores. Segundo a Axencia Estatal de Meteoroloxía (Aemet), o fenómeno meteorolóxico adverso estará activo desde primeira hora da mañá no noroeste da Coruña, estendéndose ao mediodía ao resto da provincia e a Lugo, e xa pola tarde a Pontevedra.

 [Foto: Xunta_arquivo]

• Acontece | Boa parte de Galicia apenas tivo tres días sen chuvia este ano

Pedro Sánchez confirma que o Consello de Ministros insta este martes á Fiscalía a "investigar os delitos que X, Meta e TikTok poderían estar cometendo pola creación e difusión de pornografía infantil mediante as súas intelixencias artificiais". "estas plataformas están atentando contra a saúde mental, a dignidade e os dereitos dos nosos fillos e fillas", sinala o presidente do Goberno de España nunha mensaxe nas redes sociais na que engade que "o Estado non o pode permitir" e que "a impunidade dos xigantes debe rematar". [Imaxe: © Pool Moncloa/José Manuel Álvarez]

• Musk, Telegram e a internacional ultra lánzanse contra Pedro Sánchez
• O Goberno de España prohibirá o acceso ás redes sociais aos menores de 16 anos
• Elon Musk lánzase pola rede dixital europea sen que a UE teña regulación ou opción pública para defenderse
• Marchar ou ficar no que foi Twitter? "X non está libre de ideoloxía, ten unha propiedade e uns intereses"

O restaurante compostelán A Tafona, de Lucía Freitas, incorpórase ao selecto club de establecementos recoñecidos con 3 Soles Guía Repsol. É un dos tres restaurantes de todo o Estado que este ano acceden á máxima cualificación e convértese ademais no terceiro galego que o consegue, uníndose a Casa Solla (Poio) e Culler de Pau (O Grove). Estréanse así mesmo, con 1 Sol os restaurantes ‘Marna’ (Pontevedra), ‘Alberte’ (Vigo), ‘O Secadeiro’ (Outes), ‘El de Alberto’ e ‘Gunnen’ (A Coruña), ‘Vértigo’ (Sober) e ‘Miguel González’ (O Pereiro de Aguiar). Galicia conta cun total de 49 restaurantes galardoados: 34 con Un Sol, 12 con Dous Soles e 3 con Tres Soles.

🟪🟧🟦 📺 EN VINTE | Vinte almorzando con Lucía Freitas

A Xunta ratifica a conxelación en 218 euros ao ano do complemento das pensións non contributivas creado polo bipartito e que Feijóo quixo suprimir. O Consello da Xunta aprobou este luns o pagamento deste ano logo de incluír nos Orzamentos unha cifra idéntica á do ano pasado.

• A Xunta volve conxelar o complemento das pensións non contributivas en 18 euros ao mes

A Xunta cifra nun 17% o seguimento da folga de persoal médico en Galicia, que O'Mega eleva ao 85%. O Sergas sitúa en máis do 22% na quenda de mañá o seguimento nos grandes hospitais, onde o paro tivo máis repercusión, segundo recoñecen tamén os convocantes da protesta contra o estatuto marco aprobado polo Ministerio de Sanidade e a prol dun propio para os médicos e médicas. Na quenda de tarde, a Consellería de Sanidade reduciu a menos do 4% o seguimento da folga. 

Pedro Sánchez e Yolanda Díaz asinan a suba do salario mínimo inteprofesional a 1.221 euros ao mes cos sindicatos CCOO e UGT. O incremento será ratificado este martes no Consello de Ministros tras un pacto do que, outra volta, se desmarcou a patronal CEOE. [Foto: © Ministerio de Traballo | Gráfico: Praza.gal]

• GRÁFICO INTERACTIVO | Evolución do Salario Mínimo Interprofesional
• HEMEROTECA | Menos da metade dos salarios galegos superan os 1.500 euros netos mensuais

Persoal médico vai á folga toda esta semana para reclamar un estatuto propio e contra o estatuto marco acordado entre o MInisterio de Sanidade e os sindicatos da mesa de negociación. O paro prolóngase desde este luns ata o vindeiro venres e en Galicia está apoiado por O'Mega e Simega. Máis información, hoxe en Praza.gal. 

HEMEROTECA | Sanidade e catro sindicatos pactan un Estatuto Marco sen mellora retributiva que remata coas gardas de 24 horas

Dende o venres, "tempo seco en toda Galicia". MeteoGalicia detalla como o anticiclón "comeza a subir de latitude" e, se ben ata o xoves non dará "afastado as borrascas", si o fará desa xornada en diante. Imaxe do Eumetsat tirada por MeteoGalicia.

• As borrascas de 2026 en Galicia: máis de 7.600 incidencias e auga para abastecer a poboación máis dun século
• Peores incendios e temporais, máis eucalipto e menos marisco: a crise climática que xa afronta Galicia

O comité de empresa de GKN Vigo retira a convocatoria de folga despois de que a compañía renuncie a realizar un ERE que prevía 50 despedimentos a cambio dunha maior flexibilidade laboral na fábrica. Os traballadores da empresa viguesa do sector da automoción levaban 15 días mobilizados en protesta conta os despedimentos anunciados