Anulado o ditame do Instituto Geográfico Nacional que avalou a denominación 'ría del Eo' como oficial para a ría de Ribadeo. A Deputación de Lugo e o Concello ribadense avanzan que o Ministerio de Transportes, do que depende o IGN, atendeu parcialmente os recursos presentados por ambas institucións, a Xunta e diversas entidades e "ordena retrotraer as actuacións ao momento previo á solicitude dun informe á Comisión Especializada de Nomes Xeográficos", que terá que emitir un "novo ditame que conteña a motivación suficiente".
![](https://praza.gal/media/cache/live_image/uploads/59f05ac079799-riaderibadeo-9361a4c.jpeg)