Fálase

Yolanda Díaz ameaza a Xunta cos tribunais se pon en marcha o plan anunciado por Rueda para controlar as baixas laborais. A ministra de Traballo, de visita na Coruña, advertiu que sería "ilegal" e invadiría competencias do Estado. "Imos presentar un recurso de inconstitucionalidade se a medida se maerializa", dixo a membro do Goberno de España, que acusou a Rueda de cuestionar "a profesionalidade dos sanitarios e sanitarias públicos" e de "poñer en cuestión a súa propia xestión da sanidade galega". 

• Rueda pon no albo o persoal de baixa laboral e afonda a viraxe na vivenda

O xulgado de Viveiro ordena reabrir o caso Maruxaina, a investigación sobre vídeos de mulleres ouriñando na rúa que foron publicadas en webs pornográficos. O Tribunal de Instancia viveirense, informa o TSXG, "aplica a recente interpretación do Tribunal Supremo sobre o cómputo de prazos na Lei de Axuizamento Criminal", que permite seguir adiante coa instrución "nos doce meses seguintes á identificación dun novo investigado". Desta maneira, fai firme o arquivo ditado en xaneiro para un imputado sobre o que a xuíza non achou probas pero "ordena reabrir a causa co obxectivo de investigar outra persoa identificada a partir dun informe técnico"

• HEMEROTECA | Arquivo do 'caso Maruxaina': sen indicios para culpar polos vídeos de mulleres enviados a webs pornográficas

O Parlamento acolle dende esta mañá o debate de política xeral. A sesión principia cun discurso do presidente da Xunta, Alfonso Rueda e, xa pola tarde, será a quenda de Ana Pontón (BNG) e José Ramón Gómez Besteiro (PSdeG), así como do deputado de DO e do PP. O máis destacado do debate, en Praza.gal durante todo o día dende o Pazo do Hórreo. Mentres, podes recuperar neste espazo a nosa información do debate de 2025 -na imaxe-. [CC-BY-SA David Cabezón / Xunta]

Cesamento do fogo de dúas semanas nos ataques dos EUA contra Irán escasas horas despois de que Trump ameazase coa fin da "civilización" do país persa. O presidente estadounidense liga esta tregua á mediación de Paquistán e tamén o fan as autoridades iranianas, que ratifican que nestas dúas semanas o paso de mercadorías polo Estreito de Ormuz en condicións seguras será posible "en coordinación coas Forzas Armadas" do seu país: "Irán resistiu e impuxo o seu poder aos inimigos da paz", afirman. Na imaxe, do Ministerio de Exteriores do Irán, efectos dun bombardeo dos EUA e Israel contra unha universidade.

• HEMEROTECA | Trump vende como "histórico" un cesamento do fogo de mínimos en Gaza
• HEMEROTECA | "Europa teme enfrontarse a Trump pero non quere acompañar unha guerra que considera ilexítima"
• HEMEROTECA | A guerra de Trump ameaza de novo o poder adquisitivo da poboación

O Tribunal de Instancia de Vilalba arquiva a causa na que se investigou a alcaldesa de Guitiriz pola cobranza de dietas. A xuíza explica no auto que a documentación achegada proba que asistiu a unha Xunta de Goberno Local de forma telemática mentres estaba de viaxe oficial en Portugal tras ser denunciada polo PP local. 

Trump ameaza agora con que "unha civilización enteira vai morrer esta noite para nunca máis volver", en referencia a Irán. O presidente dos EUA proclama na súa rede social que "esta noite" será "un dos momentos máis importantes da longa e complexa historia do mundo" porque "rematarán 47 anos de extorsión, corrupción e morte" no país persa, ao que está a atacar canda Israel dende finais de febreiro á marxe da legalidade internacional.

• HEMEROTECA | "Europa teme enfrontarse a Trump pero non quere acompañar unha guerra que considera ilexítima"
• HEMEROTECA | A guerra de Trump ameaza de novo o poder adquisitivo da poboación

A Audiencia da Coruña confirma a falta de indicios para procesar o ex-conselleiro do Mar por agresión sexual. O Tribunal avala a instrución "ampla e minuciosa" realizada por unha xuíza de Ferrol que non atopou probas.

• AMPLIAMOS 👉 A Audiencia ratifica que o ex-conselleiro Villares non sexa xulgado por agresión sexual
• HEMEROTECA (22/12/2025) | A instrutora do caso Villares decide non enviar o ex-conselleiro a xuízo por agresión sexual

Falece Olga López Racamonde, concelleira de Cohesión Social do Concello de Lugo, por mor do cancro que padecía. O de Racamonde é o terceiro pasamento no grupo do PSdeG e no goberno lucense no que vai de mandato, tras as mortes da alcaldesa Paula Alvarellos e do edil Pablo Permuy. O secretario xeral do PSdeG, José Ramón Gómez Besteiro, despídea lembrándoa como "matrona, profesora, concelleira. Coidou de todos ata que o corpo xa non a deixou".

• A morte da edil Olga López Racamonde leva o loito ao goberno de Lugo por terceira vez nun ano

Un incendio forestal en Ponteareas con risco para vivendas obriga a mobilizar varios medios terrestres e aéreos e supera xa as 20 hectáreas. As altas temperaturas que sofre hoxe Galicia facilitaron a expansión das lapas, que se iniciaron na parroquia de Ribadetea. Outro incendio en Carballo queimou tamén máis de 20 hectáreas, segundo informa Medio Rural. 

"O 50% do desconto en combustibles dos galegos nestas vacacións foron asumidos con axudas da Xunta, non do Estado", di Rueda, que lembra que as bonificacións estatais reduciron os ingresos por impostos da Xunta. O presidente responde así ás peticións de sectores do agro ou da pesca que reclaman axudas directas ao combustible profesional.

• Rueda quéixase por deixar de ingresar 120 millóns coa rebaixa de impostos aprobada por Sánchez