Fálase

A histórica participación de Oliver Laxe nos Oscar con Sirât remata sen premios, mais co director galego subliñando a importancia da oportunidade de ser candidato en dúas categorías dos prestixiosos galardóns. "Non hai gañadores nin perdedores, todos gañamos" con esta "oportunidade" para vindeiras producións, subliñaba na alfombra vermella de Los Angeles, antes da entrega. O percorrido do filme continúa a vindeira semana nos Mestre Mateo, onde aspira a 11 premios. Máis info, hoxe en Praza.gal. [Imaxe: © Quim Vives]

• ENTREVISTA | Xavi Font: "Despois de 'Sirât' temos todas as portas abertas"
• HEMEROTECA | O cinema galego nos Oscar: "Sirât' é un fito porque supón derrubar límites"
• HEMEROTECA | Oliver Laxe:  "O cinema segue sendo un espazo onde experimentar cousas fortes que xa non experimentamos na vida"

As dereitas repiten maioría absoluta en Castela e León co PP como primeira forza e 2 escanos máis cun medre de 4 puntos e Vox en terceira posición e crecendo un procurador nas Cortes castelás e leonesas cun avance un chisco superior a un punto. O PSOE, que volve ser segunda forza, avanza 2 escanos e algo menos dun punto co 93% escrutado. Unión del Pueblo Leonés mantense con 3 escanos e Podemos desaparece do Parlamento ao perder o escano que tiña.

• AMPLIAMOS 👉  Máis dereitas en Castela e León tras 40 anos fronte a un estable PSOE

O conselleiro de Cultura e a vicepresidenta e ministra de Traballo, en Hollywood para acompañar a participación nos Oscar de Sirât, o filme de Oliver Laxe que este domingo opta a dous dos prestixiosos galardóns: mellor película internacional e mellor son. José López Campos e Yolanda Díaz asistirán á gala, que se celebra no Dolby Theatre de Los Angeles. Na imaxe, Oliver Laxe durante a rodaxe de Sirât con parte do elenco do filme [© Quim Vives]

• ENTREVISTA | Xavi Font: "Despois de 'Sirât' temos todas as portas abertas"
• HEMEROTECA | O cinema galego nos Oscar: "Sirât' é un fito porque supón derrubar límites"
• HEMEROTECA | Oliver Laxe:  "O cinema segue sendo un espazo onde experimentar cousas fortes que xa non experimentamos na vida"

Castela e León celebra hoxe eleccións catro anos despois das que precipitaron dúas semanas despois a caída de Pablo Casado como líder do PP e a súa remuda por Feijóo. Daquela, a dirección estatal da formación deseñara unha operación para pasar nesta autonomía, que gobernan dende 1987, da coalición con Ciudadanos a un Goberno en solitario que reforzase a Casado e enfraquecese a Pedro Sánchez, pero acabara dependendo dun reforzado Vox, formación da extrema dereita para a que os inquéritos agardan tamén unha relevante suba neste 15 de marzo. Na imaxe, Feijóo aínda como líder do PP galego, pechando a campaña do PP castelán e leonés en 2022 xunto a Mañueco, Casado e Ayuso.

• HEMEROTECA (2022) | O PP logra seguir no goberno do seu feudo de Castela e León, agora nas mans da extrema dereita
• HEMEROTECA (2022) | Feijóo di agora que si a presidir o PP estatal "porque a Galicia non lle é indiferente España" e hipoteca a estabilidade da Xunta

Persoal médico convocado polo sindicato O'Mega maniféstase en Santiago para denunciar que no Sergas os "centros de saúde están desbordados" e os hospitais "con listas de espera interminables e sobrecarga constante" e reclamaren melloras laborais. No marco das folgas paralelas que veñen desenvolvendo -paro indefinido en Atención Primaria e negativa a realizar operacións polas tardes para aliviar esperas as chamadas peonadas- instan a Consellería de Sanidade a "sentar a negociar os asuntos sobre os que ten competencia exclusiva", caso do establecemento da xornada semanal de 35 horas ou unha nova regulación das Urxencias, entre outras, mentres seguen reclamando ao Estado un Estatuto Marco propio. [Imaxe: O'Mega]

• O "grande impacto" das folgas e do 'non' ás 'peonadas" pon o Sergas en alerta
• DATOS | A espera cirúrxica é a maior en tres anos no Sergas, que culpa as folgas e o Goberno de España
• Máis de 35.000 consultas suspendidas e máis hospitais sen 'peonadas' pola folga médica

Falece aos 96 anos o filósofo e sociólogo alemán Jürgen Habermas, segundo confirmou este sábado a editorial Suhrkamp citando fontes da súa familia. [Imaxe: CC BY-SA Wolfram Huke]

Máis de 43.000 consultas suspendidas na atención primaria pola folga médica de O'Mega que o vindeiro luns se estende a todos os niveis asistenciais e en todo o Estado. A ministra de Sanidade, Mónica García, acusa o comité de folga de "romper o principio de boa fe e o propósito de diálogo das negociacións" ao manter a convocatoria malia o acordo alcanzado co Foro da Profesión Médica. 

• O "grande impacto" das folgas e do 'non' ás 'peonadas" pon o Sergas en alerta

A Xunta presenta ante a Comisión Europea a candidatura de Santiago como Cidade Europea da Ciencia en 2028. O proxecto, denominado Ways, propón un percorrido que une Galicia coas rexións de Pomorskie (Polonia) e Emilia-Romagna (Italia) a través das cidades de Santiago, Gdynia, Rávena e Módena. A proposta, que inclúe obradoiros, festivais e actividades educativas, busca "visibilizar o sobresaliente traballo científico" que se desenvolve en Galicia e incorporaría "investimentos" que beneficiarían a Compostela, Vigo e A Coruña, destaca o Goberno galego.

A bioplanta de fibra reciclada de Ence nas Pontes obtén 24,7 millóns do PETE de descarbonización industrial. A Xunta xa outorgou o pasado mes de agosto o permiso ambiental a esta planta que empregará cartón e papel reciclado para producir fibra branqueada. 

• Ence logra en dous meses o segundo permiso ambiental para As Pontes mentres Altri agarda desde marzo

A policía identifica máis de vinte ultras do Celta que atacaron un bar con seareiros franceses do Olympique de Lión na noite previa ao encontro que enfronta aos dous equipos na Europa League este xoves. O club vigués "condena firmemente calquera tipo de actuación violenta" e di que actuará para que estes "afeccionados violentos" non ocupen a bancada de Balaídos. Imaxe: @footballdonorte